7 shlokas
- 1
महीदम् इन्द्र इन्द्रियं दधात्व् अस्मान्रायो मघवानः सचन्ताम्
अस्माकं सन्त्व् आशिषः सत्या नः सन्त्व् आशिषः
इतीडायाम् उपहूयमानायाम्
mahīdam indra indriyaṃ dadhātv asmānrāyo maghavānaḥ sacantām
asmākaṃ santv āśiṣaḥ satyā naḥ santv āśiṣaḥ
itīḍāyām upahūyamānāyām
- 2
ब्रध्न पिन्वस्व प्राणं मे पाहि प्रजां मे पाहि पशून्मे पाहि ब्रह्म मे धुक्ष्व क्षत्रं मे धुक्ष्व विशो मे धुक्ष्व दिशाम्कॢप्तिर् असि दिशो मे कल्पन्तां कल्पन्तां मे दिशस्तासु कॢप्तासु राध्यासम्
अत्र पितरो मादयध्वं यथाभागं पितर आवृषायध्वम् इति बर्हिषदं पुरोडाशम् अभिमृश्य
bradhna pinvasva prāṇaṃ me pāhi prajāṃ me pāhi paśūnme pāhi brahma me dhukṣva kṣatraṃ me dhukṣva viśo me dhukṣva diśāmkḷptir asi diśo me kalpantāṃ kalpantāṃ me diśastāsu kḷptāsu rādhyāsam
atra pitaro mādayadhvaṃ yathābhāgaṃ pitara āvṛṣāyadhvam iti barhiṣadaṃ puroḍāśam abhimṛśya
- 3
अमीमदन्त पितरो यथाभागम् अवीवृषतेति प्रत्यवधाय
amīmadanta pitaro yathābhāgam avīvṛṣateti pratyavadhāya
- 4
प्रजापतेर्भागो ऽस्य् ऊर्जस्वान्पयस्वान् अक्षितिर् असि मा मे क्षेष्ठा अमुत्रामुष्मिंल्लोक इह चेत्य् अन्वाहार्यम् अभिमृश्य
prajāpaterbhāgo 'sy ūrjasvānpayasvān akṣitir asi mā me kṣeṣṭhā amutrāmuṣmiṃlloka iha cety anvāhāryam abhimṛśya
- 5
अनुयाजेष्व् इष्टेषु व्यूहितस्रुचाव् अग्नेर् अग्नीषोमयोर् उज्जितिम् अनूज्जेषं वाजस्य मा प्रसवेन प्रोहामीत्य् उत्तानेन दक्षिणेन जुहूं प्राचीम् अग्निर् अग्नीषोमौ तम् अपनुदन्तु यो ऽस्मान्द्वेष्टि यं च वयं द्विष्मो वाजस्य एनं प्रसवेन अपोहामीति नीचा सव्येनोपभृतं प्रतीचीम्
anuyājeṣv iṣṭeṣu vyūhitasrucāv agner agnīṣomayor ujjitim anūjjeṣaṃ vājasya mā prasavena prohāmīty uttānena dakṣiṇena juhūṃ prācīm agnir agnīṣomau tam apanudantu yo 'smāndveṣṭi yaṃ ca vayaṃ dviṣmo vājasya enaṃ prasavena apohāmīti nīcā savyenopabhṛtaṃ pratīcīm
- 6
यथादेवतम् अन्यत्र
yathādevatam anyatra
- 7
अनिष्टे गृहपतौ गार्हपत्ये स्रुवेण जुहोति
aniṣṭe gṛhapatau gārhapatye sruveṇa juhoti

