4 shlokas
- 1
यं वां देवा अकल्पयन्न् ऊर्जो भागं शतक्रतू
इदं वां तेन प्रीणामि तस्य तृम्पतम् अहाहाहुहू स्वाहा
गन्धर्वाभ्यां नारीष्टाभ्याम् अहाहाहुहूभ्यां स्वाहा
अग्ने पृथिव्या अधिपते वायो ऽन्तरिक्षस्य अधिपते सवितः प्रसवानाम् अधिपते सूर्य नक्षत्राणाम् अधिपते सोमौषधीनाम् अधिपते त्वष्टः समिधां रूपाणाम् अधिपते मित्र सत्यानाम् अधिपते वरुण धर्माणाम् अधिपते इन्द्र ज्येष्ठानाम् अधिपते प्रजापते प्रजानाम् अधिपते देवा देवेषु पराक्रमध्वम्
yaṃ vāṃ devā akalpayann ūrjo bhāgaṃ śatakratū
idaṃ vāṃ tena prīṇāmi tasya tṛmpatam ahāhāhuhū svāhā
gandharvābhyāṃ nārīṣṭābhyām ahāhāhuhūbhyāṃ svāhā
agne pṛthivyā adhipate vāyo 'ntarikṣasya adhipate savitaḥ prasavānām adhipate sūrya nakṣatrāṇām adhipate somauṣadhīnām adhipate tvaṣṭaḥ samidhāṃ rūpāṇām adhipate mitra satyānām adhipate varuṇa dharmāṇām adhipate indra jyeṣṭhānām adhipate prajāpate prajānām adhipate devā deveṣu parākramadhvam
- 2
प्रथमा द्वितीयेषु पराक्रमध्वम् इत्य् एवम् एकोत्तरम् ऐकादशभ्यः
prathamā dvitīyeṣu parākramadhvam ity evam ekottaram aikādaśabhyaḥ
- 3
विश्वे देवास्त्रयस्त्रिंशास्त्रिर् एकादशिन उत्तरोत्तरवर्त्मान उत्तरसत्वानो विश्वे वैश्वानरा विश्वे विश्वमहस इह मावतास्मिन्ब्रह्मण्य् अस्मिन्क्षत्रे ऽस्मिन्कर्मण्य् अस्याम् आशिष्य् अस्यां प्रतिष्ठायाम् अस्यां देवहूत्याम् अयं मे कामः समृध्यतां स्वाहेति यत्कामो भवति
viśve devāstrayastriṃśāstrir ekādaśina uttarottaravartmāna uttarasatvāno viśve vaiśvānarā viśve viśvamahasa iha māvatāsminbrahmaṇy asminkṣatre 'sminkarmaṇy asyām āśiṣy asyāṃ pratiṣṭhāyām asyāṃ devahūtyām ayaṃ me kāmaḥ samṛdhyatāṃ svāheti yatkāmo bhavati
- 4
प्रजापत इति चतुर्थी
prajāpata iti caturthī

