14 shlokas
- 1
दक्षिणाद्वेदेः श्रोणिदेशाद् आहवनीयात्
dakṣiṇādvedeḥ śroṇideśād āhavanīyāt
- 2
दिवि विष्णुर्व्यक्रंस्त जागतेन छन्दसा तम् अहम् अनु व्यक्रंसि ततो निर्भक्तः स यो ऽस्मान्द्वेष्टि यं च वयं द्विष्म इत्य् अभ्युद्धृत्य दक्षिणं पादं हीनतरं सव्यम्
divi viṣṇurvyakraṃsta jāgatena chandasā tam aham anu vyakraṃsi tato nirbhaktaḥ sa yo 'smāndveṣṭi yaṃ ca vayaṃ dviṣma ity abhyuddhṛtya dakṣiṇaṃ pādaṃ hīnataraṃ savyam
- 3
अन्तरिक्षे विष्णुर्व्यक्रंस्त त्रैष्टुभेन छन्दसेति द्वितीयम्
antarikṣe viṣṇurvyakraṃsta traiṣṭubhena chandaseti dvitīyam
- 4
पृथिव्यां विष्णुर्व्यक्रंस्त गायत्रेण छन्दसेति तृतीयम्
pṛthivyāṃ viṣṇurvyakraṃsta gāyatreṇa chandaseti tṛtīyam
- 5
दिक्षु विष्णुर्व्यक्रंस्तानुष्टुभेन छन्दसेति तिर्यग्विक्रामति
dikṣu viṣṇurvyakraṃstānuṣṭubhena chandaseti tiryagvikrāmati
- 6
समान उदर्कः
samāna udarkaḥ
- 7
अगन्म स्वर् इति प्राङ् ईक्षते
aganma svar iti prāṅ īkṣate
- 8
सं ज्योतिषाभूमेत्य् आहवनीयम्
saṃ jyotiṣābhūmety āhavanīyam
- 9
सम् अहं प्रजया सं मया प्रजा सम् अहं रायस्पोषेण सं मया रायस्पोषो वसुर्यज्ञो वसीयान्भूयासम् इति प्राङ् एव
sam ahaṃ prajayā saṃ mayā prajā sam ahaṃ rāyaspoṣeṇa saṃ mayā rāyaspoṣo vasuryajño vasīyānbhūyāsam iti prāṅ eva
- 10
स्वयम्भूर् असि श्रेष्ठो रश्मिर् आयुर्दा अस्यायुर्मे देहि वर्चोदा असि वर्चो मे देहि तनूपा असि तन्वं मे पाहीदम् अहम् आभ्यो दिग्भ्यो ऽस्यै दिवो ऽस्माद् अन्तरिक्षाद् अस्माद् अन्नाद्याद् अस्यै प्रतिष्ठायै द्विषन्तं भ्रातृव्यं निर्भजामि निर्भक्तो द्विषन्भ्रातृव्य इत्य् आदित्यम् उपस्थाय
svayambhūr asi śreṣṭho raśmir āyurdā asyāyurme dehi varcodā asi varco me dehi tanūpā asi tanvaṃ me pāhīdam aham ābhyo digbhyo 'syai divo 'smād antarikṣād asmād annādyād asyai pratiṣṭhāyai dviṣantaṃ bhrātṛvyaṃ nirbhajāmi nirbhakto dviṣanbhrātṛvya ity ādityam upasthāya
- 11
ऐन्द्रीम् आवृतम् आवर्त आदित्यस्य आवृतम् अन्वावर्त इति दक्षिणं बाहुम् अन्वावृत्य
सव्यावृद् एत्य गार्हपत्यम्
अग्ने गृहपते स गृहपतिर् अहं त्वयाग्ने गृहपतिना भूयासं सु गृहपतिस्त्वं मयाग्ने गृहपतिना भूयाः
aindrīm āvṛtam āvarta ādityasya āvṛtam anvāvarta iti dakṣiṇaṃ bāhum anvāvṛtya
savyāvṛd etya gārhapatyam
agne gṛhapate sa gṛhapatir ahaṃ tvayāgne gṛhapatinā bhūyāsaṃ su gṛhapatistvaṃ mayāgne gṛhapatinā bhūyāḥ
- 12
अस्थूरि नो गार्हपत्यानि सन्तु
शतं हिमा मह्यम् अमुष्याद् इति पुत्रनामान्य् अभिव्याहृत्य
भूर्भुवः स्वः सं मा कामेन गमयेत्य् अस्याङ्गारम् उपस्पृश्य
asthūri no gārhapatyāni santu
śataṃ himā mahyam amuṣyād iti putranāmāny abhivyāhṛtya
bhūrbhuvaḥ svaḥ saṃ mā kāmena gamayety asyāṅgāram upaspṛśya
- 13
यज्ञो बभूव स आबभूव स प्रजज्ञे स उ वावृधे पुनः
स देवानाम् अधिपतिर्बभूव सो ऽस्मान् अधिपतीन्कृणोतु
इति जपित्वा
yajño babhūva sa ābabhūva sa prajajñe sa u vāvṛdhe punaḥ
sa devānām adhipatirbabhūva so 'smān adhipatīnkṛṇotu
iti japitvā
- 14
तथैवाचम्य
अग्ने व्रतपते व्रतम् अचारिषं तद् अशकं तेनारात्सं य एव अस्मि सो ऽस्मीत्य् आहवनीये समिधम् आधाय
विसृज्य वाचम्
tathaivācamya
agne vratapate vratam acāriṣaṃ tad aśakaṃ tenārātsaṃ ya eva asmi so 'smīty āhavanīye samidham ādhāya
visṛjya vācam

