13 shlokas
- 1
नमो वः पितरो जीवाय नमो वः पितरः शोषाय
नमो वः पितरो घोराय नमो वः पितरो रसाय
नमो वः पितरो बलाय नमो वः पितरो मृत्यवे
नमो वः पितरो मन्यवे नमो वः पितरः स्वधायै
नमो वः पितरः पितरो नमो वः
ये ऽत्र पितरः पितरः स्थ यूयं तेषां श्रेष्ठा भूयास्थ
य इह पितरो मनुष्या वयं तेषां श्रेष्ठा भूयास्म
यात्र पितरः स्वधा युष्माकं सा
य इह पितर एधतुर् अस्माकं स
गृहान्नः पितरो दत्तेति
namo vaḥ pitaro jīvāya namo vaḥ pitaraḥ śoṣāya
namo vaḥ pitaro ghorāya namo vaḥ pitaro rasāya
namo vaḥ pitaro balāya namo vaḥ pitaro mṛtyave
namo vaḥ pitaro manyave namo vaḥ pitaraḥ svadhāyai
namo vaḥ pitaraḥ pitaro namo vaḥ
ye 'tra pitaraḥ pitaraḥ stha yūyaṃ teṣāṃ śreṣṭhā bhūyāstha
ya iha pitaro manuṣyā vayaṃ teṣāṃ śreṣṭhā bhūyāsma
yātra pitaraḥ svadhā yuṣmākaṃ sā
ya iha pitara edhatur asmākaṃ sa
gṛhānnaḥ pitaro datteti
- 2
एतद्वः पितरो वासो वध्वं पितर इति त्रीणि सूत्राण्य् उपन्यस्य
etadvaḥ pitaro vāso vadhvaṃ pitara iti trīṇi sūtrāṇy upanyasya
- 3
ऊर्जं वहन्तीर् अमृतं घृतं पयः कीलालं परिस्रुतम्
स्वधा स्थ तर्पयत नः पितॄन् इत्य् उदकशेषं निनीय
ūrjaṃ vahantīr amṛtaṃ ghṛtaṃ payaḥ kīlālaṃ parisrutam
svadhā stha tarpayata naḥ pitṝn ity udakaśeṣaṃ ninīya
- 4
अवघ्राय पिण्डान्
avaghrāya piṇḍān
- 5
अवधाय प्राश्नीयात्
avadhāya prāśnīyāt
- 6
ब्राह्मणाय वा दद्यात्
brāhmaṇāya vā dadyāt
- 7
अपो वाभ्यवहरेत्
apo vābhyavaharet
- 8
मध्यमपिण्डं पत्नी पुत्रकामा प्राश्नीयात्
आधत्त पितरो गर्भम्कुमारं पुष्करस्रजम्
यथेह पुरुषो ऽसत्
इति
madhyamapiṇḍaṃ patnī putrakāmā prāśnīyāt
ādhatta pitaro garbhamkumāraṃ puṣkarasrajam
yatheha puruṣo 'sat
iti
- 9
उल्मुकम् अग्नौ कृत्वा
ulmukam agnau kṛtvā
- 10
सकृदाच्छिन्नान् अनुप्रहृत्य
sakṛdācchinnān anuprahṛtya
- 11
अग्निहोत्रं यवाग्वैव सायं प्रातः
agnihotraṃ yavāgvaiva sāyaṃ prātaḥ
- 12
स्वयंहोमश्च पर्वणि
svayaṃhomaśca parvaṇi
- 13
एतेनैव धर्मेणानाहिताग्नेः पिण्डपितृयज्ञः क्रियेत
etenaiva dharmeṇānāhitāgneḥ piṇḍapitṛyajñaḥ kriyeta

