23 shlokas
- 1
मैनम् अग्न इति संप्रदीप्ते दश जपित्वा सव्यावृतो ऽनवेक्षमाणाः प्रागुदञ्चः प्रक्रामन्ति
mainam agna iti saṃpradīpte daśa japitvā savyāvṛto 'navekṣamāṇāḥ prāgudañcaḥ prakrāmanti
- 2
मृत्योः पदम् इत्य् अनुमन्त्रयते द्वाभ्याम्
mṛtyoḥ padam ity anumantrayate dvābhyām
- 3
आपो हि ष्ठा सना च सोमेत्य् उदकं स्पृशन्ति सूक्ताभ्याम् अनमन्निमज्जन्तो ऽसंधावमानाः
āpo hi ṣṭhā sanā ca somety udakaṃ spṛśanti sūktābhyām anamannimajjanto 'saṃdhāvamānāḥ
- 4
असावेतत्त इत्य् एकम् उदकाञ्जलिं प्रदाय
आपो ऽस्मान् इत्य् उत्क्रम्य
अहतं वासः परिधाय
तच्चक्षुर् इत्य् आदित्यम् उपस्थाय
कनिष्ठपूर्वाः प्रत्यायन्ति
asāvetatta ity ekam udakāñjaliṃ pradāya
āpo 'smān ity utkramya
ahataṃ vāsaḥ paridhāya
taccakṣur ity ādityam upasthāya
kaniṣṭhapūrvāḥ pratyāyanti
- 5
उदपात्रे दूर्वायवसर्षपाण्योप्यार्द्रे गोमये निधायाश्मन्वतीत्य् अभ्यक्तम् अश्मानम् अग्निम् उदपात्रं च संमृशन्ति
udapātre dūrvāyavasarṣapāṇyopyārdre gomaye nidhāyāśmanvatīty abhyaktam aśmānam agnim udapātraṃ ca saṃmṛśanti
- 6
अधःशय्या हविष्यभक्षता प्रत्यूहनं च कर्मणां वैतानवर्जम् एकरात्रं त्रिरात्रं नवरात्रं वावा संचयनाद्व्रतानि
adhaḥśayyā haviṣyabhakṣatā pratyūhanaṃ ca karmaṇāṃ vaitānavarjam ekarātraṃ trirātraṃ navarātraṃ vāvā saṃcayanādvratāni
- 7
नाघाहानि वर्धयेयुर् इति ह स्माह कौषीतकिः
nāghāhāni vardhayeyur iti ha smāha kauṣītakiḥ
- 8
अपरपक्षे संचित्यायुजासु रात्रिषु
यं त्वम् अग्न इति द्वाभ्यां सक्षीरेणोदकेनास्थीनि निर्वाप्य
पुराणे कुम्भे शरीराण्योप्य
उत्ते स्तभ्नामीति लोष्टेनापिधाय
उच्छ्वञ्चस्वेति खाते निखाय
उच्छ्वञ्चमानेति परिमिते ऽवधाय
अरण्ये निखनन्ति
aparapakṣe saṃcityāyujāsu rātriṣu
yaṃ tvam agna iti dvābhyāṃ sakṣīreṇodakenāsthīni nirvāpya
purāṇe kumbhe śarīrāṇyopya
utte stabhnāmīti loṣṭenāpidhāya
ucchvañcasveti khāte nikhāya
ucchvañcamāneti parimite 'vadhāya
araṇye nikhananti
- 9
शरीरेष्व् अदृश्यमानेषु त्रीणि षष्टिशतानि पलाशवृन्तानि
śarīreṣv adṛśyamāneṣu trīṇi ṣaṣṭiśatāni palāśavṛntāni
- 10
तेषाम् आवापस्थानम्
teṣām āvāpasthānam
- 11
चत्वारिंशच्छिरसि
catvāriṃśacchirasi
- 12
ग्रीवायां दश
grīvāyāṃ daśa
- 13
अंसान्वंसयोर्बाह्वोः शतम्
aṃsānvaṃsayorbāhvoḥ śatam
- 14
उरसि त्रिंशत्
urasi triṃśat
- 15
जठरे विंशतिः
jaṭhare viṃśatiḥ
- 16
षड्वृषणयोः
ṣaḍvṛṣaṇayoḥ
- 17
शिश्ने चत्वारि
śiśne catvāri
- 18
ऊर्वोः शतम्
ūrvoḥ śatam
- 19
त्रिंशज्जानुजङ्घाष्ठीवतोः
triṃśajjānujaṅghāṣṭhīvatoḥ
- 20
पादाङ्गुलीषु विंशतिः
pādāṅgulīṣu viṃśatiḥ
- 21
एवं त्रीणि षष्टिशतानि भवन्ति
evaṃ trīṇi ṣaṣṭiśatāni bhavanti
- 22
पुरुषाकृतिम्कृत्वोर्णासूत्रैः परिवेष्ट्य यवचूर्णैः प्रलिप्य सर्पिषाभ्यज्याग्निभिः संस्कुर्वन्ति
puruṣākṛtimkṛtvorṇāsūtraiḥ pariveṣṭya yavacūrṇaiḥ pralipya sarpiṣābhyajyāgnibhiḥ saṃskurvanti
- 23
इच्छन्पत्नीं पूर्वमारिणीम् अग्निभिः संस्कृत्य सांतपनेन वान्याम् आनीय ततः पुनर् आदधीत
icchanpatnīṃ pūrvamāriṇīm agnibhiḥ saṃskṛtya sāṃtapanena vānyām ānīya tataḥ punar ādadhīta

