25 shlokas
- 1
षड् अर्घ्या भवन्त्य् आचार्य ऋत्विक्श्वशुरो राजा स्नातकः प्रिय इति
ṣaḍ arghyā bhavanty ācārya ṛtvikśvaśuro rājā snātakaḥ priya iti
- 2
उदङ्मुखः प्राङ्मुखो वाहं वर्ष्म सादृशानां विद्युताम् इव सूर्यः
इदं तम् अधितिष्ठामि यो ऽस्मान् अभिदासति
इति कूर्चम् अध्यास्ते ऽधितिष्ठति वा
udaṅmukhaḥ prāṅmukho vāhaṃ varṣma sādṛśānāṃ vidyutām iva sūryaḥ
idaṃ tam adhitiṣṭhāmi yo 'smān abhidāsati
iti kūrcam adhyāste 'dhitiṣṭhati vā
- 3
विराजो दोहो ऽसि विराजो दोहम् अशीय मयि पद्यायै विराजो दोह इति पाद्यं प्रतिगृह्य
virājo doho 'si virājo doham aśīya mayi padyāyai virājo doha iti pādyaṃ pratigṛhya
- 4
अर्घ्यम् इत्य् उक्तो ऽपः प्रतिगृह्य
arghyam ity ukto 'paḥ pratigṛhya
- 5
आचमनीयम् इत्य् उक्त आपोहिष्ठीयाभिस्तिसृभिर् एकैकयाचम्य
ācamanīyam ity ukta āpohiṣṭhīyābhistisṛbhir ekaikayācamya
- 6
मधुपर्क इत्य् उक्तो यथा प्राशित्रं तथा प्रतीक्ष्य
madhuparka ity ukto yathā prāśitraṃ tathā pratīkṣya
- 7
तथा प्रतिगृह्णाति
यशसे ब्रह्मवर्चसायेति विकारः
tathā pratigṛhṇāti
yaśase brahmavarcasāyeti vikāraḥ
- 8
प्रतिगृह्य सव्ये पाणौ कृत्वाङ्गुष्ठेनोपकनिष्ठिकया च पूर्वार्धाद् उपहत्य पूर्वार्धे कांस्यस्य निलिम्पति वसवस्त्वाग्निराजानो भक्षयन्त्व् इति
pratigṛhya savye pāṇau kṛtvāṅguṣṭhenopakaniṣṭhikayā ca pūrvārdhād upahatya pūrvārdhe kāṃsyasya nilimpati vasavastvāgnirājāno bhakṣayantv iti
- 9
पितरस्त्वा यमराजानो भक्षयन्त्व् इति दक्षिणार्धाद्दक्षिणार्धे
pitarastvā yamarājāno bhakṣayantv iti dakṣiṇārdhāddakṣiṇārdhe
- 10
आदित्यास्त्वा वरुणराजानो भक्षयन्त्व् इति पश्चार्धात्पश्चार्धे
ādityāstvā varuṇarājāno bhakṣayantv iti paścārdhātpaścārdhe
- 11
रुद्रास्त्वेन्द्रराजानो भक्षयन्त्व् इत्य् उत्तरार्धाद् उत्तरार्धे
rudrāstvendrarājāno bhakṣayantv ity uttarārdhād uttarārdhe
- 12
विश्वे त्वा देवाः प्रजापतिराजानो भक्षयन्त्व् इति मध्याद् ऊर्ध्वम्
viśve tvā devāḥ prajāpatirājāno bhakṣayantv iti madhyād ūrdhvam
- 13
सकृत्सकृन्मन्त्रेण द्विर्द्विस्तूष्णीम्
sakṛtsakṛnmantreṇa dvirdvistūṣṇīm
- 14
महाव्याहृतिभिस्तिसृभिर् एकैकया प्राश्य
mahāvyāhṛtibhistisṛbhir ekaikayā prāśya
- 15
अनुपाय चतुर्थम्
anupāya caturtham
- 16
ब्राह्मणायोच्छिष्टदानम्
brāhmaṇāyocchiṣṭadānam
- 17
सर्वपानं वा
sarvapānaṃ vā
- 18
अपो वाभ्यवहरणम्
apo vābhyavaharaṇam
- 19
शंनोदेवीयाभिश्चतसृभिर् उरो ऽभिमृश्य
śaṃnodevīyābhiścatasṛbhir uro 'bhimṛśya
- 20
समानं प्राणसंमर्शनम्
samānaṃ prāṇasaṃmarśanam
- 21
मुखविमार्जनं च
mukhavimārjanaṃ ca
- 22
आ गोः प्रवदनात्तूष्णीम्
ā goḥ pravadanāttūṣṇīm
- 23
गौर् इत्य् उक्त ॐ कुरुत
gaur ity ukta oṃ kuruta
- 24
माता रुद्राणाम् इति जपित्वोत्सृजत तृणान्य् अत्त्व् इति वा
mātā rudrāṇām iti japitvotsṛjata tṛṇāny attv iti vā
- 25
कूर्चः पाद्यम् अर्घ्यम् आचमनीयं मधुपर्को गौर् इति वेदयेत वेदयेत
kūrcaḥ pādyam arghyam ācamanīyaṃ madhuparko gaur iti vedayeta vedayeta

