8 shlokas
- 1
आप्यायतां ध्रुवा हविषा घृतेन यज्ञं यज्ञं प्रति देवयड्भ्यः
सूर्याया ऊधो ऽदित्या उपस्थ उरुधारा पृथिवी यज्ञे ऽस्मिन्
इत्य् आप्यायति ध्रुवाम्
āpyāyatāṃ dhruvā haviṣā ghṛtena yajñaṃ yajñaṃ prati devayaḍbhyaḥ
sūryāyā ūdho 'dityā upastha urudhārā pṛthivī yajñe 'smin
ity āpyāyati dhruvām
- 2
समिष्टयजुर्हूयमानम् अन्वारभते
samiṣṭayajurhūyamānam anvārabhate
- 3
सदसि सन्मे भूयाः सर्वम् असि सर्वं मे भूयाः पूर्णम् असि पूर्णं मे भूया अक्षितिर् असि मा मे क्षेष्ठा अमुत्रामुष्मिंल्लोक इह चेति पूर्णपात्रम् अभिमृश्य दिशो व्युदुक्षति
sadasi sanme bhūyāḥ sarvam asi sarvaṃ me bhūyāḥ pūrṇam asi pūrṇaṃ me bhūyā akṣitir asi mā me kṣeṣṭhā amutrāmuṣmiṃlloka iha ceti pūrṇapātram abhimṛśya diśo vyudukṣati
- 4
प्राच्या दिशा सह देवा ऋत्विजो मार्जयन्ताम्
दक्षिणया दिशा सह मासाः पितरो मार्जयन्ताम्
प्राच्या दिशा सह गृहाः पशवो मार्जयन्ताम्
ऊर्ध्वया दिशा सह यज्ञः संवत्सरो यज्ञपतिर्मार्जयन्ताम् इति
prācyā diśā saha devā ṛtvijo mārjayantām
dakṣiṇayā diśā saha māsāḥ pitaro mārjayantām
prācyā diśā saha gṛhāḥ paśavo mārjayantām
ūrdhvayā diśā saha yajñaḥ saṃvatsaro yajñapatirmārjayantām iti
- 5
सकृत्सकृन्मन्त्रेण द्विर्द्विस्तूष्णीम्
sakṛtsakṛnmantreṇa dvirdvistūṣṇīm
- 6
आपोहिष्ठीयाभिस्तिसृभिर् अभिमृश्य
अच्छायं वो ययोर् ओजसेति प्राचीर्निनीय उदीचीर्वा
āpohiṣṭhīyābhistisṛbhir abhimṛśya
acchāyaṃ vo yayor ojaseti prācīrninīya udīcīrvā
- 7
समुद्रं वः प्रहिणोमि स्वां योनिम् अभिगच्छत
अरिष्टा अस्माकं वीरा मा परासेचि नो धनम्
इत्य् अभिमन्त्र्य
samudraṃ vaḥ prahiṇomi svāṃ yonim abhigacchata
ariṣṭā asmākaṃ vīrā mā parāseci no dhanam
ity abhimantrya
- 8
शंनोदेवीयाभिश्चतसृभिर् उरो ऽभिमृश्य
सम् इन्द्र नः सं वर्चसा पयसा सं तनूभिर् अगन्महि मनसा सं शिवेन
त्वष्टा सुदत्रो विदधातु राय इति प्राणान्
अनु नो मार्ष्टु तन्वो यद्विलिष्टम्
इति मुखं विमृज्य
विष्णुक्रमान्क्रमते
śaṃnodevīyābhiścatasṛbhir uro 'bhimṛśya
sam indra naḥ saṃ varcasā payasā saṃ tanūbhir aganmahi manasā saṃ śivena
tvaṣṭā sudatro vidadhātu rāya iti prāṇān
anu no mārṣṭu tanvo yadviliṣṭam
iti mukhaṃ vimṛjya
viṣṇukramānkramate

