22 shlokas
- 1
अपि वेति पक्षो व्यावर्त्यते
api veti pakṣo vyāvartyate
- 2
प्रमाणं स्मृतिर्विज्ञानं हि तत्
pramāṇaṃ smṛtirvijñānaṃ hi tat
- 3
किम् इत्य् अन्यथा भविष्यति
kim ity anyathā bhaviṣyati
- 4
पूर्वविज्ञानम् अस्य नास्ति कारणाभावाद् इति चेत्
pūrvavijñānam asya nāsti kāraṇābhāvād iti cet
- 5
अस्या एव स्मृतेर्द्रढिम्नः कारणम् अनुमास्यामहे
asyā eva smṛterdraḍhimnaḥ kāraṇam anumāsyāmahe
- 6
तत्तु नानुभवनम् अनुपपत्त्या
tattu nānubhavanam anupapattyā
- 7
न हि मनुष्या इहैव जन्मन्य् एवंजातीयकम् अर्थम् अनुभवितुं शक्नुवन्ति
na hi manuṣyā ihaiva janmany evaṃjātīyakam artham anubhavituṃ śaknuvanti
- 8
जन्मान्तरानुभूतं च न स्मर्यते
janmāntarānubhūtaṃ ca na smaryate
- 9
ग्रन्थस्त्व् अनुमीयेत कर्तृसामान्यात्स्मृतिवैदिकपदार्थयोः
granthastv anumīyeta kartṛsāmānyātsmṛtivaidikapadārthayoḥ
- 10
तेनोपपन्नो वेदसंयोगस्त्रैवर्णिकानाम्
tenopapanno vedasaṃyogastraivarṇikānām
- 11
ननु नोपलभन्त एवंजातीयकं ग्रन्थम्
nanu nopalabhanta evaṃjātīyakaṃ grantham
- 12
अनुपलभमाना अप्य् अनुमिमीरन्विस्मरणम् अप्य् उपपद्यत इति
anupalabhamānā apy anumimīranvismaraṇam apy upapadyata iti
- 13
तदुपपन्नत्वात्पूर्वविज्ञानस्य त्रैवर्णिकानां स्मरतां विस्मरणस्य चोपपन्नत्वाद्ग्रन्थानुमानम् उपपद्यत इति प्रमाणं स्मृतिः
tadupapannatvātpūrvavijñānasya traivarṇikānāṃ smaratāṃ vismaraṇasya copapannatvādgranthānumānam upapadyata iti pramāṇaṃ smṛtiḥ
- 14
अष्टकालिङ्गाश्च मन्त्रा वेदे दृश्यन्ते याञ्जनाः प्रतिनन्दन्तीत्येवमादयः
aṣṭakāliṅgāśca mantrā vede dṛśyante yāñjanāḥ pratinandantītyevamādayaḥ
- 15
तथा प्रत्युपस्थितनियमानाम् आचाराणां दृष्टार्थत्वाद् एव प्रामाण्यं गुरोर् अनुगमात्प्रीतो गुरुर् अध्यापयिष्यति ग्रन्थग्रन्थिभेदिनश्च न्यायान्परितुष्टो वक्ष्यतीति
tathā pratyupasthitaniyamānām ācārāṇāṃ dṛṣṭārthatvād eva prāmāṇyaṃ guror anugamātprīto gurur adhyāpayiṣyati granthagranthibhedinaśca nyāyānparituṣṭo vakṣyatīti
- 16
तथा च दर्शयति तस्माच्छ्रेयांसं पूर्वं यन्तं पापीयान्पश्चाद् अन्वेतीति
tathā ca darśayati tasmācchreyāṃsaṃ pūrvaṃ yantaṃ pāpīyānpaścād anvetīti
- 17
प्रपास्तडागानि च परोपकाराय न धर्मायेत्य् एवावगम्यते
prapāstaḍāgāni ca paropakārāya na dharmāyety evāvagamyate
- 18
तथा च दर्शनं धन्वन्न् इव प्रपा असीति
tathā ca darśanaṃ dhanvann iva prapā asīti
- 19
तथा स्थलयोदकं परिगृह्णन्तीति च
tathā sthalayodakaṃ parigṛhṇantīti ca
- 20
गोत्रचिह्नं शिखाकर्म दर्शनं च यत्र बाणाः संपतन्ति कुमारा विशिखा इवेति
gotracihnaṃ śikhākarma darśanaṃ ca yatra bāṇāḥ saṃpatanti kumārā viśikhā iveti
- 21
तेन ये दृष्टार्थास्ते तत एव प्रमाणम्
tena ye dṛṣṭārthāste tata eva pramāṇam
- 22
ये त्व् अदृष्टार्थास्तेषु वैदिकशब्दानुमानम् इति
ye tv adṛṣṭārthāsteṣu vaidikaśabdānumānam iti

