15 shlokas
- 1
प्राणेन पुरस्ताद् आहवनीयम् उपतिष्ठन्ते प्राणम् एव तज्जयन्ति
prāṇena purastād āhavanīyam upatiṣṭhante prāṇam eva tajjayanti
- 2
अपानेन पश्चात्पुच्छम् उपतिष्ठन्ते अपानम् एव तज्जयन्ति
apānena paścātpuccham upatiṣṭhante apānam eva tajjayanti
- 3
व्रतपक्षाभ्यां पक्षाव् उपतिष्ठन्ते दिश एव तज्जयन्ति
vratapakṣābhyāṃ pakṣāv upatiṣṭhante diśa eva tajjayanti
- 4
प्रजापतेर्हृदयेनापिकक्षम् उपतिष्ठन्ते ज्यैष्ठ्यम् एव तज्जयन्ति
prajāpaterhṛdayenāpikakṣam upatiṣṭhante jyaiṣṭhyam eva tajjayanti
- 5
वसिष्ठस्य निहवेन चात्वालम् उपतिष्ठन्ते स्वर्गम् एव तल्लोकम् आप्त्वा श्रियं वदन्ते
vasiṣṭhasya nihavena cātvālam upatiṣṭhante svargam eva tallokam āptvā śriyaṃ vadante
- 6
वैश्वदेव्याम् ऋचि भवति विश्वरूपं वै पशूनां रूपं पशून् एव तज्जयन्ति
vaiśvadevyām ṛci bhavati viśvarūpaṃ vai paśūnāṃ rūpaṃ paśūn eva tajjayanti
- 7
सत्त्रस्यर्द्ध्याग्नीध्रम् उपतिष्ठन्त ऋद्धाव् एव प्रतितिष्ठन्ति
sattrasyarddhyāgnīdhram upatiṣṭhanta ṛddhāv eva pratitiṣṭhanti
- 8
चतुरक्षरणिधनं भवति चतुष्पादाः पशवः पशुष्व् एव प्रतितिष्ठन्ति
caturakṣaraṇidhanaṃ bhavati catuṣpādāḥ paśavaḥ paśuṣv eva pratitiṣṭhanti
- 9
आ तमितोर्निधनम् उपयन्त्य् आयुर् एव सर्वम् आप्नुवन्ति
ā tamitornidhanam upayanty āyur eva sarvam āpnuvanti
- 10
श्लोकानुश्लोकाभ्यां हविर्धाने उपतिष्ठन्ते कीर्तिम् एव तज्जयन्ति
ślokānuślokābhyāṃ havirdhāne upatiṣṭhante kīrtim eva tajjayanti
- 11
यामेन मार्जालीयम् उपतिष्ठन्ते पितृलोकम् एव तज्जयन्ति
yāmena mārjālīyam upatiṣṭhante pitṛlokam eva tajjayanti
- 12
आयुर्णवस्तोभाभ्यां सद उपतिष्ठन्ते ब्रह्म चैव तत्क्षत्रं च जयन्ति
āyurṇavastobhābhyāṃ sada upatiṣṭhante brahma caiva tatkṣatraṃ ca jayanti
- 13
ऋश्यस्य साम्ना गार्हपत्यम् उपतिष्ठन्ते
ṛśyasya sāmnā gārhapatyam upatiṣṭhante
- 14
इन्द्रं सर्वाणि भूतान्य् अस्तुवंस्तस्यर्श्य एकम् अङ्गम् अस्तुतम् अचायत्तद् अस्यैतेनास्तौत्तेनास्य प्रियं धामोपागच्छत्प्रियम् एवास्यैतेन धामोपगच्छन्ति
indraṃ sarvāṇi bhūtāny astuvaṃstasyarśya ekam aṅgam astutam acāyattad asyaitenāstauttenāsya priyaṃ dhāmopāgacchatpriyam evāsyaitena dhāmopagacchanti
- 15
यत्परोक्षं निधनम् उपेयुर्ह्रीतमुखं प्रतिमुञ्चेरन्प्रत्यक्षम् उपयन्ति ह्रीतमुखम् एवापजयन्ति
yatparokṣaṃ nidhanam upeyurhrītamukhaṃ pratimuñceranpratyakṣam upayanti hrītamukham evāpajayanti

