12 shlokas
- 1
इलान्दम् अग्निष्टोमसाम कार्यम्
ilāndam agniṣṭomasāma kāryam
- 2
एतद्वै साक्षाद् अन्नं यद् इलान्दम् इरान्नं एतद् इरायाम् एवान्नाद्ये ऽन्ततः प्रतितिष्ठन्ति
etadvai sākṣād annaṃ yad ilāndam irānnaṃ etad irāyām evānnādye 'ntataḥ pratitiṣṭhanti
- 3
समुद्रो वा एतच्छन्दः सलिलं लोमशं समुद्र इव खलु वै स भवति सलिल इव लोमश इव यो भवति
samudro vā etacchandaḥ salilaṃ lomaśaṃ samudra iva khalu vai sa bhavati salila iva lomaśa iva yo bhavati
- 4
तस्माद् एतासु कार्यं समृद्ध्यै
tasmād etāsu kāryaṃ samṛddhyai
- 5
व्रतम् इति निधनं भवति महाव्रतस्यैव तद्रूपं क्रियते स्वर् इति भवति स्वर्गस्य लोकस्य समष्ट्यै शकुन इति भवति शकुन इव वै यजमानो वयो भूत्वा स्वर्गं लोकम् एति
vratam iti nidhanaṃ bhavati mahāvratasyaiva tadrūpaṃ kriyate svar iti bhavati svargasya lokasya samaṣṭyai śakuna iti bhavati śakuna iva vai yajamāno vayo bhūtvā svargaṃ lokam eti
- 6
यज्ञायज्ञीयम् अग्निष्टोमसाम कार्यम्
yajñāyajñīyam agniṣṭomasāma kāryam
- 7
यद्वा अन्या वाङ्नातिवदेत्तद् अग्निष्टोमसाम कार्यं न वै वाग्वाचम् अतिवदति वाग्यज्ञायज्ञीयं वाच्य् एवान्ततः प्रतितिष्ठन्ति
yadvā anyā vāṅnātivadettad agniṣṭomasāma kāryaṃ na vai vāgvācam ativadati vāgyajñāyajñīyaṃ vācy evāntataḥ pratitiṣṭhanti
- 8
वारवन्तीयम् अग्निष्टोमसाम कार्यम्
vāravantīyam agniṣṭomasāma kāryam
- 9
अग्निर्वा इदं वैश्वानरो दहन्नैत्तस्माद्देवा अबिभयुस्तं वरणशाखयावारयन्त यद् अवारयन्त तस्माद्वारवन्तीयम्
agnirvā idaṃ vaiśvānaro dahannaittasmāddevā abibhayustaṃ varaṇaśākhayāvārayanta yad avārayanta tasmādvāravantīyam
- 10
तस्माद्वरणो भिषज्य एतेन हि देवा आत्मानम् अत्रायन्त
tasmādvaraṇo bhiṣajya etena hi devā ātmānam atrāyanta
- 11
तस्माद्ब्राह्मणो वारणेन न पिबेद्वैश्वानरं नेच्छमया इति
tasmādbrāhmaṇo vāraṇena na pibedvaiśvānaraṃ necchamayā iti
- 12
पशवो वै वारवन्तीयं शान्तिः पशवः शान्ताद् एव तत्संव्वत्सराद् उत्तिष्ठन्ति
paśavo vai vāravantīyaṃ śāntiḥ paśavaḥ śāntād eva tatsaṃvvatsarād uttiṣṭhanti

