19 shlokas
- 1
वामदेव्यं महाव्रतं कार्यम्
vāmadevyaṃ mahāvrataṃ kāryam
- 2
त्रिवृच्छिरो भवति
trivṛcchiro bhavati
- 3
त्रिवृद्ध्येव शिरो लोम त्वग् अस्थि
trivṛddhyeva śiro loma tvag asthi
- 4
पाङ्क्त इतर आत्मा लोम त्वङ्मांसम् अस्थि मज्जा
pāṅkta itara ātmā loma tvaṅmāṃsam asthi majjā
- 5
सकृद्धिंकृतेन शिरसा पराचा स्तुवते
sakṛddhiṃkṛtena śirasā parācā stuvate
- 6
तस्माच्छिरो ऽङ्गानि मेद्यन्ति नानुमेद्यति न कृश्यन्त्यनुकृश्यति
tasmācchiro 'ṅgāni medyanti nānumedyati na kṛśyantyanukṛśyati
- 7
पुनर् अभ्यावर्तम् इतरेणात्मना स्तुवते तस्माद् इतर आत्मा मेद्यति च कृश्यति च
punar abhyāvartam itareṇātmanā stuvate tasmād itara ātmā medyati ca kṛśyati ca
- 8
अर्कवतीषु गायत्रीषु शिरो भवति
arkavatīṣu gāyatrīṣu śiro bhavati
- 9
अन्नं वा अर्को ब्रह्मवर्चसं गायत्र्य् अन्नाद्यं चैवैभ्यो ब्रह्मवर्चसं च मुखतो दधाति
annaṃ vā arko brahmavarcasaṃ gāyatry annādyaṃ caivaibhyo brahmavarcasaṃ ca mukhato dadhāti
- 10
पञ्चदशसप्तदशौ पक्षौ भवतः पक्षाभ्यां वै यजमानो वयो भूत्वा स्वर्गं लोकम् एति
pañcadaśasaptadaśau pakṣau bhavataḥ pakṣābhyāṃ vai yajamāno vayo bhūtvā svargaṃ lokam eti
- 11
ताव् आहुः समौ कार्यौ पञ्चदशौ वा सप्तदशौ वा सवीवधत्वाय
tāv āhuḥ samau kāryau pañcadaśau vā saptadaśau vā savīvadhatvāya
- 12
तद्व् आहुर्यत्समौ भवत एकवीर्यौ तर्हि भवत इति पञ्चदशसप्तदशाव् एव कार्यौ साचीव वै वयः पक्षौ कृत्वा पतीयः पतति
tadv āhuryatsamau bhavata ekavīryau tarhi bhavata iti pañcadaśasaptadaśāv eva kāryau sācīva vai vayaḥ pakṣau kṛtvā patīyaḥ patati
- 13
दक्षिणतो बृहत्कार्यं दक्षिणो वा अर्ध आत्मनो वीर्यवत्तरः
dakṣiṇato bṛhatkāryaṃ dakṣiṇo vā ardha ātmano vīryavattaraḥ
- 14
अथो खल्व् आहुर् उत्तरत एव कार्यं ब्राह्मणाच्छंसिनो ऽर्धात्त्रैष्टुभं वै बृहत्त्रैष्टुभो वै ब्राह्मणाच्छंसी त्रैष्टुभः पञ्चदशस्तोमः
atho khalv āhur uttarata eva kāryaṃ brāhmaṇācchaṃsino 'rdhāttraiṣṭubhaṃ vai bṛhattraiṣṭubho vai brāhmaṇācchaṃsī traiṣṭubhaḥ pañcadaśastomaḥ
- 15
दक्षिणतो रथन्तरं कार्यं मैत्रावरुणस्यार्धाद्गायत्रं वै रथन्तरं गायत्रो मैत्रावरुणो गायत्रः सप्तदशस्तोमः
dakṣiṇato rathantaraṃ kāryaṃ maitrāvaruṇasyārdhādgāyatraṃ vai rathantaraṃ gāyatro maitrāvaruṇo gāyatraḥ saptadaśastomaḥ
- 16
एकविंशं पुच्छं भवति
ekaviṃśaṃ pucchaṃ bhavati
- 17
एकविंशो वै स्तोमानां प्रतिष्ठा तस्माद्वयः पुच्छेन प्रतिष्ठायोत्पतति पुच्छेन प्रतिष्ठाय निषीदति
ekaviṃśo vai stomānāṃ pratiṣṭhā tasmādvayaḥ pucchena pratiṣṭhāyotpatati pucchena pratiṣṭhāya niṣīdati
- 18
यज्ञायज्ञीयं पुच्छं कार्यं यज्ञायज्ञीयं ह्य् एव महाव्रतस्य पुच्छम्
yajñāyajñīyaṃ pucchaṃ kāryaṃ yajñāyajñīyaṃ hy eva mahāvratasya puccham
- 19
अथो खल्व् आहुर् अतिशयं वै द्विपदां यज्ञायज्ञीयं भद्रम्कार्यं समृद्ध्यै
atho khalv āhur atiśayaṃ vai dvipadāṃ yajñāyajñīyaṃ bhadramkāryaṃ samṛddhyai

