14 shlokas
- 1
अथाभ्यां पञ्चमे ऽहनि नापितकर्म कुर्वन्ति
athābhyāṃ pañcame 'hani nāpitakarma kurvanti
- 2
नापिताय पयोदनं दत्त्वा ग्रामात्प्राचीं वोदीचीं वा दिशमुपनिष्क्रम्य यत्रैकमुदुम्बरमूलं पश्यन्ति तं प्रदक्षिणं परिसमूह्य प्रदक्षिणं गन्धैरनुलिम्पन्जपति यथा त्वं वनस्पत ऊर्जा अभ्युत्थितो वनस्पते
शतवल्शो विरोहस्येवमहं पुत्रैश्च पशुभिश्च सहस्रवल्शा वि वयं रुहेम इति
nāpitāya payodanaṃ dattvā grāmātprācīṃ vodīcīṃ vā diśamupaniṣkramya yatraikamudumbaramūlaṃ paśyanti taṃ pradakṣiṇaṃ parisamūhya pradakṣiṇaṃ gandhairanulimpanjapati yathā tvaṃ vanaspata ūrjā abhyutthito vanaspate
śatavalśo virohasyevamahaṃ putraiśca paśubhiśca sahasravalśā vi vayaṃ ruhema iti
- 3
सुमनोभिः प्रच्छादयति यथा त्वं वनस्पते फलवानस्येवमहं पुत्रैश्च पशुभिश्च फलवान्भवानि इति
sumanobhiḥ pracchādayati yathā tvaṃ vanaspate phalavānasyevamahaṃ putraiśca paśubhiśca phalavānbhavāni iti
- 4
अत्रैव त्रिवृतान्नेन बलिमुपहरति
atraiva trivṛtānnena balimupaharati
- 5
मन्त्रं चोदाहरन्ति ऊर्जस्वान्पयस्वान्पयसा पिन्वमानो ऽस्मान्वनस्पते पयसाभ्याववृत्स्व इति
mantraṃ codāharanti ūrjasvānpayasvānpayasā pinvamāno 'smānvanaspate payasābhyāvavṛtsva iti
- 6
अन्नं संस्कृत्य ब्राह्मणान्सम्पूज्याशिषो वाचयित्वा जानुदघ्नमुदकमवतीर्य प्राचीनदशेनाहतेन वाससा मत्स्यान्गृह्णतो ब्रह्मचारिणं पृच्छतो ब्रह्मचारिन्किं पश्यसि इति
annaṃ saṃskṛtya brāhmaṇānsampūjyāśiṣo vācayitvā jānudaghnamudakamavatīrya prācīnadaśenāhatena vāsasā matsyāngṛhṇato brahmacāriṇaṃ pṛcchato brahmacārinkiṃ paśyasi iti
- 7
स पृष्टः प्रतिब्रूयात्पुत्रांश्च पशूंश्च इति
sa pṛṣṭaḥ pratibrūyātputrāṃśca paśūṃśca iti
- 8
अथैतान्मत्स्यान् उदुम्बरमूले बकानां बलिमुपहरति दीर्घायुत्वाय वर्चसे इति
athaitānmatsyān udumbaramūle bakānāṃ balimupaharati dīrghāyutvāya varcase iti
- 9
अत्रैव निर्माल्यानि परिभुक्तानि वासांसि प्रतिसरांश्च प्रतिमुच्योदुम्बरशाखायां संसृज्य
atraiva nirmālyāni paribhuktāni vāsāṃsi pratisarāṃśca pratimucyodumbaraśākhāyāṃ saṃsṛjya
- 10
अथावगाह्यान्योन्यस्य पृष्ठे धावयित्वोदकान्तं प्रतियौति प्रतियुतो वरुणस्य पाशः प्रत्यस्तो वरुणस्य पाशः इति
athāvagāhyānyonyasya pṛṣṭhe dhāvayitvodakāntaṃ pratiyauti pratiyuto varuṇasya pāśaḥ pratyasto varuṇasya pāśaḥ iti
- 11
अन्योन्यम् अलंकृत्य रक्तानि वासांसि परिधायाहतेन वाससा वेति
anyonyam alaṃkṛtya raktāni vāsāṃsi paridhāyāhatena vāsasā veti
- 12
यानेन पद्भ्यां वा गृहं गत्वा प्रक्षालितपादाव् अप आचम्य वाग्यतौ शयनमारभेते
yānena padbhyāṃ vā gṛhaṃ gatvā prakṣālitapādāv apa ācamya vāgyatau śayanamārabhete
- 13
श्वोभूते वैश्वदेवेन प्रतिपद्यते
śvobhūte vaiśvadevena pratipadyate
- 14
मासिश्राद्धेन चापरपक्षे
māsiśrāddhena cāparapakṣe

