26 shlokas
- 1
आनयन्त्येतमग्निम्
ānayantyetamagnim
- 2
अथ देवयजनोल्लेखनप्रभृत्याप्रणीताभ्यः कृत्वा पक्वम् ओदनं पायसं वा याचति
atha devayajanollekhanaprabhṛtyāpraṇītābhyaḥ kṛtvā pakvam odanaṃ pāyasaṃ vā yācati
- 3
तम् अभ्युक्ष्याग्नावधिश्रयति
tam abhyukṣyāgnāvadhiśrayati
- 4
आज्यं निर्वपति
ājyaṃ nirvapati
- 5
अथाज्यमधिश्रयति
athājyamadhiśrayati
- 6
उभयं पर्यग्नि कृत्वा मेक्षणं स्रुवं च संमार्ष्टि
ubhayaṃ paryagni kṛtvā mekṣaṇaṃ sruvaṃ ca saṃmārṣṭi
- 7
अथैतं चरुं श्रपयित्वाभिघार्योदञ्चम् उद्वास्य प्रतिष्ठितमभिघारयति
athaitaṃ caruṃ śrapayitvābhighāryodañcam udvāsya pratiṣṭhitamabhighārayati
- 8
परिधानप्रभृत्याग्निमुखात्कृत्वा पक्वाज्जुहोति
paridhānaprabhṛtyāgnimukhātkṛtvā pakvājjuhoti
- 9
स एवमेव सर्वेषां स्थालीपाकानां चरुकल्पः
sa evameva sarveṣāṃ sthālīpākānāṃ carukalpaḥ
- 10
यस्त्वा हृदा कीरिणा मन्यमानः इति पुरोनुवाक्यामनूच्य यस्मै त्वं सुकृते जातवेदः इति याज्यया जुहोति
yastvā hṛdā kīriṇā manyamānaḥ iti puronuvākyāmanūcya yasmai tvaṃ sukṛte jātavedaḥ iti yājyayā juhoti
- 11
अथाज्याहुतीरुपजुहोति
athājyāhutīrupajuhoti
- 12
अग्ने प्रायश्चित्ते त्वं देवानां प्रायश्चित्तिरसि ब्राह्मणस्त्वा नाथकामः प्रपद्ये यास्यां पतिघ्नी तनूः प्रजाघ्नी पशुघ्नी लक्ष्मिघ्नी जारघ्नीमस्यै तां कृणोमि स्वाहा
agne prāyaścitte tvaṃ devānāṃ prāyaścittirasi brāhmaṇastvā nāthakāmaḥ prapadye yāsyāṃ patighnī tanūḥ prajāghnī paśughnī lakṣmighnī jāraghnīmasyai tāṃ kṛṇomi svāhā
- 13
वायो प्रायश्चित्ते त्वं देवानां प्रायश्चित्तिरसि ब्राह्मणस्त्वा नाथकामः प्रपद्ये यास्यां पतिघ्नी तनूः प्रजाघ्नी पशुघ्नी लक्ष्मिघ्नी जारघ्नीमस्यै तां कृणोमि स्वाहा
vāyo prāyaścitte tvaṃ devānāṃ prāyaścittirasi brāhmaṇastvā nāthakāmaḥ prapadye yāsyāṃ patighnī tanūḥ prajāghnī paśughnī lakṣmighnī jāraghnīmasyai tāṃ kṛṇomi svāhā
- 14
आदित्य प्रायश्चित्ते त्वं देवानां प्रायश्चित्तिरसि ब्राह्मणस्त्वा नाथकामः प्रपद्ये यास्यां पतिघ्नी तनूः प्रजाघ्नी पशुघ्नी लक्ष्मिघ्नी जारघ्नीमस्यै तां कृणोमि स्वाहा
āditya prāyaścitte tvaṃ devānāṃ prāyaścittirasi brāhmaṇastvā nāthakāmaḥ prapadye yāsyāṃ patighnī tanūḥ prajāghnī paśughnī lakṣmighnī jāraghnīmasyai tāṃ kṛṇomi svāhā
- 15
प्रजापते प्रायश्चित्ते त्वं देवानां प्रायश्चित्तिरसि ब्राह्मणस्त्वा नाथकामः प्रपद्ये यास्यां पतिघ्नी तनूः प्रजाघ्नी पशुघ्नी लक्ष्मिघ्नी जारघ्नीमस्यै तां कृणोमि स्वाहा इति
prajāpate prāyaścitte tvaṃ devānāṃ prāyaścittirasi brāhmaṇastvā nāthakāmaḥ prapadye yāsyāṃ patighnī tanūḥ prajāghnī paśughnī lakṣmighnī jāraghnīmasyai tāṃ kṛṇomi svāhā iti
- 16
पक्वादेव स्विष्टवतीभ्यां सौविष्टकृतम्
pakvādeva sviṣṭavatībhyāṃ sauviṣṭakṛtam
- 17
लाजैरितरत्र
lājairitaratra
- 18
हव्यवाहम् अभिमातिषाहं रक्षोहणं पृतनासु जिष्णुम्
ज्योतिष्मन्तं दीद्यतं पुरन्धिम् अग्निं स्विष्टकृतम् आहुवेमोम्
स्विष्टमग्ने अभि तत्पृणाहि विश्वादेव पृतना अभिष्य
उरुं नः पन्थां प्रदिशन्विभाहि ज्योतिष्मद्धेह्यजरं न आयुः स्वाहा इति
havyavāham abhimātiṣāhaṃ rakṣohaṇaṃ pṛtanāsu jiṣṇum
jyotiṣmantaṃ dīdyataṃ purandhim agniṃ sviṣṭakṛtam āhuvemom
sviṣṭamagne abhi tatpṛṇāhi viśvādeva pṛtanā abhiṣya
uruṃ naḥ panthāṃ pradiśanvibhāhi jyotiṣmaddhehyajaraṃ na āyuḥ svāhā iti
- 19
जयप्रभृति सिद्धम् आ धेनुवरप्रदानात्
jayaprabhṛti siddham ā dhenuvarapradānāt
- 20
अथाज्यशेषेण हिरण्यमन्तर्धाय मूर्ध्नि संस्रावं जुहोति भूः स्वाहा भुवः स्वाहा सुवः स्वाहा भूर्भुवः सुवः स्वाहा इति
athājyaśeṣeṇa hiraṇyamantardhāya mūrdhni saṃsrāvaṃ juhoti bhūḥ svāhā bhuvaḥ svāhā suvaḥ svāhā bhūrbhuvaḥ suvaḥ svāhā iti
- 21
अथैनां प्रदक्षिणमग्निं पर्याणयति अर्यम्णो अग्निं परियन्तु क्षिप्रं प्रतीक्षन्तां श्वश्रुवो देवराश्च इति
athaināṃ pradakṣiṇamagniṃ paryāṇayati aryamṇo agniṃ pariyantu kṣipraṃ pratīkṣantāṃ śvaśruvo devarāśca iti
- 22
अथ श्रीमन्तमगारं संमृष्टोपलिप्तं गन्धवन्तं पुष्पवन्तं धूपवन्तं दीपवन्तं तल्पवन्तं साधिवासं दिक्षु सर्पिःसूत्रेन्धनप्रद्योतितम् उदकुम्भादर्शोच्छिरसं प्रपाद्य तस्मिन्नेनां संवेश्य तस्या अन्तिके जपति
atha śrīmantamagāraṃ saṃmṛṣṭopaliptaṃ gandhavantaṃ puṣpavantaṃ dhūpavantaṃ dīpavantaṃ talpavantaṃ sādhivāsaṃ dikṣu sarpiḥsūtrendhanapradyotitam udakumbhādarśocchirasaṃ prapādya tasminnenāṃ saṃveśya tasyā antike japati
- 23
उदीर्ष्वातो विश्वावसो नमसेडामहे त्वा
अन्यामिच्छ प्रफर्व्यं सं जायां पत्या सृज
उदीर्ष्वातः पतिवती ह्येषा विश्वावसुं नमसा गीर्भिर् ईट्टे
अन्यामिच्छ पितृषदं व्यक्तां स ते भागो जनुषा तस्य विद्धि इति
udīrṣvāto viśvāvaso namaseḍāmahe tvā
anyāmiccha prapharvyaṃ saṃ jāyāṃ patyā sṛja
udīrṣvātaḥ pativatī hyeṣā viśvāvasuṃ namasā gīrbhir īṭṭe
anyāmiccha pitṛṣadaṃ vyaktāṃ sa te bhāgo januṣā tasya viddhi iti
- 24
अथैनामुपसंवेशयति प्रजापतिः स्त्रियां यशः इत्येतया
athaināmupasaṃveśayati prajāpatiḥ striyāṃ yaśaḥ ityetayā
- 25
अथास्याः स्तोकोतिं विवृणोति प्रजायै त्वा इति
athāsyāḥ stokotiṃ vivṛṇoti prajāyai tvā iti
- 26
सा यद्यश्रु कुर्यात्ताम् अनुमन्त्रयते जीवां रुदन्ती विमयन्तो अध्वरे दीर्घाम् अनुप्रसितिं दीधियुर्नरः
वामं पितृभ्यो य इदं समेरिरे मयः पतिभ्यो जनयः परिष्वजे इति
sā yadyaśru kuryāttām anumantrayate jīvāṃ rudantī vimayanto adhvare dīrghām anuprasitiṃ dīdhiyurnaraḥ
vāmaṃ pitṛbhyo ya idaṃ samerire mayaḥ patibhyo janayaḥ pariṣvaje iti

