66 shlokas
- 1
आवेद्यार्घ्यं कुर्यात्
āvedyārghyaṃ kuryāt
- 2
मध्ये ऽगारस्योदीचीनप्रतिषेवणा एरका उपस्तृणाति
madhye 'gārasyodīcīnapratiṣevaṇā erakā upastṛṇāti
- 3
तास्व् अहतानि बहुगुणान्य् उत्तरदशानि वासांस्य् आस्तीर्य तेष्वृत्विजः प्राङ्मुखा उपविशन्ति
tāsv ahatāni bahuguṇāny uttaradaśāni vāsāṃsy āstīrya teṣvṛtvijaḥ prāṅmukhā upaviśanti
- 4
उत्तरपूर्वे देशे ऽगारस्य प्राक्कूलान्दर्भान्संस्तीर्य तेष्व् अर्घ्यद्रव्याणि संसादयति
uttarapūrve deśe 'gārasya prākkūlāndarbhānsaṃstīrya teṣv arghyadravyāṇi saṃsādayati
- 5
यावन्त ऋत्विजस्तावन्ति कांस्यानि पात्राणि सापिधानानि तावतः कूर्चान्
yāvanta ṛtvijastāvanti kāṃsyāni pātrāṇi sāpidhānāni tāvataḥ kūrcān
- 6
द्वावन्यौ परिग्रहणीयौ कूर्चौ
dvāvanyau parigrahaṇīyau kūrcau
- 7
दधि मधु घृतम् आपः पयो वस्त्रयुगानि कुण्डलयुगानि
dadhi madhu ghṛtam āpaḥ payo vastrayugāni kuṇḍalayugāni
- 8
यस्यै गोः पयश्चमसः स्रग् अलंकरणीयं चेति
yasyai goḥ payaścamasaḥ srag alaṃkaraṇīyaṃ ceti
- 9
पवित्रे कृत्वा तूष्णीं संस्कृताभिर् अद्भिर् उत्तानानि पात्राणि कृत्वा प्रोक्ष्य कूर्चे कांस्यं निधाय तिरःपवित्रं मध्वानयति
pavitre kṛtvā tūṣṇīṃ saṃskṛtābhir adbhir uttānāni pātrāṇi kṛtvā prokṣya kūrce kāṃsyaṃ nidhāya tiraḥpavitraṃ madhvānayati
- 10
दधि पयो वा द्वितीयं स द्विवृत्
dadhi payo vā dvitīyaṃ sa dvivṛt
- 11
घृतं तृतीयं स त्रिवृत्
ghṛtaṃ tṛtīyaṃ sa trivṛt
- 12
यद्द्वितीयं तच्चतुर्थं स चतुर्वृत्
yaddvitīyaṃ taccaturthaṃ sa caturvṛt
- 13
आपः पञ्चमीः स पाङ्क्तः
āpaḥ pañcamīḥ sa pāṅktaḥ
- 14
वर्षीयसा तेजोमयेनापिधाय नानापुरुषा अर्घ्यद्रव्याण्याददते अन्वग् अनुसंव्रजताः
varṣīyasā tejomayenāpidhāya nānāpuruṣā arghyadravyāṇyādadate anvag anusaṃvrajatāḥ
- 15
कूर्चः इति कूर्चं प्राह
kūrcaḥ iti kūrcaṃ prāha
- 16
तत्सुकूर्चः इतीतरः प्रतिगृह्णाति
tatsukūrcaḥ itītaraḥ pratigṛhṇāti
- 17
तं प्रदक्षिणं पर्यस्योदगावृत्त उपविशति
taṃ pradakṣiṇaṃ paryasyodagāvṛtta upaviśati
- 18
पुरस्ताद्वैनं प्रत्यञ्चम् उपोहते राष्ट्रभृद् अस्याचार्यासन्दी मा त्वद्योषम् इति
purastādvainaṃ pratyañcam upohate rāṣṭrabhṛd asyācāryāsandī mā tvadyoṣam iti
- 19
अथास्मा उदपात्रम् आदाय कूर्चाभ्यां परिगृह्य पाद्या आप इति प्राह
athāsmā udapātram ādāya kūrcābhyāṃ parigṛhya pādyā āpa iti prāha
- 20
ता अभिमन्त्रयते आपः पादावनेजनीर्द्विषन्तं नाशयन्तु मे
अस्मिन्कुले ब्रह्मवर्चस्य् असानि इति
tā abhimantrayate āpaḥ pādāvanejanīrdviṣantaṃ nāśayantu me
asminkule brahmavarcasy asāni iti
- 21
दक्षिणं पादं पूर्वं ब्राह्मणाय प्रसारयति
स्वयं शूद्राय
dakṣiṇaṃ pādaṃ pūrvaṃ brāhmaṇāya prasārayati
svayaṃ śūdrāya
- 22
स्त्री प्रक्षालयति पुमान् अभिषिञ्चति
विपरीतम् इत्य् एके
strī prakṣālayati pumān abhiṣiñcati
viparītam ity eke
- 23
नियमात्पत्नीयजमानौ जङ्घ्रे धावयतः
niyamātpatnīyajamānau jaṅghre dhāvayataḥ
- 24
अवनेक्तुः पाणी संमृशति मयि महो मयि भगो मयि भर्गो मयि यशः इति
avanektuḥ pāṇī saṃmṛśati mayi maho mayi bhago mayi bhargo mayi yaśaḥ iti
- 25
अथाप उपस्पृश्य मयीन्द्रियं वीर्यम् इत्य् उरःप्रत्यात्मानं प्रत्यभिमृशते
athāpa upaspṛśya mayīndriyaṃ vīryam ity uraḥpratyātmānaṃ pratyabhimṛśate
- 26
अपो व्रीहिभिर्यवैर्वा समुदायुत्य तथैव कूर्चाभ्यां परिगृह्यार्हणीया आप इति प्राह
apo vrīhibhiryavairvā samudāyutya tathaiva kūrcābhyāṃ parigṛhyārhaṇīyā āpa iti prāha
- 27
ता अभिमन्त्रयते आम आगाद्वर्चसा यशसा संसृज पयसा तेजसा च
तं मा प्रियं प्रजानां कुर्व् अधिपतिं पशूनाम् इति
tā abhimantrayate āma āgādvarcasā yaśasā saṃsṛja payasā tejasā ca
taṃ mā priyaṃ prajānāṃ kurv adhipatiṃ paśūnām iti
- 28
एकदेशम् अञ्जलावानीयमानम् अनुमन्त्रयते विराजो ऽसि विराजो दोहम् अशीय
मम पद्याय विराज इति
ekadeśam añjalāvānīyamānam anumantrayate virājo 'si virājo doham aśīya
mama padyāya virāja iti
- 29
अतिशिष्टाः पराचीर्निनीयमाना अनुमन्त्रयते समुद्रं वः प्रहिणोम्यक्षिताः स्वां योनिम् अपि गच्छत
अच्छिद्रः प्रजया भूयासं मा परासेचि मत्पयः इति
atiśiṣṭāḥ parācīrninīyamānā anumantrayate samudraṃ vaḥ prahiṇomyakṣitāḥ svāṃ yonim api gacchata
acchidraḥ prajayā bhūyāsaṃ mā parāseci matpayaḥ iti
- 30
अथ तथैव कूर्चाभ्यां परिगृह्योपस्तरणीया आप इति प्राह
atha tathaiva kūrcābhyāṃ parigṛhyopastaraṇīyā āpa iti prāha

