14 shlokas
- 1
प्रजाकामस्योपदेशः
prajākāmasyopadeśaḥ
- 2
प्रजनननिमित्ता समाख्येत्य् अश्विनाव् ऊचतुः
prajanananimittā samākhyety aśvināv ūcatuḥ
- 3
आयुषा तपसा युक्तः स्वाध्यायेज्यापरायणः
प्रजाम् उत्पादयेद्युक्तः स्वे स्वे वर्णे जितेन्द्रियः
āyuṣā tapasā yuktaḥ svādhyāyejyāparāyaṇaḥ
prajām utpādayedyuktaḥ sve sve varṇe jitendriyaḥ
- 4
ब्राह्मणस्यर्णसंयोगस्त्रिभिर्भवति जन्मतः
तानि मुच्यात्मवान्भवति विमुक्तो धर्मसंशयात्
brāhmaṇasyarṇasaṃyogastribhirbhavati janmataḥ
tāni mucyātmavānbhavati vimukto dharmasaṃśayāt
- 5
स्वाध्यायेनर्षीन्पूज्य सोमेन च पुरंदरम्
प्रजया च पितॄन्पूर्वान् अनृणो दिवि मोदते
svādhyāyenarṣīnpūjya somena ca puraṃdaram
prajayā ca pitṝnpūrvān anṛṇo divi modate
- 6
पुत्रेण लोकाञ्जयति पौत्रेणानन्त्यम् अश्नुते
अथ पुत्रस्य पौत्रेण नाकम् एवाधिरोहतीति
putreṇa lokāñjayati pautreṇānantyam aśnute
atha putrasya pautreṇa nākam evādhirohatīti
- 7
विज्ञायते च
जायमानो वै ब्राह्मणस्त्रिभिर् ऋणवा जायते ब्रह्मचर्येणर्षिभ्यो यज्ञेन देवेभ्यः प्रजया पितृभ्य इति
एवम् ऋणसंयोगं वेदो दर्शयति
vijñāyate ca
jāyamāno vai brāhmaṇastribhir ṛṇavā jāyate brahmacaryeṇarṣibhyo yajñena devebhyaḥ prajayā pitṛbhya iti
evam ṛṇasaṃyogaṃ vedo darśayati
- 8
सत्पुत्रम् उत्पाद्यात्मानं तारयति
satputram utpādyātmānaṃ tārayati
- 9
सप्तावरान्सप्त पूर्वान्षड् अन्यान् आत्मसप्तमान्
सत्पुत्रम् अधिगच्छानस्तारयत्य् एनसो भयात्
saptāvarānsapta pūrvānṣaḍ anyān ātmasaptamān
satputram adhigacchānastārayaty enaso bhayāt
- 10
तस्मात्प्रजासंतानम् उत्पाद्य फलम् अवाप्नोति
tasmātprajāsaṃtānam utpādya phalam avāpnoti
- 11
तस्माद्यत्नवान्प्रजाम् उत्पादयेत्
tasmādyatnavānprajām utpādayet
- 12
औषधमन्त्रसंयोगेन
auṣadhamantrasaṃyogena
- 13
तस्योपदेशः श्रुतिसामान्येनोपदिश्यते
tasyopadeśaḥ śrutisāmānyenopadiśyate
- 14
सर्ववर्णेभ्यः फलवत्त्वाद् इति
फलवत्त्वाद् इति
sarvavarṇebhyaḥ phalavattvād iti
phalavattvād iti

