12 shlokas
- 1
अथ वै भवति
atha vai bhavati
- 2
अग्नौ करणशेषेण तद् अन्नम् अभिघारयेत्
निरङ्गुष्ठं तु यद्दत्तं न तत्प्रीणाति वै पितॄन्
agnau karaṇaśeṣeṇa tad annam abhighārayet
niraṅguṣṭhaṃ tu yaddattaṃ na tatprīṇāti vai pitṝn
- 3
उभयोः शाखयोर्मुक्तं पितृभ्यो ऽन्नं निवेदितम्
तद् अन्तरम् उपासन्ते असुरा दुष्टचेतसः
ubhayoḥ śākhayormuktaṃ pitṛbhyo 'nnaṃ niveditam
tad antaram upāsante asurā duṣṭacetasaḥ
- 4
यातुधानाः पिशाचाश्च प्रतिलुम्पन्ति तद्धविः
तिलदाने ह्य् अदायाश्च तथा क्रोधवशे ऽसुराः
yātudhānāḥ piśācāśca pratilumpanti taddhaviḥ
tiladāne hy adāyāśca tathā krodhavaśe 'surāḥ
- 5
काषायवासा यान्कुरुते जपहोमप्रतिग्रहान्
न तद्देवंगमं भवति हव्यकव्येषु यद्धविः
kāṣāyavāsā yānkurute japahomapratigrahān
na taddevaṃgamaṃ bhavati havyakavyeṣu yaddhaviḥ
- 6
यच्च दत्तम् अनङ्गुष्ठं यच्चैव प्रतिगृह्यते
आचामति च यस्तिष्ठन्न स तेन समृध्यत इति
yacca dattam anaṅguṣṭhaṃ yaccaiva pratigṛhyate
ācāmati ca yastiṣṭhanna sa tena samṛdhyata iti
- 7
आद्यन्तयोर् अपां प्रदानं सर्वत्र
ādyantayor apāṃ pradānaṃ sarvatra
- 8
जयप्रभृति यथाविधानम्
jayaprabhṛti yathāvidhānam
- 9
शेषम् उक्तम् अष्टकाहोमे
śeṣam uktam aṣṭakāhome
- 10
द्वौ दैवे पितृकार्ये त्रीन् एकैकम् उभयत्र वा
भोजयेत्सुसमृद्धो ऽपि न प्रसज्येत विस्तरे
dvau daive pitṛkārye trīn ekaikam ubhayatra vā
bhojayetsusamṛddho 'pi na prasajyeta vistare
- 11
सत्क्रियां देशकालौ च शौचं ब्राह्मणसंपदम्
पञ्चैतान्विस्तरो हन्ति तस्मात्तं परिवर्जयेत्
satkriyāṃ deśakālau ca śaucaṃ brāhmaṇasaṃpadam
pañcaitānvistaro hanti tasmāttaṃ parivarjayet
- 12
उरस्तः पितरस्तस्य वामतश्च पितामहाः
दक्षिणतः प्रपितामहाः पृष्ठतः पिण्डतर्कका इति
urastaḥ pitarastasya vāmataśca pitāmahāḥ
dakṣiṇataḥ prapitāmahāḥ pṛṣṭhataḥ piṇḍatarkakā iti

