16 shlokas
- 1
अथ शालीनयायावराणाम् आत्मयाजिनां प्राणाहुतीर्व्याख्यास्यामः
atha śālīnayāyāvarāṇām ātmayājināṃ prāṇāhutīrvyākhyāsyāmaḥ
- 2
सर्वावश्यकावसाने संमृष्टोपलिप्ते देशे प्राङ्मुख उपविश्य तद्भूतम् आह्रियमाणम्
भूर्भुवः सुवर् ओम् इति
उपस्थाय वाचं यच्छेत्
sarvāvaśyakāvasāne saṃmṛṣṭopalipte deśe prāṅmukha upaviśya tadbhūtam āhriyamāṇam
bhūrbhuvaḥ suvar om iti
upasthāya vācaṃ yacchet
- 3
न्यस्तम् अन्नं महाव्याहृतिभिः प्रदक्षिणम् उदकं परिषिच्य सव्येन पाणिनाविमुञ्चन्
अमृतोपस्तरणम् असीति
पुरस्ताद् अपः पीत्वा पञ्चान्नेन प्राणाहुतीर्जुहोति
प्राणे निविष्टो ऽमृतं जुहोमि
शिवो माविशाप्रदाहाय
प्राणाय स्वाहा
अपाने निविष्टो ऽमृतं जुहोमि
शिवो मा विशाप्रदाहाय
अपानाय स्वाहा
व्याने निविष्टो ऽमृतं जुहोमि
शिवो मा विशाप्रदाहाय
व्यानाय स्वाहा
उदाने निविष्टो ऽमृतं जुहोमि
शिवो मा विशाप्रदाहाय
उदानाय स्वाहा
समाने निविष्टो ऽमृतं जुहोमि
शिवो मा विशाप्रदाहाय
समानाय स्वाहेति
nyastam annaṃ mahāvyāhṛtibhiḥ pradakṣiṇam udakaṃ pariṣicya savyena pāṇināvimuñcan
amṛtopastaraṇam asīti
purastād apaḥ pītvā pañcānnena prāṇāhutīrjuhoti
prāṇe niviṣṭo 'mṛtaṃ juhomi
śivo māviśāpradāhāya
prāṇāya svāhā
apāne niviṣṭo 'mṛtaṃ juhomi
śivo mā viśāpradāhāya
apānāya svāhā
vyāne niviṣṭo 'mṛtaṃ juhomi
śivo mā viśāpradāhāya
vyānāya svāhā
udāne niviṣṭo 'mṛtaṃ juhomi
śivo mā viśāpradāhāya
udānāya svāhā
samāne niviṣṭo 'mṛtaṃ juhomi
śivo mā viśāpradāhāya
samānāya svāheti
- 4
पञ्चान्नेन प्राणाहुतीर्हुत्वा तूष्णीं भूयो व्रतयेत्प्रजापतिं मनसा ध्यायन्
नान्तरा वाचं विसृजेत्
pañcānnena prāṇāhutīrhutvā tūṣṇīṃ bhūyo vratayetprajāpatiṃ manasā dhyāyan
nāntarā vācaṃ visṛjet
- 5
यद्य् अन्तरा वाचं विसृजेत्
भूर्भुवः सुवर् ओम् इति
जपित्वा पुनर् एव भुञ्जीत
yady antarā vācaṃ visṛjet
bhūrbhuvaḥ suvar om iti
japitvā punar eva bhuñjīta
- 6
त्वक्केशनखकीटाखुपुरीषाणि दृष्ट्वा तं देशं पिण्डम् उद्धृत्याद्भिर् अभ्युक्ष्य भस्मावकीर्य पुनर् अद्भिः प्रोक्ष्य वाचा च प्रशस्तम् उपयुञ्जीत
tvakkeśanakhakīṭākhupurīṣāṇi dṛṣṭvā taṃ deśaṃ piṇḍam uddhṛtyādbhir abhyukṣya bhasmāvakīrya punar adbhiḥ prokṣya vācā ca praśastam upayuñjīta
- 7
अथाप्य् उदाहरन्ति
आसीनः प्राङ्मुखो ऽश्नीयाद्वाग्यतो ऽन्नम् अकुत्सयन्
अस्कन्दयंस्तन्मनाश्च भुक्त्वा चाग्निम् उपस्पृशेद् इति
athāpy udāharanti
āsīnaḥ prāṅmukho 'śnīyādvāgyato 'nnam akutsayan
askandayaṃstanmanāśca bhuktvā cāgnim upaspṛśed iti
- 8
सर्वभक्ष्यापूपकन्दमूलफलमांसानि दन्तैर्नावद्येत्
sarvabhakṣyāpūpakandamūlaphalamāṃsāni dantairnāvadyet
- 9
नातिसुहितः
nātisuhitaḥ
- 10
अमृतापिधानम् असीति
उपरिष्टाद् अपः पीत्वाचान्तो हृदयदेशम् अभिमृशति
प्राणानां ग्रन्थिर् असि रुद्रो मा विशान्तकः
तेनान्नेनाप्यायस्वेति
amṛtāpidhānam asīti
upariṣṭād apaḥ pītvācānto hṛdayadeśam abhimṛśati
prāṇānāṃ granthir asi rudro mā viśāntakaḥ
tenānnenāpyāyasveti
- 11
पुनर् आचम्य दक्षिणे पादाङ्गुष्ठे पाणी निस्रावयति
अङ्गुष्ठमात्रः पुरुषो ऽङ्गुष्ठं च समाश्रितः
ईशः सर्वस्य जगतः प्रभुः प्रीणाति विश्वभुग् इति
punar ācamya dakṣiṇe pādāṅguṣṭhe pāṇī nisrāvayati
aṅguṣṭhamātraḥ puruṣo 'ṅguṣṭhaṃ ca samāśritaḥ
īśaḥ sarvasya jagataḥ prabhuḥ prīṇāti viśvabhug iti
- 12
हुतानुमन्त्रणम् ऊर्ध्वहस्तः समाचरेत्
श्रद्धायां प्राणे निविश्यामृतं हुतम्
प्राणम् अन्नेनाप्यायस्व
श्रद्धायाम् अपाने निविश्यामृतं हुतम्
प्राणम् अन्नेनाप्यायस्व
श्रद्धायां व्याने निविश्यामृतं हुतम्
प्राणम् अन्नेनाप्यायस्व
श्रद्धायाम् उदाने निविश्यामृतं हुतम्
प्राणम् अन्नेनाप्यायस्व
श्रद्धायां समाने निविश्यामृतं हुतम्
प्राणम् अन्नेनाप्यायस्वेति
पञ्चभिः
hutānumantraṇam ūrdhvahastaḥ samācaret
śraddhāyāṃ prāṇe niviśyāmṛtaṃ hutam
prāṇam annenāpyāyasva
śraddhāyām apāne niviśyāmṛtaṃ hutam
prāṇam annenāpyāyasva
śraddhāyāṃ vyāne niviśyāmṛtaṃ hutam
prāṇam annenāpyāyasva
śraddhāyām udāne niviśyāmṛtaṃ hutam
prāṇam annenāpyāyasva
śraddhāyāṃ samāne niviśyāmṛtaṃ hutam
prāṇam annenāpyāyasveti
pañcabhiḥ
- 13
ब्रह्मणि म आत्मामृतत्वायेति
brahmaṇi ma ātmāmṛtatvāyeti
- 14
अक्षरेण चात्मानं योजयेत्
akṣareṇa cātmānaṃ yojayet
- 15
सर्वक्रतुयाजिनाम् आत्मयाजी विशिष्यते
sarvakratuyājinām ātmayājī viśiṣyate
- 16
अथाप्य् उदाहरन्ति
athāpy udāharanti

