22 shlokas
- 1
प्र वां दंसांस्य् अश्विनाव् अवोचम् अस्य पतिः स्यां सुगवः सुवीरः
उत पश्यन्न् अश्नुवन्दीर्घम् आयुर् अस्तम् इवेज्जरिमाणं जगम्याम्
pra vāṃ daṃsāṃsy aśvināv avocam asya patiḥ syāṃ sugavaḥ suvīraḥ
uta paśyann aśnuvandīrgham āyur astam ivejjarimāṇaṃ jagamyām
- 2
मध्वः सोमस्याश्विना मदाय प्रत्नो होता विवासते वाम्
बर्हिष्मती रात्रिर्विश्रिता गीर् इषा यातं नासत्योप वाजैः
madhvaḥ somasyāśvinā madāya pratno hotā vivāsate vām
barhiṣmatī rātrirviśritā gīr iṣā yātaṃ nāsatyopa vājaiḥ
- 3
यो वाम् अश्विना मनसो जवीयान्रथः स्वश्वो विश आजिगाति
येन गच्छथः सुकृतो दुरोणं तेन नरा वर्तिर् अस्मभ्यं यातं
yo vām aśvinā manaso javīyānrathaḥ svaśvo viśa ājigāti
yena gacchathaḥ sukṛto duroṇaṃ tena narā vartir asmabhyaṃ yātaṃ
- 4
ऋषिं नराव् अंहसः पाञ्चजन्यम् ऋबीषाद् अत्रिं मुञ्चथो गणेन
मिनन्ता दस्योर् अशिवस्य माया अनुपूर्वं वृषणा चोदयन्ता
ṛṣiṃ narāv aṃhasaḥ pāñcajanyam ṛbīṣād atriṃ muñcatho gaṇena
minantā dasyor aśivasya māyā anupūrvaṃ vṛṣaṇā codayantā
- 5
अश्वं न गूढम् अश्विना दुरेवैर् ऋषिं नरा वृषणा रेभम् अप्सु
सं तं रिणीथो विप्रुतं दंसोभिर्न वां जूर्यन्ति पूर्व्या कृतानीति
aśvaṃ na gūḍham aśvinā durevair ṛṣiṃ narā vṛṣaṇā rebham apsu
saṃ taṃ riṇītho viprutaṃ daṃsobhirna vāṃ jūryanti pūrvyā kṛtānīti
- 6
प्रातःसवनं चेन्माध्यंदिनं सवनम् अभ्यस्तमियाद् अग्निर्मा पातु वसुभिः पुरस्ताद् इति जुहुयात्
prātaḥsavanaṃ cenmādhyaṃdinaṃ savanam abhyastamiyād agnirmā pātu vasubhiḥ purastād iti juhuyāt
- 7
अग्नये स्वाहा वसुभ्यः स्वाहा गायत्र्यै स्वाहा
agnaye svāhā vasubhyaḥ svāhā gāyatryai svāhā
- 8
माध्यंदिनं चेत्तृतीयसवनम् अभ्यस्तमियात्सोमो मा रुद्रैर्दक्षिणाया दिशः पात्विति जुहुयात्
mādhyaṃdinaṃ cettṛtīyasavanam abhyastamiyātsomo mā rudrairdakṣiṇāyā diśaḥ pātviti juhuyāt
- 9
सोमाय स्वाहा रुद्रेभ्यः स्वाहा त्रिष्टुभे स्वाहा
somāya svāhā rudrebhyaḥ svāhā triṣṭubhe svāhā
- 10
तृतीयसवनं चेद् अभ्यस्तमियाद्वरुणो मादित्यैः सूर्यो मा द्यावापृथिवीभ्यां प्रतीच्या दिशः पात्विति जुहुयात्
tṛtīyasavanaṃ ced abhyastamiyādvaruṇo mādityaiḥ sūryo mā dyāvāpṛthivībhyāṃ pratīcyā diśaḥ pātviti juhuyāt
- 11
वरुणाय स्वाहादित्येभ्यः स्वाहा जगत्यै स्वाहा
varuṇāya svāhādityebhyaḥ svāhā jagatyai svāhā
- 12
आ भरतं शिक्षतं वज्रबाहू अस्मान् इन्द्राग्नी अवतं शचीभिः
इमे नु ते रश्मयः सूर्यस्य येभिः सपित्वं पितरो न आसन्
इन्द्राग्निभ्यां स्वाहा
इन्द्राविष्णुभ्यां स्वाहा
ā bharataṃ śikṣataṃ vajrabāhū asmān indrāgnī avataṃ śacībhiḥ
ime nu te raśmayaḥ sūryasya yebhiḥ sapitvaṃ pitaro na āsan
indrāgnibhyāṃ svāhā
indrāviṣṇubhyāṃ svāhā
- 13
रात्रिपर्यायाश्चेद् अभिविच्छिद्येरन्न् इन्द्राय स्वाहा
इन्द्राण्यै स्वाहा
छन्दोभ्यः स्वाहा
rātriparyāyāśced abhivicchidyerann indrāya svāhā
indrāṇyai svāhā
chandobhyaḥ svāhā
- 14
ऋत्विजां चेद्दुरितम् उपाकुर्याद् अग्नये रथन्तराय स्वाहा
उषसे स्वाहा
पङ्क्तये स्वाहा
अश्विभ्यां स्वाहा
मा नः पिपरिद् अश्विनेति
ṛtvijāṃ cedduritam upākuryād agnaye rathantarāya svāhā
uṣase svāhā
paṅktaye svāhā
aśvibhyāṃ svāhā
mā naḥ piparid aśvineti
- 15
सर्वत्रानाज्ञातेष्व् अग्नये स्वाहा
यज्ञाय स्वाहा
ब्रह्मणे स्वाहा
विष्णवे स्वाहा
प्रजापतये स्वाहा
अनुमतये स्वाहा
अग्नये स्विष्टकृते स्वाहेति
sarvatrānājñāteṣv agnaye svāhā
yajñāya svāhā
brahmaṇe svāhā
viṣṇave svāhā
prajāpataye svāhā
anumataye svāhā
agnaye sviṣṭakṛte svāheti
- 16
त्रातारम् इन्द्रम्
ययोर् ओजसेति च
trātāram indram
yayor ojaseti ca
- 17
एता विष्णुवरुणदेवत्याः
etā viṣṇuvaruṇadevatyāḥ
- 18
उक्तानि प्रायश्चित्तानि
uktāni prāyaścittāni
- 19
अथैकाग्नौ यत्र पुरोडाशा उक्ता स्थालीपाकांस्तत्र कुर्यात्
athaikāgnau yatra puroḍāśā uktā sthālīpākāṃstatra kuryāt
- 20
पुरोडाशेषु जपैर् एव कुर्यात्
puroḍāśeṣu japair eva kuryāt
- 21
सर्वत्र छेदनभेदनावदारणदहनेषूखासु सोमकलशमहावीरयज्ञभाण्डेषु सर्वत्र शीर्णे भिन्ने नष्टे ऽन्यं कृत्वा पुनर्मैत्व् इन्द्रियम् इत्य् आददीत
sarvatra chedanabhedanāvadāraṇadahaneṣūkhāsu somakalaśamahāvīrayajñabhāṇḍeṣu sarvatra śīrṇe bhinne naṣṭe 'nyaṃ kṛtvā punarmaitv indriyam ity ādadīta
- 22
सर्वत्र मा नो विदन्न् इत्य् अभयैर् अपराजितैर्जुहुयात्
अभयैर् अपराजितैर्जुहुयात्
sarvatra mā no vidann ity abhayair aparājitairjuhuyāt
abhayair aparājitairjuhuyāt

