14 shlokas
- 1
अथ चेद्धुताहुतौ सोमौ पीतापीतौ वा संसृज्येयातां यज्ञस्य हि स्थ ऋत्विजा गवीन्द्राग्नी कल्पता युवं हुताहुतस्य चास्या यस्येन्द्राग्नी वीतं पिबत घृतम् इमां घृतम् इति द्वाभ्यां जुहुयात्
atha ceddhutāhutau somau pītāpītau vā saṃsṛjyeyātāṃ yajñasya hi stha ṛtvijā gavīndrāgnī kalpatā yuvaṃ hutāhutasya cāsyā yasyendrāgnī vītaṃ pibata ghṛtam imāṃ ghṛtam iti dvābhyāṃ juhuyāt
- 2
प्रातःसवनाच्चेत्कलशो विदीर्येत वैष्णवतीषु शिपिविष्टवतीषु गौरीवितेन स्तूयुः
prātaḥsavanāccetkalaśo vidīryeta vaiṣṇavatīṣu śipiviṣṭavatīṣu gaurīvitena stūyuḥ
- 3
समानजनपदौ चेत्सोमौ संसवौ स्यातां पूर्वो ऽग्निं परिगृह्णीयात्पूर्वो देवताः परिगृह्णीयात्
samānajanapadau cetsomau saṃsavau syātāṃ pūrvo 'gniṃ parigṛhṇīyātpūrvo devatāḥ parigṛhṇīyāt
- 4
नातिरात्र्या प्रातरनुवाकम् उपाकुर्यात्
nātirātryā prātaranuvākam upākuryāt
- 5
अभिष्टाव्याथ संवेशायोपवेशाय गायत्र्यै छन्दसे ऽभिभूत्यै स्वाहेति पुरस्तात्प्रातरनुवाकस्य जुहुयात्
abhiṣṭāvyātha saṃveśāyopaveśāya gāyatryai chandase 'bhibhūtyai svāheti purastātprātaranuvākasya juhuyāt
- 6
त्रिष्टुभ इति माध्यंदिने विद्विषाणयोः संसवाव् इति विज्ञायते
triṣṭubha iti mādhyaṃdine vidviṣāṇayoḥ saṃsavāv iti vijñāyate
- 7
सवनीयानन्तरम् अग्नये यविष्ठायाष्टाकपालम् इत्य् आहवनीये महद् अभ्यादध्यात्
savanīyānantaram agnaye yaviṣṭhāyāṣṭākapālam ity āhavanīye mahad abhyādadhyāt
- 8
संभाराणां चतुर्भिश्चतुर्भिः प्रतिदिशं जुहुयात्
saṃbhārāṇāṃ caturbhiścaturbhiḥ pratidiśaṃ juhuyāt
- 9
उत्तमम् आग्नीध्रीये सोमभागं ब्राह्मणेषु शंसेत्
uttamam āgnīdhrīye somabhāgaṃ brāhmaṇeṣu śaṃset
- 10
वज्राणां श्येनविषमस्य च फट्कारप्रभृत्य् अनुजानीयात्
vajrāṇāṃ śyenaviṣamasya ca phaṭkāraprabhṛty anujānīyāt
- 11
सर्वेषु चाभिचारिकेषु संदीक्षितानां च व्यावर्तेताग्नेरन्ब्राह्मणः प्रोच्य जीवा नाम स्था ता इमं जीवेत
उपजीवा नाम स्था ता इमं जीवेत
जीविका नाम स्था ता इमं जीवेत संजीवेत
जीवला नाम स्था ता इमं जीवेत संजीवेत
संजीविका नाम स्था ता इमं जीवेत
इत्य् अपः परिब्रूयात्
sarveṣu cābhicārikeṣu saṃdīkṣitānāṃ ca vyāvartetāgneranbrāhmaṇaḥ procya jīvā nāma sthā tā imaṃ jīveta
upajīvā nāma sthā tā imaṃ jīveta
jīvikā nāma sthā tā imaṃ jīveta saṃjīveta
jīvalā nāma sthā tā imaṃ jīveta saṃjīveta
saṃjīvikā nāma sthā tā imaṃ jīveta
ity apaḥ paribrūyāt
- 12
तासाम् उदगर्वाक्कुर्यात्
tāsām udagarvākkuryāt
- 13
उपांश्वन्तर्यामौ च चेत्ते प्राणापानौ पाताम्
उपांशुसवनस्ते व्यानं पातु
श्रोत्रं चाश्विनौ पातां
दक्षक्रतू ते मित्रावरुणौ पातां
स्तन इत्य् ऋतुपात्रे
आत्मानं त आग्रयणः पातु
अङ्गानि च त उक्थ्यः पातु
आयुष्टे ध्रुवः पातु
वीर्यं ते लक्ष्मीः पात्व् इति जुहुयात्
upāṃśvantaryāmau ca cette prāṇāpānau pātām
upāṃśusavanaste vyānaṃ pātu
śrotraṃ cāśvinau pātāṃ
dakṣakratū te mitrāvaruṇau pātāṃ
stana ity ṛtupātre
ātmānaṃ ta āgrayaṇaḥ pātu
aṅgāni ca ta ukthyaḥ pātu
āyuṣṭe dhruvaḥ pātu
vīryaṃ te lakṣmīḥ pātv iti juhuyāt
- 14
पुष्टिना पुष्टिं प्राणेन प्राणं तेजसा तेजश्चक्षुषा चक्षुः श्रोत्रेण श्रोत्रम् आयुषायुः पुनर्देहीति सकृद् एतानि जुहुयाद्ब्रह्माणि सूक्तानि
puṣṭinā puṣṭiṃ prāṇena prāṇaṃ tejasā tejaścakṣuṣā cakṣuḥ śrotreṇa śrotram āyuṣāyuḥ punardehīti sakṛd etāni juhuyādbrahmāṇi sūktāni

