10 shlokas
- 1
ब्रह्मा ब्राह्मणाच्छंसी वैन्द्रवायवाद्ग्रहं गृह्णीयात्
brahmā brāhmaṇācchaṃsī vaindravāyavādgrahaṃ gṛhṇīyāt
- 2
स चेन्म्रियेताग्निभ्य एव त्रीन् अङ्गारान् उद्धृत्य दक्षिणं पाणिं श्रोणिं प्रति दग्ध्वास्थीन्य् उपनिदध्युः
sa cenmriyetāgnibhya eva trīn aṅgārān uddhṛtya dakṣiṇaṃ pāṇiṃ śroṇiṃ prati dagdhvāsthīny upanidadhyuḥ
- 3
तस्य पुत्रं भ्रातरं वोपदीक्षां समाप्नुयुः
tasya putraṃ bhrātaraṃ vopadīkṣāṃ samāpnuyuḥ
- 4
स चेन्म्रियेताग्निभ्य एव त्रीन् अङ्गारान् उद्धृत्य दक्षिणं पाणिं श्रोणिं प्रतितप्यैव दग्ध्वा होतुः प्रमुखा ऋत्विजः प्राचीनावीतं कृत्वा दक्षिणान् ऊरून् आघ्नानाः सर्पराज्ञीनां कीर्तयन्तः स्तोत्रे स्तोत्रे ऽस्थिपुटम् उपनिदध्युः
sa cenmriyetāgnibhya eva trīn aṅgārān uddhṛtya dakṣiṇaṃ pāṇiṃ śroṇiṃ pratitapyaiva dagdhvā hotuḥ pramukhā ṛtvijaḥ prācīnāvītaṃ kṛtvā dakṣiṇān ūrūn āghnānāḥ sarparājñīnāṃ kīrtayantaḥ stotre stotre 'sthipuṭam upanidadhyuḥ
- 5
संवत्सरे ऽस्थिपुटं निदध्युः
saṃvatsare 'sthipuṭaṃ nidadhyuḥ
- 6
संवत्सरे ऽस्थीनि याजयेत्
saṃvatsare 'sthīni yājayet
- 7
समाप्ते संवत्सरे दीक्षितानां चेद् उपदीक्षेत सोमं विभज्य विश्वजितातिरात्रेण
samāpte saṃvatsare dīkṣitānāṃ ced upadīkṣeta somaṃ vibhajya viśvajitātirātreṇa
- 8
यद्य् आश्विनीषु शस्यमानास्व् आदित्यं पुरस्तान्न पश्येयुर् अश्वं श्वेतं रुक्मप्रतिहितं पुरस्ताद् अवस्थाप्य सौर्यं श्वेतं गजम् उपालम्भ्यम् आलभेत तस्य तान्य् एव तन्त्राणि यानि सवनीयस्युः पुरस्तात्संधि चमसासवानाम् अनुप्रदानं स्यात्
yady āśvinīṣu śasyamānāsv ādityaṃ purastānna paśyeyur aśvaṃ śvetaṃ rukmapratihitaṃ purastād avasthāpya sauryaṃ śvetaṃ gajam upālambhyam ālabheta tasya tāny eva tantrāṇi yāni savanīyasyuḥ purastātsaṃdhi camasāsavānām anupradānaṃ syāt
- 9
अश्वमेधे चेद् अश्वो नागच्छेद् आग्नेयो ऽष्टाकपाल इति मृगाखरे षड्ढविष्काम् इष्टिं निर्वपेद्दशहविषम् इत्य् एके
aśvamedhe ced aśvo nāgacched āgneyo 'ṣṭākapāla iti mṛgākhare ṣaḍḍhaviṣkām iṣṭiṃ nirvapeddaśahaviṣam ity eke
- 10
वडवां चेद् अश्वो ऽभीयाद् अग्नये ऽंहोमुचे ऽष्टाकपालं सौर्यं पयो वायव्याव् आज्यभागौ
vaḍavāṃ ced aśvo 'bhīyād agnaye 'ṃhomuce 'ṣṭākapālaṃ sauryaṃ payo vāyavyāv ājyabhāgau

