14 shlokas
- 1
अभिवृष्टे सोमे द्यौश्च त्वा पृथिवी च शृणीताम् अन्तरिक्षं च
इन्दुर् इन्दुम् अवागाद् इन्दोर् इन्द्रो ऽपात्
abhivṛṣṭe some dyauśca tvā pṛthivī ca śṛṇītām antarikṣaṃ ca
indur indum avāgād indor indro 'pāt
- 2
यज्ञश्च त्वा वायुश्च शृणीताम् अहश्च त्वा रात्रीश्च शृणीतां दर्शश्च त्वा पौर्णमासश्च शृणीतां यज्ञश्च त्वा दक्षिणा च शृणीतां दक्षश्च त्वा मानसश्च शृणीताम् अर्कश्च त्वाश्वमेधश्च शृणीताम्
yajñaśca tvā vāyuśca śṛṇītām ahaśca tvā rātrīśca śṛṇītāṃ darśaśca tvā paurṇamāsaśca śṛṇītāṃ yajñaśca tvā dakṣiṇā ca śṛṇītāṃ dakṣaśca tvā mānasaśca śṛṇītām arkaśca tvāśvamedhaśca śṛṇītām
- 3
॥॥श्च त्वा ॥॥ इन्दुर् इन्दुम् उपागात्सायामे सो म भूत्सर्व तस्य त इन्दो
इन्द्रपीतस्योपहूतस्योपहूतो भक्षयामीत्य् अभिमृष्टस्य भक्षयेत्
||||śca tvā |||| indur indum upāgātsāyāme so ma bhūtsarva tasya ta indo
indrapītasyopahūtasyopahūto bhakṣayāmīty abhimṛṣṭasya bhakṣayet
- 4
ससोमं चेच्चमसं सदसि स्तोत्रेणाभ्युपाकुर्याद्धिरण्यगर्भस्तद् इत्पदम् इति द्वाभ्यां जुहुयात्
sasomaṃ ceccamasaṃ sadasi stotreṇābhyupākuryāddhiraṇyagarbhastad itpadam iti dvābhyāṃ juhuyāt
- 5
तद् इत्पदं न वि चिकेत विद्वान्यन्मृतः पुनर् अप्येति जीवान्
tad itpadaṃ na vi ciketa vidvānyanmṛtaḥ punar apyeti jīvān
- 6
प्रवृत्ता च स्थली स्यात्त्रिवृद्यद्भुवनस्य रथवृज्जीवो गर्भो न मृतस्य जीवात्स्वाहेति
pravṛttā ca sthalī syāttrivṛdyadbhuvanasya rathavṛjjīvo garbho na mṛtasya jīvātsvāheti
- 7
अन्यश्चेद् आग्रायणाद्गृह्णीयाद् आग्रायणश्चेद् उपदस्येद् आग्रायणाद्गृह्णीयाद्ग्रहेभ्यो वाहृत्य शुक्रध्रुवौ वर्जम्
anyaśced āgrāyaṇādgṛhṇīyād āgrāyaṇaśced upadasyed āgrāyaṇādgṛhṇīyādgrahebhyo vāhṛtya śukradhruvau varjam
- 8
आत्मा यज्ञस्येति चतसृभिर्जुहुयात्
ātmā yajñasyeti catasṛbhirjuhuyāt
- 9
आत्मा यज्ञस्य रंह्या सुष्वाणः पवते सुतः
प्रत्नानि पाति काव्यः
ātmā yajñasya raṃhyā suṣvāṇaḥ pavate sutaḥ
pratnāni pāti kāvyaḥ
- 10
गोषा इन्दो नृषा अस्य् अश्वसा वाजसा उत
प्रत्नानि पाति काव्यः
goṣā indo nṛṣā asy aśvasā vājasā uta
pratnāni pāti kāvyaḥ
- 11
देवानां देव इति द्वे
devānāṃ deva iti dve
- 12
ध्रुवश्चेद् उपदस्येत्प्रवृत्ता चेत्स्थाली स्याद्वसवस्त्वादीस्तर्पयन्तु रुद्रास्त्वा तर्पयन्तु
आदित्यास्त्वा तर्पयन्त्वित्य् उत्सृज्य ध्रुवा द्यौर् इत्य् अभिमन्त्र्य ध्रुवं ध्रुवेणेति गृहीत्वायुर्दा असि ध्रुव इति चतसृभिर् आग्नीध्रीये जुहुयात्
dhruvaśced upadasyetpravṛttā cetsthālī syādvasavastvādīstarpayantu rudrāstvā tarpayantu
ādityāstvā tarpayantvity utsṛjya dhruvā dyaur ity abhimantrya dhruvaṃ dhruveṇeti gṛhītvāyurdā asi dhruva iti catasṛbhir āgnīdhrīye juhuyāt
- 13
आयुर्दा असि ध्रुव आयुर्मे दाः स्वाहा
वर्चोदा असि ध्रुवो वर्चो मे दाः स्वाहा
तेजोदा असि ध्रुवस्तेजो मे दाः स्वाहा
सहोदा असि ध्रुवः सहो मे दाः स्वाहा
āyurdā asi dhruva āyurme dāḥ svāhā
varcodā asi dhruvo varco me dāḥ svāhā
tejodā asi dhruvastejo me dāḥ svāhā
sahodā asi dhruvaḥ saho me dāḥ svāhā
- 14
ग्राव्णि शीर्णे द्योतानस्य मारुतस्य ब्रह्मसामेन स्तुवीरन्न् इत्य् एके भक्षणीयम् उपरवेष्व् अपिनयेत्
grāvṇi śīrṇe dyotānasya mārutasya brahmasāmena stuvīrann ity eke bhakṣaṇīyam uparaveṣv apinayet

