12 shlokas
- 1
भूमिर्भूमिम् अगान्माता मातरम् अप्य् अगात्
ऋध्यास्म पुत्रैः पशुभिर्यो नो द्वेष्टि स भिद्यताम् इति
bhūmirbhūmim agānmātā mātaram apy agāt
ṛdhyāsma putraiḥ paśubhiryo no dveṣṭi sa bhidyatām iti
- 2
यन्मार्त्तिकं भिद्येत तदापो गमयेत्तथैव दारुमयं य ऋते चिद् अभिश्रिष इत्य् एतयालभ्याभिमन्त्रयते
yanmārttikaṃ bhidyeta tadāpo gamayettathaiva dārumayaṃ ya ṛte cid abhiśriṣa ity etayālabhyābhimantrayate
- 3
सर्वत्र शीर्णे भिन्ने नष्टे ऽन्यं कृत्वा पुनर्मैत्व् इन्द्रियम् इत्य् आददीत
sarvatra śīrṇe bhinne naṣṭe 'nyaṃ kṛtvā punarmaitv indriyam ity ādadīta
- 4
बहिष्पवमानं चेत्सर्पतां प्रस्तोता विच्छिद्येत ब्रह्मणे वरं दत्त्वा ततस्तम् एव पुनर्वृणीयात्
bahiṣpavamānaṃ cetsarpatāṃ prastotā vicchidyeta brahmaṇe varaṃ dattvā tatastam eva punarvṛṇīyāt
- 5
यद् उद्गाता विच्छिद्येत सर्ववेदसदक्षिणेन यज्ञेन यजेत
yad udgātā vicchidyeta sarvavedasadakṣiṇena yajñena yajeta
- 6
एवं सर्वेषां विच्छिन्नानां सर्पताम् एकैकस्मिन्कुर्यात्
evaṃ sarveṣāṃ vicchinnānāṃ sarpatām ekaikasminkuryāt
- 7
द्यौश्च म इन्द्रश्च मे
तन्तुं तन्वन्
मा प्र गाम पथो वयम् इति
dyauśca ma indraśca me
tantuṃ tanvan
mā pra gāma patho vayam iti
- 8
शस्त्राच्चेच्छस्त्रम् अनुशंसन्व्यापद्येत मा प्रगाम पथो वयम् इति पञ्चभिर्जुहुयात्
śastrāccecchastram anuśaṃsanvyāpadyeta mā pragāma patho vayam iti pañcabhirjuhuyāt
- 9
राथंतरं चेत्स्तूयमानं व्यापद्येत सम्यग्दिग्भ्य इति द्वाभ्यां जुहुयात्
rāthaṃtaraṃ cetstūyamānaṃ vyāpadyeta samyagdigbhya iti dvābhyāṃ juhuyāt
- 10
यवादीनाम् अवपन्नानां व्यावृत्तानाम् उत्तरासां यथालिङ्गं द्वाभ्यां जुहुयात्
yavādīnām avapannānāṃ vyāvṛttānām uttarāsāṃ yathāliṅgaṃ dvābhyāṃ juhuyāt
- 11
नाराशंसाद् उन्नेताद् उपदस्येरन्न् अयं नो अग्निर् अध्यक्ष इति द्वाभ्यां
nārāśaṃsād unnetād upadasyerann ayaṃ no agnir adhyakṣa iti dvābhyāṃ
- 12
पान्नेजन्याश्चेद् उपदस्येत्सं मा सिञ्चन्त्विति संसिञ्चेत्
pānnejanyāśced upadasyetsaṃ mā siñcantviti saṃsiñcet

