31 shlokas
- 1
अथातः सौमिकानि व्याख्यास्यामः
athātaḥ saumikāni vyākhyāsyāmaḥ
- 2
हविर्धाने चेत्प्रपतेयातां पुरा बहिष्पवमानाद् अध्वर्युर्दक्षिणम् उद्गृह्णीयात्
havirdhāne cetprapateyātāṃ purā bahiṣpavamānād adhvaryurdakṣiṇam udgṛhṇīyāt
- 3
प्रतिप्रस्थातोपस्तभ्नुयात्
pratiprasthātopastabhnuyāt
- 4
प्रतिप्रस्थातोत्तरम् उद्गृह्णीयात्
pratiprasthātottaram udgṛhṇīyāt
- 5
अध्वर्युर् उपस्तभ्नुयाद्यथाप्रकृति स्तम्भानोपमानौ
सम् अश्विनोर् अवसा नूतनेन मयोभुवा सुप्रणीती गमेम
आ नो रयिं वहतम् ओत वीरान् आ विश्वान्य् अमृता सौभगानि
adhvaryur upastabhnuyādyathāprakṛti stambhānopamānau
sam aśvinor avasā nūtanena mayobhuvā supraṇītī gamema
ā no rayiṃ vahatam ota vīrān ā viśvāny amṛtā saubhagāni
- 6
शिरो यज्ञस्य प्रतिधीयताम् अमृतं देवतामयं
śiro yajñasya pratidhīyatām amṛtaṃ devatāmayaṃ
- 7
वैष्णव्याः
vaiṣṇavyāḥ
- 8
क्रियतां शिर आश्विन्याः प्रतिह्रीयतां अमृताꣳ द्युभिर् अक्तुभिः परिपातम् अस्मान् अरिष्टेभिर् अश्विना सौभगेभिः
तन्नो मित्रो वरुणो मामहन्ताम् अदितिः सिन्धुः पृथिवी उत द्यौर् इत्य् आग्नीध्रीये जुहुयात्
kriyatāṃ śira āśvinyāḥ pratihrīyatāṃ amṛtām̐ dyubhir aktubhiḥ paripātam asmān ariṣṭebhir aśvinā saubhagebhiḥ
tanno mitro varuṇo māmahantām aditiḥ sindhuḥ pṛthivī uta dyaur ity āgnīdhrīye juhuyāt
- 9
औदुम्बरीं चेद् अपहरेयुर्याम् एव कांचित्प्रच्छिद्यावदध्याद् अध्वर्युर् उद्गाता यजमानः
audumbarīṃ ced apahareyuryām eva kāṃcitpracchidyāvadadhyād adhvaryur udgātā yajamānaḥ
- 10
ऊर्ग् अस्य् ऊर्जं मयि धेहि
श्रियां तिष्ठ प्रतिष्ठिता
दिवं स्तब्ध्वान्तरिक्षं च पृथिव्यां च दृढा भवेति
ūrg asy ūrjaṃ mayi dhehi
śriyāṃ tiṣṭha pratiṣṭhitā
divaṃ stabdhvāntarikṣaṃ ca pṛthivyāṃ ca dṛḍhā bhaveti
- 11
धर्त्रि धरित्रि जनित्रि यमित्रीति ब्रह्मा
dhartri dharitri janitri yamitrīti brahmā
- 12
अन्तःसदसो बहिष्पवमानेन स्तूयुः
antaḥsadaso bahiṣpavamānena stūyuḥ
- 13
दीक्षितस्य गार्हपत्यो ऽन्ते गार्हपत्यो ऽनुगच्छेत्
अग्निं नरो दीधितिभिर् अरण्योर्हस्तच्युती जनयन्त प्रशस्तम्
दूरेदृशं गृहपतिम् अथर्युम् इति मथित्वावदध्यात्
dīkṣitasya gārhapatyo 'nte gārhapatyo 'nugacchet
agniṃ naro dīdhitibhir araṇyorhastacyutī janayanta praśastam
dūredṛśaṃ gṛhapatim atharyum iti mathitvāvadadhyāt
- 14
आश्व् अनुप्रणीतश्चेद् अनुगच्छेद् एतयैव मथित्वावदध्यात्
āśv anupraṇītaśced anugacched etayaiva mathitvāvadadhyāt
- 15
अग्नयश्चेन्मिथः संसृज्येरन्न् अग्निनाग्निः संसृज्यत इत्य् एते जपेत्
agnayaścenmithaḥ saṃsṛjyerann agnināgniḥ saṃsṛjyata ity ete japet
- 16
शालामुखीयश्चेद् अनुगच्छेद्गार्हपत्यात्प्रणीय भद्रं कर्णेभिर् इति चतस्रो जपेत्
śālāmukhīyaśced anugacchedgārhapatyātpraṇīya bhadraṃ karṇebhir iti catasro japet
- 17
भद्रं कर्णेभिः शृणुयाम देवा भद्रं पश्येमाक्षभिर्यजत्राः
स्थिरैर् अङ्गैस्तुष्टुवांसस्तनूभिर्व्यशेम देवहितं यद् आयुः
bhadraṃ karṇebhiḥ śṛṇuyāma devā bhadraṃ paśyemākṣabhiryajatrāḥ
sthirair aṅgaistuṣṭuvāṃsastanūbhirvyaśema devahitaṃ yad āyuḥ
- 18
स्वस्ति न इन्द्रो वृद्धश्रवाः स्वस्ति नः पूषा विश्ववेदाः
स्वस्ति नस्तार्क्ष्यो ऽरिष्टनेमिः स्वस्ति नो बृहस्पतिर्दधातु
svasti na indro vṛddhaśravāḥ svasti naḥ pūṣā viśvavedāḥ
svasti nastārkṣyo 'riṣṭanemiḥ svasti no bṛhaspatirdadhātu
- 19
पृषदश्वा मरुतः पृश्निमातरः शुभंयावानो विदथेषु जग्मयः
अग्निजिह्वा मनवः सूरचक्षसो विश्वे नो देवा अवसा गमन्न् इह
pṛṣadaśvā marutaḥ pṛśnimātaraḥ śubhaṃyāvāno vidatheṣu jagmayaḥ
agnijihvā manavaḥ sūracakṣaso viśve no devā avasā gamann iha
- 20
शतम् इन्नु शरदो अन्ति देवा यत्र नश्चक्रा जरसं तनूनां
पुत्रासो यत्र पितरो भवन्ति मा नो मध्या रीरिषतायुर्गन्तोः
इति
śatam innu śarado anti devā yatra naścakrā jarasaṃ tanūnāṃ
putrāso yatra pitaro bhavanti mā no madhyā rīriṣatāyurgantoḥ
iti
- 21
प्रेद्धो अग्न इति चतसृभिर्जुहुयात्
preddho agna iti catasṛbhirjuhuyāt
- 22
प्रेद्धो अग्ने दीदिहि पुरो नो ऽजस्रया सूर्म्या यविष्ठ
त्वां शश्वन्त उप यन्ति वाजाः
preddho agne dīdihi puro no 'jasrayā sūrmyā yaviṣṭha
tvāṃ śaśvanta upa yanti vājāḥ
- 23
सप्त ते अग्ने समिधः सप्त जिह्वाः सप्तर्षयः सप्त धाम प्रियाणि
सप्त होत्राः सप्तधा त्वा यजन्ति सप्त योनीर् आपृणस्व घृतेन स्वाहा
sapta te agne samidhaḥ sapta jihvāḥ saptarṣayaḥ sapta dhāma priyāṇi
sapta hotrāḥ saptadhā tvā yajanti sapta yonīr āpṛṇasva ghṛtena svāhā
- 24
यन्मे मनसश्छिद्रं यद्वाचो यच्च मे हृदः
अयं देवो बृहस्पतिः सं तत्सिञ्चतु राधसा
yanme manasaśchidraṃ yadvāco yacca me hṛdaḥ
ayaṃ devo bṛhaspatiḥ saṃ tatsiñcatu rādhasā
- 25
ममाग्ने वर्च इति
mamāgne varca iti
- 26
एकाग्निध्रीयश्चेद् अनुगच्छेद्गार्हपत्यात्प्रणीय ममाग्ने वर्च इति षड्भिर्जुहुयात्
ekāgnidhrīyaśced anugacchedgārhapatyātpraṇīya mamāgne varca iti ṣaḍbhirjuhuyāt
- 27
औत्तरवेदिकश्चेद् अनुगच्छेच्छालामुखीयात्प्रणीयेमो अग्न इति त्रयोदशभिर्जुहुयात्
auttaravedikaśced anugacchecchālāmukhīyātpraṇīyemo agna iti trayodaśabhirjuhuyāt
- 28
इमो अग्ने वीततमानि हव्याजस्रो वक्षि देवतातिम् अच्छा प्रति न ईं सुरभीणि व्यन्तु
imo agne vītatamāni havyājasro vakṣi devatātim acchā prati na īṃ surabhīṇi vyantu
- 29
सप्त ते अग्ने समिधः
यन्मे मनसश्छिद्रं
ममाग्ने वर्च इति जुहुयात्
sapta te agne samidhaḥ
yanme manasaśchidraṃ
mamāgne varca iti juhuyāt
- 30
पशुश्रपणश्चेद् अनुगच्छेद् औत्तरवेदिकात्प्रणीय त्वं नो अग्ने स त्वं न इति सर्वप्रायश्चित्तं हुत्वा
paśuśrapaṇaśced anugacched auttaravedikātpraṇīya tvaṃ no agne sa tvaṃ na iti sarvaprāyaścittaṃ hutvā

