7 shlokas
- 1
अथातिथ्येडान्ता
athātithyeḍāntā
- 2
तस्या अग्निमन्थनम्
tasyā agnimanthanam
- 3
धाय्ये
अतिथिमन्तौ समिधाग्निं दुवस्यताप्यायस्व समेतु त इति
विष्णुर् इदं विष्णुर्विचक्रमे तद् अस्य प्रियम् अभि पाथो अश्याम्
होतारं चित्ररथम् अध्वरस्य प्र प्रायम् अग्निर्भरतस्य शृण्व इति संयाज्ये
संस्थितायाम् आज्यं तानूनप्त्रं करिष्यन्तो ऽभिमृशन्त्य् अनाधृष्टम् अस्य् अनाधृष्यं देवानाम् ओजो अभिशस्तिपाः
अनभिशस्त्य् अञ्जसा सत्यम् उपगेषां स्विते मा धा इति
dhāyye
atithimantau samidhāgniṃ duvasyatāpyāyasva sametu ta iti
viṣṇur idaṃ viṣṇurvicakrame tad asya priyam abhi pātho aśyām
hotāraṃ citraratham adhvarasya pra prāyam agnirbharatasya śṛṇva iti saṃyājye
saṃsthitāyām ājyaṃ tānūnaptraṃ kariṣyanto 'bhimṛśanty anādhṛṣṭam asy anādhṛṣyaṃ devānām ojo abhiśastipāḥ
anabhiśasty añjasā satyam upageṣāṃ svite mā dhā iti
- 4
स्पृष्ट्वोदकं राजानम् आप्याययन्ति
spṛṣṭvodakaṃ rājānam āpyāyayanti
- 5
इदमादि मदन्तीर् अबर्थ उपसत्सु
idamādi madantīr abartha upasatsu
- 6
अंशुर् अंशुष्टे देव सोमाप्यायताम् इन्द्रायैकधनविद आ तुभ्यम् इन्द्रः प्यायताम् आ त्वम् इन्द्राय प्यायस्वाप्याययास्मान्सखीन्सन्या मेधया स्वस्ति ते देव सोम सुत्याम् उदृचम् अशीयेति
aṃśur aṃśuṣṭe deva somāpyāyatām indrāyaikadhanavida ā tubhyam indraḥ pyāyatām ā tvam indrāya pyāyasvāpyāyayāsmānsakhīnsanyā medhayā svasti te deva soma sutyām udṛcam aśīyeti
- 7
स्पृष्ट्वोदकं निह्नवन्ते प्रस्तरे पाणीन्निधायोत्तानान्दक्षिणान्त्सव्यान्नीच एष्टा राय एष्टा वामानि प्रेषे भगाय
ऋतम् ऋतवादिभ्यो नमो दिवे नमः पृथिव्या इति
spṛṣṭvodakaṃ nihnavante prastare pāṇīnnidhāyottānāndakṣiṇāntsavyānnīca eṣṭā rāya eṣṭā vāmāni preṣe bhagāya
ṛtam ṛtavādibhyo namo dive namaḥ pṛthivyā iti

