18 shlokas
- 1
दीक्षणीयायां धाय्ये विराजौ
dīkṣaṇīyāyāṃ dhāyye virājau
- 2
अग्नाविष्णू
agnāviṣṇū
- 3
अग्निर्मुखं प्रथमो देवतानां संगतानाम् उत्तमो विष्णुर् आसीत्
यजमानाय परिगृह्य देवान्दीक्षयेदं हविर् आगच्छतं नः
अग्निश्च विष्णो तप उत्तमं महो दीक्षापालाय वनतं हि शक्रा
विश्वैर्देवैर्यज्ञियैः संविदानौ दीक्षाम् अस्मै यजमानाय धत्तम् इति
agnirmukhaṃ prathamo devatānāṃ saṃgatānām uttamo viṣṇur āsīt
yajamānāya parigṛhya devāndīkṣayedaṃ havir āgacchataṃ naḥ
agniśca viṣṇo tapa uttamaṃ maho dīkṣāpālāya vanataṃ hi śakrā
viśvairdevairyajñiyaiḥ saṃvidānau dīkṣām asmai yajamānāya dhattam iti
- 4
वैश्वानर आदित्याः सरस्वत्य् अदितिर्वा
vaiśvānara ādityāḥ sarasvaty aditirvā
- 5
धारयन्त आदित्यासो जगत्स्था इति द्वे एते भुवद्वद्भ्यो भुवनपतिभ्यो वा
dhārayanta ādityāso jagatsthā iti dve ete bhuvadvadbhyo bhuvanapatibhyo vā
- 6
नेदमादिषु मार्जनम् अर्वाग् उदयनीयायाः
nedamādiṣu mārjanam arvāg udayanīyāyāḥ
- 7
इदमादीडायां सूक्तवाके चागूर् आशीःस्थाने
idamādīḍāyāṃ sūktavāke cāgūr āśīḥsthāne
- 8
उपहूतो ऽयं यजमानो ऽस्य यज्ञस्यागुर उदृचम् अशीयेति तस्मिन्न् उपहूतः
upahūto 'yaṃ yajamāno 'sya yajñasyāgura udṛcam aśīyeti tasminn upahūtaḥ
- 9
आशास्ते ऽयं यजमानो ऽस्य यज्ञस्यागुर उदृचम् अशीयेत्य् आशास्ते
āśāste 'yaṃ yajamāno 'sya yajñasyāgura udṛcam aśīyety āśāste
- 10
न चात्र नामादेशः
na cātra nāmādeśaḥ
- 11
प्रकृत्यान्त्य ऊर्ध्वम्पश्विडायाः
prakṛtyāntya ūrdhvampaśviḍāyāḥ
- 12
दीक्षितानां संचरो गार्हपत्याहवनीयाव् अन्तराग्नेः प्रणयनात्
dīkṣitānāṃ saṃcaro gārhapatyāhavanīyāv antarāgneḥ praṇayanāt
- 13
दीक्षणादिरात्रिसंख्यानेन दीक्षा अपरिमिताः
dīkṣaṇādirātrisaṃkhyānena dīkṣā aparimitāḥ
- 14
एकाहप्रभृत्य् आ संवत्सरात्
संवत्सरं त्व् एव सव्रते
ekāhaprabhṛty ā saṃvatsarāt
saṃvatsaraṃ tv eva savrate
- 15
द्वादशाहतापश्चितेषु यथा सुत्योपसदः
dvādaśāhatāpaściteṣu yathā sutyopasadaḥ
- 16
कर्माचारस्त्व् एकाहानाम्
karmācārastv ekāhānām
- 17
एका तिस्रो वा दीक्षास्तिस्र उपसदः सुत्यम् अहर् उत्तमम्
ekā tisro vā dīkṣāstisra upasadaḥ sutyam ahar uttamam
- 18
दीक्षान्ते राजक्रयः
dīkṣānte rājakrayaḥ

