6 shlokas
- 1
अथाग्नीषोमीयेण चरन्ति
athāgnīṣomīyeṇa caranti
- 2
उत्तरवेद्याम् आ दण्डप्रदानात्
uttaravedyām ā daṇḍapradānāt
- 3
दण्डं प्रदाय मैत्रावरुणम् अग्रतः कृत्वोत्तरेण हविर्धाने अतिव्रज्य पूर्वया द्वारा सदः प्रपद्योत्तरेण यथास्वं धिष्ण्याव् अतिव्रज्य पश्चात्स्वस्य धिष्ण्यस्योपविशति होता
daṇḍaṃ pradāya maitrāvaruṇam agrataḥ kṛtvottareṇa havirdhāne ativrajya pūrvayā dvārā sadaḥ prapadyottareṇa yathāsvaṃ dhiṣṇyāv ativrajya paścātsvasya dhiṣṇyasyopaviśati hotā
- 4
अवतिष्ठत इतरः
avatiṣṭhata itaraḥ
- 5
यदि देवसूनां हवींष्य् अन्वायातयेयुर् अग्निर्गृहपतिः सोमो वनस्पतिः सविता सत्यप्रसवो बृहस्पतिर्वाचस्पतिर् इन्द्रो ज्येष्ठो मित्रः सत्यो वरुणो धर्मपती रुद्रः पशुमान्पशुपतिर्वा
yadi devasūnāṃ havīṃṣy anvāyātayeyur agnirgṛhapatiḥ somo vanaspatiḥ savitā satyaprasavo bṛhaspatirvācaspatir indro jyeṣṭho mitraḥ satyo varuṇo dharmapatī rudraḥ paśumānpaśupatirvā
- 6
त्वम् अग्ने बृहद्वयो हव्यवाड् अग्निर् अजरः पिता नस्त्वं च सोम नो वशो ब्रह्मा देवानां पदवीः कवीनाम् आ विश्वदेवं सत्पतिं न प्रमिये सवितुर्दैव्यस्य तद्बृहस्पते प्रथमं वाचो अग्रं हंसैर् इव सखिभिर्वावदद्भिः प्रससाहिषे पुरुहूत शत्रून्भुवस्त्वम् इन्द्र ब्रह्मणा महान् अनमीवास इडया मदन्तः प्र स मित्र मर्तो अस्तु प्रयस्वांस्त्वां नष्टवान्महिमाय पृच्छते त्वया बद्धो मुमुक्षते
त्वं विश्वस्माद्भुवनात्पासि धर्मणा सूर्यात्पासि धर्मणा
यत्किंचेदं वरुण दैव्ये जन उप ते स्तोमान्पशुपा इव अकरम् इति द्वे
tvam agne bṛhadvayo havyavāḍ agnir ajaraḥ pitā nastvaṃ ca soma no vaśo brahmā devānāṃ padavīḥ kavīnām ā viśvadevaṃ satpatiṃ na pramiye saviturdaivyasya tadbṛhaspate prathamaṃ vāco agraṃ haṃsair iva sakhibhirvāvadadbhiḥ prasasāhiṣe puruhūta śatrūnbhuvastvam indra brahmaṇā mahān anamīvāsa iḍayā madantaḥ pra sa mitra marto astu prayasvāṃstvāṃ naṣṭavānmahimāya pṛcchate tvayā baddho mumukṣate
tvaṃ viśvasmādbhuvanātpāsi dharmaṇā sūryātpāsi dharmaṇā
yatkiṃcedaṃ varuṇa daivye jana upa te stomānpaśupā iva akaram iti dve

