8 shlokas
- 1
अथैतस्या रात्रेर्विवासकाले प्राग्वयसां प्रवादात्प्रातरनुवाकायामन्त्रितो वाग्यतस्तीर्थेन प्रपद्याग्नीध्रीये जान्व् आच्याहुतिं जुहुयात्
आसन्यान्मा मन्त्रात्पाहि कस्याश्चिद् अभिशस्त्यै स्वाहेति
athaitasyā rātrervivāsakāle prāgvayasāṃ pravādātprātaranuvākāyāmantrito vāgyatastīrthena prapadyāgnīdhrīye jānv ācyāhutiṃ juhuyāt
āsanyānmā mantrātpāhi kasyāścid abhiśastyai svāheti
- 2
आहवनीये वाग् अग्रेगा अग्र एतु सरस्वत्यै वाचे स्वाहा
वाचं देवीं मनोनेत्रां विराजम् उग्रां जैत्रीम् उत्तमाम् एह भक्षां
ताम् आदित्या नावम् इवारुहेमानुमतां पथिभिः पारयन्तीं स्वाहेति द्वितीयाम्
āhavanīye vāg agregā agra etu sarasvatyai vāce svāhā
vācaṃ devīṃ manonetrāṃ virājam ugrāṃ jaitrīm uttamām eha bhakṣāṃ
tām ādityā nāvam ivāruhemānumatāṃ pathibhiḥ pārayantīṃ svāheti dvitīyām
- 3
आतः समानं ब्रह्मणश्च
ātaḥ samānaṃ brahmaṇaśca
- 4
प्राप्य हविर्धाने रराटीम् अभिमृशत्य् उर्व् अन्तरिक्षं वीहीति
prāpya havirdhāne rarāṭīm abhimṛśaty urv antarikṣaṃ vīhīti
- 5
द्वार्ये स्थूणे देवी द्वारौ मा मा संताप्तम्लोकं मे लोककृतौ कृणुतम् इति
dvārye sthūṇe devī dvārau mā mā saṃtāptamlokaṃ me lokakṛtau kṛṇutam iti
- 6
प्रपद्यान्तरेण युगधरा उपविश्य प्रेषितः प्रातरनुवाकम् अनुब्रूयान्मन्द्रेण
prapadyāntareṇa yugadharā upaviśya preṣitaḥ prātaranuvākam anubrūyānmandreṇa
- 7
आपो रेवतीः क्षयथा हि वस्व उपप्रयन्त इति सूक्ते अवा नो अग्न इति षड् अग्निम् ईडे ऽग्निं दूतं वसिष्व हीति सूक्तयोर् उत्तमाम् उद्धरेत्
त्वम् अग्ने व्रतपा इत्य् उत्तमाम् उद्धरेत्त्वं नो अग्ने महोभिर् इति नवेमे विप्रस्येति सूक्ते युक्ष्वा हि प्रेष्ठं वस्त्वम् अग्ने बृहद्वय इत्य् अष्टादश
अर्चन्तस्त्वेति सूक्ते अग्ने पावक दूतं व इति सूक्ते अग्निर्होता नो अध्वर इति तिस्रो अग्निर्होताग्न इडेति चतस्रः
प्र वो वाजा उपसद्याय तम् अग्ने यज्ञानाम् इति तिस्र उत्तमा उद्धरेद् अग्ने हंस्य् अग्निं हिन्वन्तु नः प्राग्नये वाचम् इति सूक्ते इमां मे अग्ने समिधम् इमाम् इति त्रयाणाम् उत्तमाम् उद्धरेद् इति गायत्रम्
त्वम् अग्ने वसूंस्त्वं हि क्षैतवद् अग्ना यो होता अजनिष्ट प्र वो देवायाग्ने कदा त इति पञ्च
सखायः सं वस्त्वाम् अग्ने हविष्मन्त इति सूक्ते बृहद्वय इति दशानां चतुर्थनवमे उद्धरेद् उत्तमाम् उत्तमां चादितस्त्रयाणाम् इत्य् आनुष्टुभम्
अबोध्य् अग्निः समिधेति चत्वारि प्राग्नये बृहते प्र वेधसे कवये त्वं नो अग्ने वरुणस्य विद्वान् इत्य् एतत्प्रभृतीनि चत्वारि
ऊर्ध्व ऊ षु णः ससस्य यद्वियुतेति पञ्च भद्रं ते अग्न इति सूक्ते सोमस्य मा तवसं प्रत्य् अग्निर् उषस इति त्रीण्य् आ होतेति दशानां तृतीयाष्टमे उद्धरेत्
दिवस्परि इति सूक्तयोः पूर्वस्योत्तमाम् उद्धरेत्त्वं ह्य् अग्ने प्रथम इति षण्णां द्वितीयम् उद्धरेत्पुरो वो मन्द्रम् इति चत्वारि
तं सुप्रतीकम् इति षड्ढुवे वः सुद्योत्मानं नि होता होतृषदन इति सूक्ते त्रिर्मूर्धानम् इति त्रीणि वह्निं यशसम् उपप्रजिन्वन्न् इति त्रीणि
का त उपेतिर् इति सूक्ते हिरण्यकेश इति तिस्रो ऽपश्यम् अस्य महत इति सूक्ते द्वे विरूपे इति सूक्ते अग्ने नयाग्रे बृहन्न् इत्य् अष्टानाम् उत्तमाद् उत्तमास्तिस्र उद्धरेत्
त्वम् अग्ने सुहवो रण्वसंदृग् इति पञ्चाग्निं वो देवम् इति दशानां तृतीयचतुर्थे उद्धरेद् इति त्रैष्टुभम्
एना वो अग्निं प्र वो यह्वम् अग्ने विवस्वत्सखायस्त्वायम् अग्निर् अग्न आयाह्य् अच्छा नः शीरशोचिषम् इति षट्
अदर्शि गातुवित्तम इति सप्त इति बार्हतम्
अग्ने वाजस्येति तिस्रः पुरु त्वा त्वाम् अग्न ईडिष्वा हीत्य् औष्णिहम्
जनस्य गोपास्त्वाम् अग्न ऋतायव इमम् ऊ षु वो अतिथिम् उषर्बुधम् इति नव त्वम् अग्ने द्युभिर् इति सूक्ते त्वम् अग्ने प्रथमो अङ्गिरा नू चित्सहोजा अमृतो नि तुन्दत इति पञ्च
वेदिषद इति षण्णां तृतीयम् उद्धरेद् इमं स्तोमम् अर्हते सं जागृवद्भिश्चित्र इच्छिशोर्वसुं न चित्रमहसम् इति जागतम्
अग्निं तं मन्य इति पाङ्क्तम्
āpo revatīḥ kṣayathā hi vasva upaprayanta iti sūkte avā no agna iti ṣaḍ agnim īḍe 'gniṃ dūtaṃ vasiṣva hīti sūktayor uttamām uddharet
tvam agne vratapā ity uttamām uddharettvaṃ no agne mahobhir iti naveme viprasyeti sūkte yukṣvā hi preṣṭhaṃ vastvam agne bṛhadvaya ity aṣṭādaśa
arcantastveti sūkte agne pāvaka dūtaṃ va iti sūkte agnirhotā no adhvara iti tisro agnirhotāgna iḍeti catasraḥ
pra vo vājā upasadyāya tam agne yajñānām iti tisra uttamā uddhared agne haṃsy agniṃ hinvantu naḥ prāgnaye vācam iti sūkte imāṃ me agne samidham imām iti trayāṇām uttamām uddhared iti gāyatram
tvam agne vasūṃstvaṃ hi kṣaitavad agnā yo hotā ajaniṣṭa pra vo devāyāgne kadā ta iti pañca
sakhāyaḥ saṃ vastvām agne haviṣmanta iti sūkte bṛhadvaya iti daśānāṃ caturthanavame uddhared uttamām uttamāṃ cāditastrayāṇām ity ānuṣṭubham
abodhy agniḥ samidheti catvāri prāgnaye bṛhate pra vedhase kavaye tvaṃ no agne varuṇasya vidvān ity etatprabhṛtīni catvāri
ūrdhva ū ṣu ṇaḥ sasasya yadviyuteti pañca bhadraṃ te agna iti sūkte somasya mā tavasaṃ praty agnir uṣasa iti trīṇy ā hoteti daśānāṃ tṛtīyāṣṭame uddharet
divaspari iti sūktayoḥ pūrvasyottamām uddharettvaṃ hy agne prathama iti ṣaṇṇāṃ dvitīyam uddharetpuro vo mandram iti catvāri
taṃ supratīkam iti ṣaḍḍhuve vaḥ sudyotmānaṃ ni hotā hotṛṣadana iti sūkte trirmūrdhānam iti trīṇi vahniṃ yaśasam upaprajinvann iti trīṇi
kā ta upetir iti sūkte hiraṇyakeśa iti tisro 'paśyam asya mahata iti sūkte dve virūpe iti sūkte agne nayāgre bṛhann ity aṣṭānām uttamād uttamāstisra uddharet
tvam agne suhavo raṇvasaṃdṛg iti pañcāgniṃ vo devam iti daśānāṃ tṛtīyacaturthe uddhared iti traiṣṭubham
enā vo agniṃ pra vo yahvam agne vivasvatsakhāyastvāyam agnir agna āyāhy acchā naḥ śīraśociṣam iti ṣaṭ
adarśi gātuvittama iti sapta iti bārhatam
agne vājasyeti tisraḥ puru tvā tvām agna īḍiṣvā hīty auṣṇiham
janasya gopāstvām agna ṛtāyava imam ū ṣu vo atithim uṣarbudham iti nava tvam agne dyubhir iti sūkte tvam agne prathamo aṅgirā nū citsahojā amṛto ni tundata iti pañca
vediṣada iti ṣaṇṇāṃ tṛtīyam uddhared imaṃ stomam arhate saṃ jāgṛvadbhiścitra icchiśorvasuṃ na citramahasam iti jāgatam
agniṃ taṃ manya iti pāṅktam
- 8
इत्य् आग्नेयः क्रतुः
ity āgneyaḥ kratuḥ

