Sanskrit

8 shlokas

  1. 1
  2. 2

    समिद्दिशाम् आशयानः स्वर्विन्मधुरेतो माधवः पात्व् अस्मान्

    अग्निर्देवो दुष्टरीतुर् अदाभ्य इदं क्षत्रं रक्षतु पात्व् अस्मान्

    रथन्तरं सामभिः पात्व् अस्मान्गायत्री छन्दसां विश्वरूपा

    त्रिवृन्नो विष्ठया स्तोमो अह्नां समुद्रो वात इदम् ओजः पिपर्तु

    उग्रा दिशाम् अभिभूतिर्वयोधाः शुचिः शुक्रे अहन्य् ओजसीनाम्

    इन्द्र अधिपतिः पिपृताद् अतो नो महि क्षत्रं विश्वतो धारय इदम्

    बृहत्साम क्षत्रभृद्वृद्धवृष्यं त्रिष्टुभ ओजः शुभितम् उग्रवीरम्

    इन्द्र स्तोमेन पञ्चदशेन मध्यम् इदं वातेन सगरेण रक्ष

    प्राची दिशां सहयशा यशस्वती विश्वे देवाः प्रावृषा अह्नां स्वर्वती

    इदं क्षत्रं दुष्टरम् अस्त्व् ओजो अनाधृष्यं सहस्यं सहस्वत्

    वैरूपे सामन्न् इह तत्शकेयं जगत्य् एनं विक्ष्व् आवेशयानि

    विश्वे देवाः सप्तदशेन वर्च इदं क्षत्रं सलिलवातम् उग्रम्

    धर्त्री दिशां क्षत्रम् इदं दाधारोपस्थाशानां मित्रवद् अस्त्व् ओजः

    मित्रावरुणा शरदह्नां चिकित्वन् अस्मै राष्ट्राय महि शर्म यच्छतम्

    वैराजे सामन्न् अधि मे मनीषानुष्टुभा संभृतं वीर्यं सहः

    इदं क्षत्रं मित्रवद् आर्द्रदानुं मित्रावरुणा रक्षतम् आधिपत्ये

    संराड्दिशां सहसाम्नी सहस्वत्य् ऋतुर्हेमन्तो विष्ठया नः पिपर्तु

    अवस्युवाता बृहती नु शक्वरीमं यज्ञम् अवतु नो घृताची

    स्वर्वती सुदुघा नः पयस्वती दिशां देव्य् अवतु नो घृताची

    त्वं गोपाः पुरएतोत पश्चाद्बृहस्पते याभ्यां युङ्धि वाचम्

    ऊर्ध्वां दिशाम्रन्तिर् आशा ओषधीनां संवत्सरेण सविता नो अह्नाम्

    रेवत्साम अतिच्छन्दा उच्छन्दो अजातशत्रुः स्योना नो अस्तु

    स्तोम त्रयस्त्रिंशे भुवनस्य पत्नी विवस्वद्वाते अभि नो गृणीहि

    घृतवती सवितर् आधिपत्ये पयस्वती रन्तिर् आशा नो अस्तु

    ध्रुवा दिशां विष्णुपत्न्य् अघोरास्येशाना सहसो या मनोता

    बृहस्पतिर्मातरिश्वोत वायुः संध्वाना वाता अभि नो गृणन्तु

    विष्टम्भो दिवो धरुणः पृथिव्या अस्येशाना जगतो विष्णुपत्नी

    व्यचस्वतीषयन्ती सुभूतिः शिवा नो अस्त्व् अदितेर् उपस्थे

    अनु नो ऽद्यानुमतिर्यज्ञं देवेषु मन्यताम्

    अग्निश्च हव्यवाहनो भवतं दाशुषे मयः

    अन्व् इद् अनुमते त्वं मन्यासै शं च नस्कृधि

    क्रत्वे दक्षाय नो हि नु प्र ण आयूंषि तारिषद् इति

    वैश्वानरीयं नवमं कायं दशमम्

    samiddiśām āśayānaḥ svarvinmadhureto mādhavaḥ pātv asmān

    agnirdevo duṣṭarītur adābhya idaṃ kṣatraṃ rakṣatu pātv asmān

    rathantaraṃ sāmabhiḥ pātv asmāngāyatrī chandasāṃ viśvarūpā

    trivṛnno viṣṭhayā stomo ahnāṃ samudro vāta idam ojaḥ pipartu

    ugrā diśām abhibhūtirvayodhāḥ śuciḥ śukre ahany ojasīnām

    indra adhipatiḥ pipṛtād ato no mahi kṣatraṃ viśvato dhāraya idam

    bṛhatsāma kṣatrabhṛdvṛddhavṛṣyaṃ triṣṭubha ojaḥ śubhitam ugravīram

    indra stomena pañcadaśena madhyam idaṃ vātena sagareṇa rakṣa

    prācī diśāṃ sahayaśā yaśasvatī viśve devāḥ prāvṛṣā ahnāṃ svarvatī

    idaṃ kṣatraṃ duṣṭaram astv ojo anādhṛṣyaṃ sahasyaṃ sahasvat

    vairūpe sāmann iha tatśakeyaṃ jagaty enaṃ vikṣv āveśayāni

    viśve devāḥ saptadaśena varca idaṃ kṣatraṃ salilavātam ugram

    dhartrī diśāṃ kṣatram idaṃ dādhāropasthāśānāṃ mitravad astv ojaḥ

    mitrāvaruṇā śaradahnāṃ cikitvan asmai rāṣṭrāya mahi śarma yacchatam

    vairāje sāmann adhi me manīṣānuṣṭubhā saṃbhṛtaṃ vīryaṃ sahaḥ

    idaṃ kṣatraṃ mitravad ārdradānuṃ mitrāvaruṇā rakṣatam ādhipatye

    saṃrāḍdiśāṃ sahasāmnī sahasvaty ṛturhemanto viṣṭhayā naḥ pipartu

    avasyuvātā bṛhatī nu śakvarīmaṃ yajñam avatu no ghṛtācī

    svarvatī sudughā naḥ payasvatī diśāṃ devy avatu no ghṛtācī

    tvaṃ gopāḥ puraetota paścādbṛhaspate yābhyāṃ yuṅdhi vācam

    ūrdhvāṃ diśāmrantir āśā oṣadhīnāṃ saṃvatsareṇa savitā no ahnām

    revatsāma aticchandā ucchando ajātaśatruḥ syonā no astu

    stoma trayastriṃśe bhuvanasya patnī vivasvadvāte abhi no gṛṇīhi

    ghṛtavatī savitar ādhipatye payasvatī rantir āśā no astu

    dhruvā diśāṃ viṣṇupatny aghorāsyeśānā sahaso yā manotā

    bṛhaspatirmātariśvota vāyuḥ saṃdhvānā vātā abhi no gṛṇantu

    viṣṭambho divo dharuṇaḥ pṛthivyā asyeśānā jagato viṣṇupatnī

    vyacasvatīṣayantī subhūtiḥ śivā no astv aditer upasthe

    anu no 'dyānumatiryajñaṃ deveṣu manyatām

    agniśca havyavāhano bhavataṃ dāśuṣe mayaḥ

    anv id anumate tvaṃ manyāsai śaṃ ca naskṛdhi

    kratve dakṣāya no hi nu pra ṇa āyūṃṣi tāriṣad iti

    vaiśvānarīyaṃ navamaṃ kāyaṃ daśamam

  3. 3
  4. 4
  5. 5
  6. 6
  7. 7
  8. 8