13 shlokas
- 1
अग्नीषोमौ प्रणेष्यत्सु तीर्थेन प्रपद्योत्तरेणाग्नीध्रीयायतनं सदश्च पूर्वया द्वारा पत्नीशालां प्रपद्योत्तरेण शालामुखीयम् अतिव्रज्य पश्चाद् अस्योपविश्य प्रेषितो ऽनुब्रूयात्सावीर्हि देव प्रथमाय पित्रे वर्ष्माणम् अस्मै वरिमाणम् अस्मै
अथास्मभ्यं सवितः सर्वताता दिवे दिव आसु वा भूरिपश्व इत्य् आसीनः
agnīṣomau praṇeṣyatsu tīrthena prapadyottareṇāgnīdhrīyāyatanaṃ sadaśca pūrvayā dvārā patnīśālāṃ prapadyottareṇa śālāmukhīyam ativrajya paścād asyopaviśya preṣito 'nubrūyātsāvīrhi deva prathamāya pitre varṣmāṇam asmai varimāṇam asmai
athāsmabhyaṃ savitaḥ sarvatātā dive diva āsu vā bhūripaśva ity āsīnaḥ
- 2
अनुव्रजन्न् उत्तराः
anuvrajann uttarāḥ
- 3
प्रैतु ब्रह्मणस्पतिर्होता देवो अमर्त्यः पुरस्ताद् उप त्वाग्ने दिवे दिवे दोषावस्तर् उप प्रियं पनिप्नतम् इत्य् अर्धर्च आरमेत्
आग्नीध्रीये निहिते ऽभिहूयमाने ऽग्ने जुषस्व प्रतिहर्य तद्वच इति समाप्य प्रणवेनोपरमेत्
praitu brahmaṇaspatirhotā devo amartyaḥ purastād upa tvāgne dive dive doṣāvastar upa priyaṃ panipnatam ity ardharca āramet
āgnīdhrīye nihite 'bhihūyamāne 'gne juṣasva pratiharya tadvaca iti samāpya praṇavenoparamet
- 4
उत्तरेणाग्नीध्रीयम् अतिव्रजत्स्व् अतिव्रज्य सोमो जिगाति गातुविद्देवानां तम् अस्य राजा वरुणस्तम् अश्विनेत्य् अर्धर्च आरमेत्
uttareṇāgnīdhrīyam ativrajatsv ativrajya somo jigāti gātuviddevānāṃ tam asya rājā varuṇastam aśvinety ardharca āramet
- 5
प्रपद्यमानं राजानम् अनुप्रपद्येत
अन्तश्च प्रागा अदितिर्भवासि श्येनो न योनिं सदनं धिया कृतम् अस्तभ्नाद्द्याम् असुरो विश्ववेदा इति परिदध्याद् उत्तरया वा क्षेमाचारे
prapadyamānaṃ rājānam anuprapadyeta
antaśca prāgā aditirbhavāsi śyeno na yoniṃ sadanaṃ dhiyā kṛtam astabhnāddyām asuro viśvavedā iti paridadhyād uttarayā vā kṣemācāre
- 6
ब्रह्मैवम् एव प्रपद्यापरेण वेदिम् अतिव्रज्य दक्षिणतः शालामुखीयस्योपविशेत्
brahmaivam eva prapadyāpareṇa vedim ativrajya dakṣiṇataḥ śālāmukhīyasyopaviśet
- 7
स होतारम् अनूत्थाय यथेतम् अग्रतो व्रजेद्यदि राजानं प्रणयेत्
sa hotāram anūtthāya yathetam agrato vrajedyadi rājānaṃ praṇayet
- 8
उक्तम् अप्रणयतः
uktam apraṇayataḥ
- 9
प्राप्य हविर्धाने गृहपतये राजानं प्रदाय हविर्धाने अग्रेणापरेण वातिव्रज्य दक्षिणत आहवनीयस्योपविशेत्
prāpya havirdhāne gṛhapataye rājānaṃ pradāya havirdhāne agreṇāpareṇa vātivrajya dakṣiṇata āhavanīyasyopaviśet
- 10
अग्निपुच्छस्य साग्निचित्यायाम्
agnipucchasya sāgnicityāyām
- 11
एतद्ब्रह्मासनं पशौ
etadbrahmāsanaṃ paśau
- 12
प्रातश्चा वपाहोमात्
prātaścā vapāhomāt
- 13
यदि त्व् अग्रेण प्रत्येयात्प्रपाद्यमाने
yadi tv agreṇa pratyeyātprapādyamāne

