13 shlokas
- 1
ग्रीष्मो हेमन्त उत वा वसन्तः शरद्वर्षाः सुकृतं नो अस्तु
तेषां ऋतूनां शतशारदानां निवात एषाम् अभये स्याम स्वाहा
अप श्वेत पदा जहि पूर्वेण चापरेण च
सप्त च वारुणीर् इमाः सर्वाश्च राजबान्धवीः स्वाहा
श्वेताय वैदार्वाय स्वाहा विदार्वाय स्वाहा हुत्वा
grīṣmo hemanta uta vā vasantaḥ śaradvarṣāḥ sukṛtaṃ no astu
teṣāṃ ṛtūnāṃ śataśāradānāṃ nivāta eṣām abhaye syāma svāhā
apa śveta padā jahi pūrveṇa cāpareṇa ca
sapta ca vāruṇīr imāḥ sarvāśca rājabāndhavīḥ svāhā
śvetāya vaidārvāya svāhā vidārvāya svāhā hutvā
- 2
सुहेमन्तः सुवसन्तः सुग्रीष्मः प्रतिधीयताम्
सुवर्षाः सन्तु नो वर्षाः शरदः शं भवन्तु न इति
suhemantaḥ suvasantaḥ sugrīṣmaḥ pratidhīyatām
suvarṣāḥ santu no varṣāḥ śaradaḥ śaṃ bhavantu na iti
- 3
शं नो मित्र इति पलाशशाखया विमृज्य
śaṃ no mitra iti palāśaśākhayā vimṛjya
- 4
समुद्राद् ऊर्मिर् इत्य् अभ्युक्ष्य
samudrād ūrmir ity abhyukṣya
- 5
स्योना पृथिवि भवेति स्रस्तरम् आस्तीर्य
syonā pṛthivi bhaveti srastaram āstīrya
- 6
ज्येष्ठदक्षिणाः पार्श्वैः संविशन्ति
jyeṣṭhadakṣiṇāḥ pārśvaiḥ saṃviśanti
- 7
प्रति ब्रह्मन्प्रतितिष्ठामि क्षत्र इति दक्षिणैः
prati brahmanpratitiṣṭhāmi kṣatra iti dakṣiṇaiḥ
- 8
प्रत्य् अश्वेषु प्रतितिष्ठामि गोष्व् इति सव्यैः
praty aśveṣu pratitiṣṭhāmi goṣv iti savyaiḥ
- 9
प्रति पशुषु प्रतितिष्ठामि पुष्टाव् इति दक्षिणैः
prati paśuṣu pratitiṣṭhāmi puṣṭāv iti dakṣiṇaiḥ
- 10
प्रति प्रजायां प्रतितिष्ठाम्य् अन्न इति सव्यैः
prati prajāyāṃ pratitiṣṭhāmy anna iti savyaiḥ
- 11
उदीर्ध्वं जीव इत्य् उत्थानम्
udīrdhvaṃ jīva ity utthānam
- 12
स्रस्तरे तां रात्रीं शेरते
srastare tāṃ rātrīṃ śerate
- 13
यथासुखम् अत ऊर्ध्वम्
yathāsukham ata ūrdhvam

