5 shlokas
- 1
भगस्ते हस्तम् अग्रभीत्सविता हस्तम् अग्रभीत्पूषा ते हस्तम् अग्रभीत् अर्यमा हस्तम् अग्रभीन्मित्रस्त्वम् असि धर्मणाग्निर् आचार्यस्तवासावहं चोभाव् अग्न एतं ते ब्रह्मचारिणं परिददामीन्द्रैतं ते ब्रह्मचारिणं परिददाम्य् आदित्यैतं ते ब्रह्मचारिणं परिददामि विश्वे देवा एतं वो ब्रह्मचारिणं परिददामि दीर्घायुत्वाय सुप्रजास्त्वाय सुवीर्याय रायस्पोषाय सर्वेषां वेदानाम् आधिपत्याय सुश्लोक्याय स्वस्तये
bhagaste hastam agrabhītsavitā hastam agrabhītpūṣā te hastam agrabhīt aryamā hastam agrabhīnmitrastvam asi dharmaṇāgnir ācāryastavāsāvahaṃ cobhāv agna etaṃ te brahmacāriṇaṃ paridadāmīndraitaṃ te brahmacāriṇaṃ paridadāmy ādityaitaṃ te brahmacāriṇaṃ paridadāmi viśve devā etaṃ vo brahmacāriṇaṃ paridadāmi dīrghāyutvāya suprajāstvāya suvīryāya rāyaspoṣāya sarveṣāṃ vedānām ādhipatyāya suślokyāya svastaye
- 2
ऐन्द्रीम् आवृतम् आवर्त आदित्यस्यावृतम् अन्वावर्त इति दक्षिणं बाहुम् अन्वावृत्य
aindrīm āvṛtam āvarta ādityasyāvṛtam anvāvarta iti dakṣiṇaṃ bāhum anvāvṛtya
- 3
दक्षिणेन प्रादेशेन दक्षिणम् अंसम् अन्ववहृत्यारिष्यतः ते हृदयस्य प्रियो भूयासम् इति हृदयदेशम् अभिमृशति
dakṣiṇena prādeśena dakṣiṇam aṃsam anvavahṛtyāriṣyataḥ te hṛdayasya priyo bhūyāsam iti hṛdayadeśam abhimṛśati
- 4
तूष्णीं प्रसव्यं पर्यावृत्य
tūṣṇīṃ prasavyaṃ paryāvṛtya
- 5
अथास्योर्ध्वाङ्गुलिं पाणिं हृदये निधाय जपति
athāsyordhvāṅguliṃ pāṇiṃ hṛdaye nidhāya japati

