8 shlokas
- 1
उदिते प्राध्ययनम्
udite prādhyayanam
- 2
अहरहः सायं प्रातः
aharahaḥ sāyaṃ prātaḥ
- 3
अग्निम् उपसमाधाय परिसमुह्य पर्युक्ष्य दक्षिणं जान्व् आच्य
agnim upasamādhāya parisamuhya paryukṣya dakṣiṇaṃ jānv ācya
- 4
अग्नये समिधम् अहार्षं बृहते जातवेदसे
स मे श्रद्धां च मेधां च जातवेदाः प्रयच्छतु स्वाहा
एधो ऽस्य् एधिषीमहि समिद् असि तेजो ऽसि तेजो मयि धेहि स्वाहा
समिद्धो मां समर्धय प्रजया च धनेन च स्वाहा
एषा ते अग्ने समित्तया वर्धस्व चा च प्यायस्व
वर्धिषीमहि च वयम् आ च प्यासिषीमहि स्वाहेति
agnaye samidham ahārṣaṃ bṛhate jātavedase
sa me śraddhāṃ ca medhāṃ ca jātavedāḥ prayacchatu svāhā
edho 'sy edhiṣīmahi samid asi tejo 'si tejo mayi dhehi svāhā
samiddho māṃ samardhaya prajayā ca dhanena ca svāhā
eṣā te agne samittayā vardhasva cā ca pyāyasva
vardhiṣīmahi ca vayam ā ca pyāsiṣīmahi svāheti
- 5
अथ पर्युक्ष्य
atha paryukṣya
- 6
अग्निः श्रद्धां च मेधां चाविनिपातं स्मृतिं च मे
ईडितो जातवेदा अयं शुनं नः सम्प्रयच्छत्व् इत्य् अग्निम् उपतिष्ठते
agniḥ śraddhāṃ ca medhāṃ cāvinipātaṃ smṛtiṃ ca me
īḍito jātavedā ayaṃ śunaṃ naḥ samprayacchatv ity agnim upatiṣṭhate
- 7
सौपर्णव्रतभाषितं दृष्टं वृद्धसंप्रदायानुष्ठितं त्र्यायुषं पञ्चभिर्मन्त्रैः प्रतिमन्त्रं ललाटे हृदये दक्षिणस्कन्धे वामे च ततः पृष्ठे च पञ्चसु भस्मना त्रिपुण्ड्रं करोति
sauparṇavratabhāṣitaṃ dṛṣṭaṃ vṛddhasaṃpradāyānuṣṭhitaṃ tryāyuṣaṃ pañcabhirmantraiḥ pratimantraṃ lalāṭe hṛdaye dakṣiṇaskandhe vāme ca tataḥ pṛṣṭhe ca pañcasu bhasmanā tripuṇḍraṃ karoti
- 8
स एतेषां वेदानाम् एकं द्वौ त्रीन्सर्वान्वाधीते य एवं हुत्वाग्निम् उपतिष्ठते
sa eteṣāṃ vedānām ekaṃ dvau trīnsarvānvādhīte ya evaṃ hutvāgnim upatiṣṭhate

