26 shlokas
- 1
अथ वैश्वदेवः
atha vaiśvadevaḥ
- 2
व्याख्यातो होमकल्पः
vyākhyāto homakalpaḥ
- 3
वैश्वदेवस्य सिद्धस्य सायं प्रातर्गृह्ये ऽग्नौ जुहुयात्
vaiśvadevasya siddhasya sāyaṃ prātargṛhye 'gnau juhuyāt
- 4
अग्नये स्वाहा सोमाय स्वाहेन्द्राग्निभ्यां स्वाहा विष्णवे स्वाहा भरद्वाजधन्वन्तरये स्वाहा विश्वेभ्यो देवेभ्यः स्वाहा प्रजापतये स्वाहादितये स्वाहानुमतये स्वाहाग्नये स्विष्टकृते स्वाहेति हुत्वैतासां देवतानाम्
agnaye svāhā somāya svāhendrāgnibhyāṃ svāhā viṣṇave svāhā bharadvājadhanvantaraye svāhā viśvebhyo devebhyaḥ svāhā prajāpataye svāhāditaye svāhānumataye svāhāgnaye sviṣṭakṛte svāheti hutvaitāsāṃ devatānām
- 5
अथ वास्तुमध्ये बलिं हरेद् एताभ्यश्चैव देवताभ्यो नमो ब्रह्मणे ब्राह्मणेभ्यश्च वास्तोष्पते प्रतिजानीह्य् अस्मान् इति वास्तुमध्ये वास्तोष्पतये च
atha vāstumadhye baliṃ hared etābhyaścaiva devatābhyo namo brahmaṇe brāhmaṇebhyaśca vāstoṣpate pratijānīhy asmān iti vāstumadhye vāstoṣpataye ca
- 6
अथ दिशां प्रदक्षिणं यथारूपं बलिं हरति
atha diśāṃ pradakṣiṇaṃ yathārūpaṃ baliṃ harati
- 7
नम इन्द्रायैन्द्रेभ्यश्च नमो यमाय याम्येभ्यश्च नमो वरुणाय वारुणेभ्यश्च नमः सोमाय सौम्येभ्यश्च नमो बृहस्पतये बार्हस्पत्येभ्यश्च
nama indrāyaindrebhyaśca namo yamāya yāmyebhyaśca namo varuṇāya vāruṇebhyaśca namaḥ somāya saumyebhyaśca namo bṛhaspataye bārhaspatyebhyaśca
- 8
अथादित्यमण्डले नमो ऽदितय आदित्येभ्यश्च नमो नक्षत्रेभ्य ऋतुभ्यो मासेभ्यो ऽर्धमासेभ्यो ऽहोरात्रेभ्यः संवत्सरेभ्यः
athādityamaṇḍale namo 'ditaya ādityebhyaśca namo nakṣatrebhya ṛtubhyo māsebhyo 'rdhamāsebhyo 'horātrebhyaḥ saṃvatsarebhyaḥ
- 9
पूष्णे पथिकृते धात्रे विधात्रे मरुद्भ्यश्चेति देहलीषु
pūṣṇe pathikṛte dhātre vidhātre marudbhyaśceti dehalīṣu
- 10
विष्णवे दृषदि
viṣṇave dṛṣadi
- 11
वनस्पतय इत्य् उलूखले
vanaspataya ity ulūkhale
- 12
ओषधीभ्य इत्य् ओषधीनां स्थाने
oṣadhībhya ity oṣadhīnāṃ sthāne
- 13
पर्जन्यायाद्भ्य इति मणिके
parjanyāyādbhya iti maṇike
- 14
नमः श्रियै शय्यायां शिरसि पादतो भद्रकाल्यै
namaḥ śriyai śayyāyāṃ śirasi pādato bhadrakālyai
- 15
अनुगुप्ते देशे नमः सर्वानुभूतये
anugupte deśe namaḥ sarvānubhūtaye
- 16
अथान्तरिक्षे नक्तंचरेभ्य इति सायम् अहश्चरेभ्य इति प्रातर्ये देवास इति च
athāntarikṣe naktaṃcarebhya iti sāyam ahaścarebhya iti prātarye devāsa iti ca
- 17
अविज्ञाताभ्यो देवताभ्य उत्तरतो धनपतये च
avijñātābhyo devatābhya uttarato dhanapataye ca
- 18
प्राचीनावीती दक्षिणतः शेषं निनयति ये अग्निदग्धा इति
prācīnāvītī dakṣiṇataḥ śeṣaṃ ninayati ye agnidagdhā iti
- 19
देवपितृनरेभ्यो दत्त्वा श्रोत्रियं भोजयेत्
devapitṛnarebhyo dattvā śrotriyaṃ bhojayet
- 20
ब्रह्मचारिणे वा भिक्षां दद्यात्
brahmacāriṇe vā bhikṣāṃ dadyāt
- 21
अनन्तरं सौवासिनीं गर्भिणीं कुमारान्स्थविरांश्च भोजयेत्
anantaraṃ sauvāsinīṃ garbhiṇīṃ kumārānsthavirāṃśca bhojayet
- 22
श्वभ्यः श्वपचेभ्यश्च वयोभ्यश्चावपेद्भूमौ
śvabhyaḥ śvapacebhyaśca vayobhyaścāvapedbhūmau
- 23
इति नानवत्तम् अश्नीयात्
iti nānavattam aśnīyāt
- 24
नैकः
naikaḥ
- 25
न पूर्वम्
na pūrvam
- 26
तद् अप्य् एतद् ऋचोक्तं मोघम् अन्नं विन्दते अप्रचेता इति
tad apy etad ṛcoktaṃ mogham annaṃ vindate apracetā iti

