18 shlokas
- 1
कृतप्रातराशस्यापराह्णे ऽपराजितायां दिशि
kṛtaprātarāśasyāparāhṇe 'parājitāyāṃ diśi
- 2
हुत्वाचार्यो ऽथैनं यास्व् एव देवतासु परीत्तो भवति तास्व् एवैनं पृच्छत्य् अग्नाव् इन्द्र आदित्ये विश्वेषु च देवेषु चरितं ते ब्रह्मचर्यम्
hutvācāryo 'thainaṃ yāsv eva devatāsu parītto bhavati tāsv evainaṃ pṛcchaty agnāv indra āditye viśveṣu ca deveṣu caritaṃ te brahmacaryam
- 3
चरितं भो ३ इति प्रत्युक्ते
caritaṃ bho 3 iti pratyukte
- 4
पश्चाद् अग्नेः पुरस्ताद् आचार्यस्य प्राङ्मुखे स्थिते ऽहतेन वाससाचार्यः प्रदक्षिणं मुखं त्रिः परिवेष्ट्य
paścād agneḥ purastād ācāryasya prāṅmukhe sthite 'hatena vāsasācāryaḥ pradakṣiṇaṃ mukhaṃ triḥ pariveṣṭya
- 5
उपरिष्टाद्दशाः कृत्वा यथा न संभ्रश्येत
upariṣṭāddaśāḥ kṛtvā yathā na saṃbhraśyeta
- 6
त्रिरात्रं समिदाधानं भिक्षाचरणम् अधःशय्यां गुरुशुश्रूषां चाकुर्वन्वाग्यतो ऽप्रमत्तो ऽरण्ये देवकुले ऽग्निहोत्रे वोपवसस्वेति
trirātraṃ samidādhānaṃ bhikṣācaraṇam adhaḥśayyāṃ guruśuśrūṣāṃ cākurvanvāgyato 'pramatto 'raṇye devakule 'gnihotre vopavasasveti
- 7
अत्र हैके तान् एव नियमांस्तिष्ठतो रात्र्याम् एवोपदिशन्ति
atra haike tān eva niyamāṃstiṣṭhato rātryām evopadiśanti
- 8
आचार्यो ऽमांसाशी ब्रह्मचारी
ācāryo 'māṃsāśī brahmacārī
- 9
त्रिरात्रे निर्वृत्ते रात्र्यां वा ग्रामान्निष्क्रामन्नैतान् ईक्षेतानध्यायान्
trirātre nirvṛtte rātryāṃ vā grāmānniṣkrāmannaitān īkṣetānadhyāyān
- 10
पिशितामं चण्डालं सूतिकां रजस्वलां तेदनीम् अपहस्तकान्श्मशानं सर्वाणि च शवरूपाणि यान्य् आस्ये न प्रविशेयुः स्वस्य वासान्निरसन्
piśitāmaṃ caṇḍālaṃ sūtikāṃ rajasvalāṃ tedanīm apahastakānśmaśānaṃ sarvāṇi ca śavarūpāṇi yāny āsye na praviśeyuḥ svasya vāsānnirasan
- 11
प्रागुदीचीं दिशम् उपनिष्क्रम्य शुचौ देशे प्राङ्मुख आचार्य उपविशति
prāgudīcīṃ diśam upaniṣkramya śucau deśe prāṅmukha ācārya upaviśati
- 12
उदित आदित्ये ऽनुवाचनधर्मेण वाग्यतायोष्णीषिणे ऽन्वाह
udita āditye 'nuvācanadharmeṇa vāgyatāyoṣṇīṣiṇe 'nvāha
- 13
महानाम्नीष्व् एवैष नियमः
mahānāmnīṣv evaiṣa niyamaḥ
- 14
अथोत्तरेषु प्रकरणेषु स्वाध्यायम् एव कुर्वत आचार्यस्येतरः शृणोति
athottareṣu prakaraṇeṣu svādhyāyam eva kurvata ācāryasyetaraḥ śṛṇoti
- 15
उष्णीषं भाजनं दक्षिणां गां ददाति
uṣṇīṣaṃ bhājanaṃ dakṣiṇāṃ gāṃ dadāti
- 16
त्वं तम् इत्य् उच्चा दिवीति च प्रणवेन वा सर्वम्
tvaṃ tam ity uccā divīti ca praṇavena vā sarvam
- 17
अत्र हैके वैश्वदेवं चरुं कुर्वते सर्वेषु प्रकरणेषु
atra haike vaiśvadevaṃ caruṃ kurvate sarveṣu prakaraṇeṣu
- 18
यथापरीत्तम् इति माण्डूकेयः
yathāparīttam iti māṇḍūkeyaḥ

