14 shlokas
- 1
वृषा पवस्व धारयेति गायत्री भवत्य् अह्नो धृत्यै
vṛṣā pavasva dhārayeti gāyatrī bhavaty ahno dhṛtyai
- 2
वृषण्वत्यस्त्रिष्टुभो रूपेण त्रैष्टुभं ह्य् एतद् अहः
vṛṣaṇvatyastriṣṭubho rūpeṇa traiṣṭubhaṃ hy etad ahaḥ
- 3
पुनानस्सोम धारयेति धृत्यै
punānassoma dhārayeti dhṛtyai
- 4
वृषा शोणो अभिकनिक्रदद्गा इति
vṛṣā śoṇo abhikanikradadgā iti
- 5
वृषण्वत्यस्त्रिष्टुभो रूपेण समृद्धा वृषण्वद्वा एतद् ऐन्द्रं त्रैष्टुभम् अहर्यत्द्वितीयं तद् एव तद् अभिवदति
vṛṣaṇvatyastriṣṭubho rūpeṇa samṛddhā vṛṣaṇvadvā etad aindraṃ traiṣṭubham aharyatdvitīyaṃ tad eva tad abhivadati
- 6
गायत्रं भवति यद् एव गायत्रस्य ब्राह्मणम्
gāyatraṃ bhavati yad eva gāyatrasya brāhmaṇam
- 7
यौक्ताश्वं भवति
yauktāśvaṃ bhavati
- 8
युक्ताश्वो वा आङ्गिरसः शिशू जातौ विपर्यहरत्तस्मान्मन्त्रो ऽपाक्रामत्स तपो ऽतप्यत स एतद्यौक्ताश्वम् अपश्यत्तं मन्त्र उपावर्तत तद्वाव स तर्ह्य् अकामयत कामसनि साम यौक्ताश्वं कामम् एवैतेनावरुन्द्धे
yuktāśvo vā āṅgirasaḥ śiśū jātau viparyaharattasmānmantro 'pākrāmatsa tapo 'tapyata sa etadyauktāśvam apaśyattaṃ mantra upāvartata tadvāva sa tarhy akāmayata kāmasani sāma yauktāśvaṃ kāmam evaitenāvarunddhe
- 9
आयास्ये भवतः
āyāsye bhavataḥ
- 10
अयास्यो वा आङ्गिरस आदित्यानां दीक्षितानाम् अन्नाद्यम् आश्नात्तं शुग् आर्छत्स तपो ऽतप्यत स एते आयास्ये अपश्यत्ताभ्यां शुचम् अपाहताप शुचं हत आयास्याभ्यां तुष्टुवानः
ayāsyo vā āṅgirasa ādityānāṃ dīkṣitānām annādyam āśnāttaṃ śug ārchatsa tapo 'tapyata sa ete āyāsye apaśyattābhyāṃ śucam apāhatāpa śucaṃ hata āyāsyābhyāṃ tuṣṭuvānaḥ
- 11
एभ्यो वै लोकेभ्यो वृष्टिर् अपाक्रामत्ताम् अयास्य आयास्याभ्याम् अच्यावयत्च्यावयति वृष्टिम् आयास्याभ्यां तुष्टुवानः
ebhyo vai lokebhyo vṛṣṭir apākrāmattām ayāsya āyāsyābhyām acyāvayatcyāvayati vṛṣṭim āyāsyābhyāṃ tuṣṭuvānaḥ
- 12
अन्नाद्यं वाव तद् एभ्यो लोकेभ्यो ऽपाक्रामत्तद् अयास्य आयास्याभ्याम् अच्यावयत्च्यावयत्य् अन्नाद्यम् आयास्याभ्यां तुष्टुवानः
annādyaṃ vāva tad ebhyo lokebhyo 'pākrāmattad ayāsya āyāsyābhyām acyāvayatcyāvayaty annādyam āyāsyābhyāṃ tuṣṭuvānaḥ
- 13
वासिष्ठं भवति
vāsiṣṭhaṃ bhavati
- 14
वसिष्ठो वा एतेन वैडवः स्तुत्वाञ्जसा स्वर्गं लोकम् अपश्यत्स्वर्गस्य लोकस्यानुख्यात्यै स्वर्गाल्लोकान्न च्यवते तुष्टुवानः स्तोमः
vasiṣṭho vā etena vaiḍavaḥ stutvāñjasā svargaṃ lokam apaśyatsvargasya lokasyānukhyātyai svargāllokānna cyavate tuṣṭuvānaḥ stomaḥ

