22 shlokas
- 1
यस्ते मदो वरेण्य इति गायत्री भवति
yaste mado vareṇya iti gāyatrī bhavati
- 2
मदवद्वै रसवत्तृतीयसवनं मदम् एव तद्रसं दधाति
madavadvai rasavattṛtīyasavanaṃ madam eva tadrasaṃ dadhāti
- 3
पवस्व मधुमत्तम इति पवन्त इव ह्य् एतेनाह्ना मधुमत्तम इत्य् अन्नं वै मध्व् अन्नाद्यम् एव तद्यजमाने दधाति
pavasva madhumattama iti pavanta iva hy etenāhnā madhumattama ity annaṃ vai madhv annādyam eva tadyajamāne dadhāti
- 4
इन्द्रम् अच्छ सुता इम इतीन्द्रियस्य वीर्यस्यावरुद्ध्यै
indram accha sutā ima itīndriyasya vīryasyāvaruddhyai
- 5
अयं पूषा रयिर्भग इत्य् अनुष्टुभः सत्यस्त्रिष्टुभो रूपेण त्रैष्टुभं ह्य् एतद् अहः
ayaṃ pūṣā rayirbhaga ity anuṣṭubhaḥ satyastriṣṭubho rūpeṇa traiṣṭubhaṃ hy etad ahaḥ
- 6
वृषामतीनां पवते विचक्षण इति जगत्यः सत्यस्त्रिष्टुभो रूपेण त्रैष्टुभं ह्य् एतद् अहः
vṛṣāmatīnāṃ pavate vicakṣaṇa iti jagatyaḥ satyastriṣṭubho rūpeṇa traiṣṭubhaṃ hy etad ahaḥ
- 7
गायत्रं भवति यद् एव गायत्रस्य ब्राह्मणम्
gāyatraṃ bhavati yad eva gāyatrasya brāhmaṇam
- 8
हाविष्मतं भवति
hāviṣmataṃ bhavati
- 9
हविष्मांश्च वै हविष्कृच्चाङ्गिरसावास्तां द्वितीये ऽहनि हविष्मान् अराध्नोन्नवमे ऽहनि हविष्कृत्
haviṣmāṃśca vai haviṣkṛccāṅgirasāvāstāṃ dvitīye 'hani haviṣmān arādhnonnavame 'hani haviṣkṛt
- 10
अयं हविष्मान् इत्य् एव जातम् अहर्जातं सोमं प्राह देवेभ्यः साम्नैवास्मा आशिषम् आशास्ते साम हि सत्याशीः
ayaṃ haviṣmān ity eva jātam aharjātaṃ somaṃ prāha devebhyaḥ sāmnaivāsmā āśiṣam āśāste sāma hi satyāśīḥ
- 11
शङ्कु भवत्य् अह्नो धृत्यै यद्वा अधृतं शङ्कुना तद्दाधार
śaṅku bhavaty ahno dhṛtyai yadvā adhṛtaṃ śaṅkunā taddādhāra
- 12
तद् उ सीदन्तीयम् इत्य् आहुर् एतेन वै प्रजापतिर् ऊर्ध्व इमान्लोकान् असीदद्यद् असीदत्तत्सीदन्तीयस्य सीदन्तीयत्वम् ऊर्ध्व इमान्लोकान्सीदति सीदन्तीयेन तुष्टुवानः
tad u sīdantīyam ity āhur etena vai prajāpatir ūrdhva imānlokān asīdadyad asīdattatsīdantīyasya sīdantīyatvam ūrdhva imānlokānsīdati sīdantīyena tuṣṭuvānaḥ
- 13
सुज्ञानं भवति
sujñānaṃ bhavati
- 14
स्वर्वद्वै राथन्तरं रूपं स्वर्णिधनं बार्हतम्
svarvadvai rāthantaraṃ rūpaṃ svarṇidhanaṃ bārhatam
- 15
स्वर्णिधनं भवति तथा ह्य् एतस्याह्नो रूपम्
svarṇidhanaṃ bhavati tathā hy etasyāhno rūpam
- 16
प्लवौ वा एताव् उपोहन्ते स्वर्गस्य लोकस्य समष्ट्यै
plavau vā etāv upohante svargasya lokasya samaṣṭyai
- 17
गौरीवितं भवति यद् एव गौरीवितस्य ब्राह्मणम्
gaurīvitaṃ bhavati yad eva gaurīvitasya brāhmaṇam
- 18
क्रौञ्चं भवति
krauñcaṃ bhavati
- 19
वाग्वै क्रौञ्चं वाग्द्वादशाहो वाच्य् एव तद्वाचा स्तुवते यज्ञस्य प्रभूत्यै
vāgvai krauñcaṃ vāgdvādaśāho vācy eva tadvācā stuvate yajñasya prabhūtyai
- 20
यामं भवति
yāmaṃ bhavati
- 21
एतेन वै यमो ऽनपजय्यम् अमुष्य लोकस्याधिपत्यम् आश्नुतानपजय्यम् अमुष्य लोकस्याधिपत्यम् अश्नुते यामेन तुष्टुवानः
etena vai yamo 'napajayyam amuṣya lokasyādhipatyam āśnutānapajayyam amuṣya lokasyādhipatyam aśnute yāmena tuṣṭuvānaḥ
- 22
एतेन वै यमी यमं स्वर्गं लोकम् अगमयत्स्वर्गस्य लोकस्यानुख्यात्यै स्वर्गाल्लोकान्न च्यवते तुष्टुवानः स्तोमः
etena vai yamī yamaṃ svargaṃ lokam agamayatsvargasya lokasyānukhyātyai svargāllokānna cyavate tuṣṭuvānaḥ stomaḥ

