7 shlokas
- 1
स्तोमो युज्यते सत्त्रियेभ्यो ऽहर्भ्यः प्रत्नवतीभिश्चोपवतीभिश्च
stomo yujyate sattriyebhyo 'harbhyaḥ pratnavatībhiścopavatībhiśca
- 2
यत्प्रत्नवत्यो उपवतीभ्यः पूर्वा युज्यन्ते ब्रह्म तत्पूर्वं क्षत्राद्युज्यते ब्रह्म हि पूर्वं क्षत्रात्
yatpratnavatyo upavatībhyaḥ pūrvā yujyante brahma tatpūrvaṃ kṣatrādyujyate brahma hi pūrvaṃ kṣatrāt
- 3
मनस्तत्पूर्वं वाचो युज्यते मनो हि पूर्वं वाचो यद्धि मनसाभिगच्छति तद्वाचा वदति
manastatpūrvaṃ vāco yujyate mano hi pūrvaṃ vāco yaddhi manasābhigacchati tadvācā vadati
- 4
बृहत्तत्पूर्वं रथन्तराद्युज्यते बृहद्धि पूर्वं रथन्तराद्विजित्या तु वै रथन्तरं पूर्वं योगम् आनशे
bṛhattatpūrvaṃ rathantarādyujyate bṛhaddhi pūrvaṃ rathantarādvijityā tu vai rathantaraṃ pūrvaṃ yogam ānaśe
- 5
संभार्यास्तृचा भवन्ति यथाशिष्ठान्वहिष्ठान्संभरेद् एवम् एवैतान्संभरन्ति गत्यै
saṃbhāryāstṛcā bhavanti yathāśiṣṭhānvahiṣṭhānsaṃbhared evam evaitānsaṃbharanti gatyai
- 6
नव भवन्ति नवाहस्य युक्त्या ऋचर्चैवाहर्युनक्ति यथा प्रार्थस्य शम्या अवदध्याद् एवम् एवैतन्नवाहस्य शम्या अवदधाति गत्यै
nava bhavanti navāhasya yuktyā ṛcarcaivāharyunakti yathā prārthasya śamyā avadadhyād evam evaitannavāhasya śamyā avadadhāti gatyai
- 7
त्रिवृद् एव स्तोमो भवति तेजसे ब्रह्मवर्चसाय
trivṛd eva stomo bhavati tejase brahmavarcasāya

