11 shlokas
- 1
प्र सोमासो विपश्चित इति गायत्री भवति प्रेत्या अभि द्रोणानि बभ्रव इत्य् अभिक्रान्त्यै सुता इन्द्राय वायव इति संस्कृत्यै प्र सोम देव वीतय इति प्रेत्यै प्र तु द्रवेति प्रेत्यै प्र वा एतेनाह्ना यन्ति
pra somāso vipaścita iti gāyatrī bhavati pretyā abhi droṇāni babhrava ity abhikrāntyai sutā indrāya vāyava iti saṃskṛtyai pra soma deva vītaya iti pretyai pra tu draveti pretyai pra vā etenāhnā yanti
- 2
गायत्रं भवति
gāyatraṃ bhavati
- 3
यद् एव गायत्रस्य ब्राह्मणम्
yad eva gāyatrasya brāhmaṇam
- 4
आश्वं भवति
āśvaṃ bhavati
- 5
अश्वो वै भूत्वा प्रजापतिः प्रजा असृजत स प्राजायत बहुर् अभवत्प्रजायते बहुर्भवत्य् आश्वेन तुष्टुवानः
aśvo vai bhūtvā prajāpatiḥ prajā asṛjata sa prājāyata bahur abhavatprajāyate bahurbhavaty āśvena tuṣṭuvānaḥ
- 6
एकाक्षरं निधनम् उपयन्ति रथन्तरस्यानतिवादाय
ekākṣaraṃ nidhanam upayanti rathantarasyānativādāya
- 7
अनतिवाद्येनं भ्रातृव्यो भवति य एवं वेद
anativādyenaṃ bhrātṛvyo bhavati ya evaṃ veda
- 8
सोमसाम भवति
somasāma bhavati
- 9
यथा वा इमा अन्या ओषधयः एवं सोम आसीत्स तपो ऽतप्यत स एतत्सोमसामापश्यत्तेन राज्यमाधिपत्यम् अगच्छद्यशो ऽभवद्राज्यम् आधिपत्यं गच्छति यशो भवति सोमसाम्ना तुष्टुवानः
yathā vā imā anyā oṣadhayaḥ evaṃ soma āsītsa tapo 'tapyata sa etatsomasāmāpaśyattena rājyamādhipatyam agacchadyaśo 'bhavadrājyam ādhipatyaṃ gacchati yaśo bhavati somasāmnā tuṣṭuvānaḥ
- 10
यौधाजयं भवति यद् एव यौधाजयस्य ब्राह्मणम्
yaudhājayaṃ bhavati yad eva yaudhājayasya brāhmaṇam
- 11
औशनं यद् औशनस्य स्तोमः
auśanaṃ yad auśanasya stomaḥ

