29 shlokas
- 1
अथातस्तृतीये वर्षे चूडाकरणम्
athātastṛtīye varṣe cūḍākaraṇam
- 2
पुरस्ताच्छालाया उपलिप्ते ऽग्निर् उपसमाहितो भवति
purastācchālāyā upalipte 'gnir upasamāhito bhavati
- 3
तत्रैतान्य् उपकॢप्तानि भवन्ति
tatraitāny upakḷptāni bhavanti
- 4
एकविंशतिर्दर्भपिञ्जूल्य उष्णोदककंस औदुम्बरः क्षुर आदर्शो वा क्षुरपाणिर्नापित इति दक्षिणतः
ekaviṃśatirdarbhapiñjūlya uṣṇodakakaṃsa audumbaraḥ kṣura ādarśo vā kṣurapāṇirnāpita iti dakṣiṇataḥ
- 5
आनडुहो गोमयः कृसरः स्थालीपाको वृथापक्व इत्य् उत्तरतः
ānaḍuho gomayaḥ kṛsaraḥ sthālīpāko vṛthāpakva ity uttarataḥ
- 6
व्रीहियवैस्तिलमाषैर् इति पृथक्पात्राणि पूरयित्वा पुरस्ताद् उपनिदध्युः
vrīhiyavaistilamāṣair iti pṛthakpātrāṇi pūrayitvā purastād upanidadhyuḥ
- 7
कृसरो नापिताय सर्वबीजानि चेति
kṛsaro nāpitāya sarvabījāni ceti
- 8
अथ माता शुचिना वसनेन कुमारम् आच्छाद्य पश्चाद् अग्नेर् उदगग्रेषु दर्भेषु प्राच्य् उपविशति
atha mātā śucinā vasanena kumāram ācchādya paścād agner udagagreṣu darbheṣu prācy upaviśati
- 9
अथ यस्तत्करिष्यन्भवति पश्चात्प्राङ् अवतिष्ठते
atha yastatkariṣyanbhavati paścātprāṅ avatiṣṭhate
- 10
अथ जपत्य् आयम् अगात्सविता क्षुरेणेति सवितारं मनसा ध्यायन्नापितं प्रेक्षमाणः
atha japaty āyam agātsavitā kṣureṇeti savitāraṃ manasā dhyāyannāpitaṃ prekṣamāṇaḥ
- 11
उष्णेन वाय उदकेनैधीति वायुं मनसा ध्यायन्न् उष्णोदककंसं प्रेक्षमाणः
uṣṇena vāya udakenaidhīti vāyuṃ manasā dhyāyann uṣṇodakakaṃsaṃ prekṣamāṇaḥ
- 12
दक्षिणेन पाणिनाप आदाय दक्षिणां कपुष्णिकाम् उन्दत्य् आप उन्दन्तु जीवस इति
dakṣiṇena pāṇināpa ādāya dakṣiṇāṃ kapuṣṇikām undaty āpa undantu jīvasa iti
- 13
विष्णोर्दंष्ट्रो ऽसीत्य् औदुम्बरं क्षुरं प्रेक्षत आदर्शं वा
viṣṇordaṃṣṭro 'sīty audumbaraṃ kṣuraṃ prekṣata ādarśaṃ vā
- 14
ओषधे त्रायस्वैनम् इति सप्त दर्भपिञ्जूलीर्दक्षिणायां कपुष्णिकायाम् अभिशिरोऽग्रा निदधाति
oṣadhe trāyasvainam iti sapta darbhapiñjūlīrdakṣiṇāyāṃ kapuṣṇikāyām abhiśiro'grā nidadhāti
- 15
ता वामेन पाणिना निगृह्य दक्षिणेन पाणिनौदुम्बरं क्षुरं गृहीत्वादर्शं वाभिनिदधाति स्वधिते मैनं हिंसीर् इति
tā vāmena pāṇinā nigṛhya dakṣiṇena pāṇinaudumbaraṃ kṣuraṃ gṛhītvādarśaṃ vābhinidadhāti svadhite mainaṃ hiṃsīr iti
- 16
येन पूषा बृहस्पतेर् इति त्रिः प्राञ्चं प्रोहत्य् अप्रच्छिन्दन्सकृद्यजुषा द्विस्तूष्णीम्
yena pūṣā bṛhaspater iti triḥ prāñcaṃ prohaty apracchindansakṛdyajuṣā dvistūṣṇīm
- 17
अथायसेन प्रच्छिद्यानडुहे गोमये निदधाति
athāyasena pracchidyānaḍuhe gomaye nidadhāti
- 18
एतयैवावृता कपुच्छलम्
etayaivāvṛtā kapucchalam
- 19
एतयोत्तरां कपुष्णिकाम्
etayottarāṃ kapuṣṇikām
- 20
उन्दनप्रभृति त्वेवाभिनिवर्तयेत्
undanaprabhṛti tvevābhinivartayet
- 21
उभाभ्यां पाणिभ्यां मूर्धानं परिगृह्य जपेत्त्र्यायुषं जमदग्नेर् इति
ubhābhyāṃ pāṇibhyāṃ mūrdhānaṃ parigṛhya japettryāyuṣaṃ jamadagner iti
- 22
एतयैवावृता स्त्रियाः
etayaivāvṛtā striyāḥ
- 23
तूष्णीम्
tūṣṇīm
- 24
मन्त्रेण तु होमः
mantreṇa tu homaḥ
- 25
उदङ्ङ् अग्नेर् उत्सृप्य कुशलीकारयन्ति यथागोत्रकुलकल्पम्
udaṅṅ agner utsṛpya kuśalīkārayanti yathāgotrakulakalpam
- 26
आनडुहे गोमये केशान्कृत्वारण्यं हृत्वा निखनन्ति
ānaḍuhe gomaye keśānkṛtvāraṇyaṃ hṛtvā nikhananti
- 27
स्तम्बे हैके निदधति
stambe haike nidadhati
- 28
यथार्थम्
yathārtham
- 29
गौर्दक्षिणा
gaurdakṣiṇā

