50 shlokas
- 1
गर्भाष्टमेषु ब्राह्मणम् उपनयेत्
garbhāṣṭameṣu brāhmaṇam upanayet
- 2
गर्भैकादशेषु क्षत्रियं
garbhaikādaśeṣu kṣatriyaṃ
- 3
गर्भद्वादशेषु वैश्यम्
garbhadvādaśeṣu vaiśyam
- 4
आ षोडशाद्वर्षाद्ब्राह्मणस्यानतीतः कालो भवत्य् आ द्वाविंशात्क्षत्रियस्या चतुर्विंशाद्वैश्यस्य
ā ṣoḍaśādvarṣādbrāhmaṇasyānatītaḥ kālo bhavaty ā dvāviṃśātkṣatriyasyā caturviṃśādvaiśyasya
- 5
अत ऊर्ध्वं पतितसावित्रीका भवन्ति
ata ūrdhvaṃ patitasāvitrīkā bhavanti
- 6
नैनान् उपनयेयुर्नाध्यापयेयुर्न याजयेयुर्नैभिर्विवहेयुः
nainān upanayeyurnādhyāpayeyurna yājayeyurnaibhirvivaheyuḥ
- 7
यद् अहर् उपैष्यन्माणवको भवति प्रग एवैनं तद् अहर्भोजयन्ति कुशलीकारयन्त्य् आप्लावयन्त्य् अलंकुर्वन्त्य् अहतेन वाससाच्छादयन्ति
yad ahar upaiṣyanmāṇavako bhavati praga evainaṃ tad aharbhojayanti kuśalīkārayanty āplāvayanty alaṃkurvanty ahatena vāsasācchādayanti
- 8
क्षौमशाणकार्पासौर्णान्य् एषां वसनानि
kṣaumaśāṇakārpāsaurṇāny eṣāṃ vasanāni
- 9
ऐणेयरौरवाजान्य् अजिनानि
aiṇeyarauravājāny ajināni
- 10
मुञ्जकाशताम्बल्यो रशनाः
muñjakāśatāmbalyo raśanāḥ
- 11
पार्णबैल्वाश्वत्था दण्डाः
pārṇabailvāśvatthā daṇḍāḥ
- 12
क्षौमं शाणं वा वसनं ब्राह्मणस्य कार्पासं क्षत्रियस्याविकं वैश्यस्य
kṣaumaṃ śāṇaṃ vā vasanaṃ brāhmaṇasya kārpāsaṃ kṣatriyasyāvikaṃ vaiśyasya
- 13
एतेनैवेतराणि द्रव्याणि व्याख्यातानि
etenaivetarāṇi dravyāṇi vyākhyātāni
- 14
अलाभे वा सर्वाणि सर्वेषाम्
alābhe vā sarvāṇi sarveṣām
- 15
पुरस्ताच्छालाया उपलिप्ते ऽग्निर् उपसमाहितो भवति
purastācchālāyā upalipte 'gnir upasamāhito bhavati
- 16
अग्ने व्रतपत इति हुत्वा पश्चाद् अग्नेर् उदगग्रेषु दर्भेषु प्राङ् आचार्यो ऽवतिष्ठते
agne vratapata iti hutvā paścād agner udagagreṣu darbheṣu prāṅ ācāryo 'vatiṣṭhate
- 17
अन्तरेणाग्न्याचार्यौ माणवको ऽञ्जलिकृतो ऽभिमुख आचार्यम् उदगग्रेषु दर्भेषु
antareṇāgnyācāryau māṇavako 'ñjalikṛto 'bhimukha ācāryam udagagreṣu darbheṣu
- 18
तस्य दक्षिणतो ऽवस्थाय मन्त्रवान्ब्राह्मणो ऽपाम् अञ्जलिं पूरयति
tasya dakṣiṇato 'vasthāya mantravānbrāhmaṇo 'pām añjaliṃ pūrayati
- 19
उपरिष्टाच्चाचार्यस्य
upariṣṭāccācāryasya
- 20
प्रेक्षमाणो जपत्य् आगन्त्रा सम् अगन्महीति
prekṣamāṇo japaty āgantrā sam aganmahīti
- 21
ब्रह्मचर्यम् आगाम् इति वाचयति
brahmacaryam āgām iti vācayati
- 22
को नामासीति नामधेयं पृच्छति तस्याचार्यः
ko nāmāsīti nāmadheyaṃ pṛcchati tasyācāryaḥ
- 23
अभिवादनीयं नामधेयं कल्पयित्वा
abhivādanīyaṃ nāmadheyaṃ kalpayitvā
- 24
देवताश्रयं वा नक्षत्राश्रयं वा
devatāśrayaṃ vā nakṣatrāśrayaṃ vā
- 25
गोत्राश्रयम् अप्य् एके
gotrāśrayam apy eke
- 26
उत्सृज्यापाम् अञ्जलिम् आचार्यो दक्षिणेन पाणिना दक्षिणं पाणिं साङ्गुष्ठं गृह्णाति देवस्य ते सवितुः प्रसवे ऽश्विनोर्बाहुभ्यां पूष्णो हस्ताभ्यां हस्तं गृह्णाम्य् असाव् इति
utsṛjyāpām añjalim ācāryo dakṣiṇena pāṇinā dakṣiṇaṃ pāṇiṃ sāṅguṣṭhaṃ gṛhṇāti devasya te savituḥ prasave 'śvinorbāhubhyāṃ pūṣṇo hastābhyāṃ hastaṃ gṛhṇāmy asāv iti
- 27
अथैनं प्रदक्षिणम् आवर्तयति सूर्यस्यावृतम् अन्वावर्तस्वासाव् इति
athainaṃ pradakṣiṇam āvartayati sūryasyāvṛtam anvāvartasvāsāv iti
- 28
दक्षिणेन पाणिना दक्षिणम् अंसम् अन्ववमृश्यानन्तर्हितां नाभिम् अभिमृशेत्प्राणानां ग्रन्थिर् असीति
dakṣiṇena pāṇinā dakṣiṇam aṃsam anvavamṛśyānantarhitāṃ nābhim abhimṛśetprāṇānāṃ granthir asīti
- 29
उत्सृप्य नाभिदेशम् अहुर इति
utsṛpya nābhideśam ahura iti
- 30
उत्सृप्य हृदयदेशं कृशन इति
utsṛpya hṛdayadeśaṃ kṛśana iti

