23 shlokas
- 1
अथ सीमन्तकरणं प्रथमगर्भे
atha sīmantakaraṇaṃ prathamagarbhe
- 2
चतुर्थे मासि षष्ठे ऽष्टमे वा
caturthe māsi ṣaṣṭhe 'ṣṭame vā
- 3
प्रातः सशिरस्काप्लुतोदगग्रेषु दर्भेषु पश्चाद् अग्नेर् उदगग्रेषु दर्भेषु प्राच्य् उपविशति
prātaḥ saśiraskāplutodagagreṣu darbheṣu paścād agner udagagreṣu darbheṣu prācy upaviśati
- 4
पश्चात्पतिर् अवस्थाय युग्मन्तम् औदुम्बरं शलाटुग्रथ्नम् आबध्नात्य् अयम् ऊर्जावतो वृक्ष इति
paścātpatir avasthāya yugmantam audumbaraṃ śalāṭugrathnam ābadhnāty ayam ūrjāvato vṛkṣa iti
- 5
अथ सीमन्तम् ऊर्ध्वम् उन्नयति भूर् इति दर्भपिञ्जूलीभिर् एव प्रथमं भुवर् इति द्वितीयं स्वर् इति तृतीयम्
atha sīmantam ūrdhvam unnayati bhūr iti darbhapiñjūlībhir eva prathamaṃ bhuvar iti dvitīyaṃ svar iti tṛtīyam
- 6
अथ वीरतरेण येनादितेर् इत्य् एतयर्चा
atha vīratareṇa yenāditer ity etayarcā
- 7
अथ पूर्णचात्त्रेण राकाम् अहम् इत्येतयर्चा
atha pūrṇacāttreṇa rākām aham ityetayarcā
- 8
त्रिःश्वेतया च शलल्या यास्ते राके सुमतय इति
triḥśvetayā ca śalalyā yāste rāke sumataya iti
- 9
कृसरः स्थालीपाक उत्तरघृतस्तम् अवेक्षयेत्
kṛsaraḥ sthālīpāka uttaraghṛtastam avekṣayet
- 10
किं पश्यसीत्युक्त्वा प्रजाम् इति वाचयेत्
kiṃ paśyasītyuktvā prajām iti vācayet
- 11
तं सा स्वयं भुञ्जीत
taṃ sā svayaṃ bhuñjīta
- 12
वीरसूर्जीवसूर्जीवपत्नीति ब्राह्मण्यो मङ्गल्याभिर्वाग्भिर् उपासीरन्
vīrasūrjīvasūrjīvapatnīti brāhmaṇyo maṅgalyābhirvāgbhir upāsīran
- 13
अथ सोष्यन्तीहोमः
atha soṣyantīhomaḥ
- 14
प्रतिष्ठिते वस्तौ परिस्तीर्याग्निम् आज्याहुती जुहोति या तिरश्चीत्य् एतयर्चा विपश्चित्पुच्छम् अभरद् इति च
pratiṣṭhite vastau paristīryāgnim ājyāhutī juhoti yā tiraścīty etayarcā vipaścitpuccham abharad iti ca
- 15
पुमान् अयं जनिष्यते ऽसौ नामेति नामधेयं गृह्णाति
pumān ayaṃ janiṣyate 'sau nāmeti nāmadheyaṃ gṛhṇāti
- 16
यत्तद्गुह्यम् एव भवति
yattadguhyam eva bhavati
- 17
यदास्मै कुमारं जातम् आचक्षीरन्न् अथ ब्रूयात्काङ्क्षत नाभिकृन्तनेन स्तनप्रतिधानेन चेति
yadāsmai kumāraṃ jātam ācakṣīrann atha brūyātkāṅkṣata nābhikṛntanena stanapratidhānena ceti
- 18
व्रीहियवौ पेषयेत्तयैवावृता यया शुङ्गाम्
vrīhiyavau peṣayettayaivāvṛtā yayā śuṅgām
- 19
दक्षिणस्य पाणेर् अङ्गुष्ठेनोपकनिष्ठिकया चाङ्गुल्याभिसंगृह्य कुमारस्य जिह्वायां निमार्ष्टीयम् आज्ञेति
dakṣiṇasya pāṇer aṅguṣṭhenopakaniṣṭhikayā cāṅgulyābhisaṃgṛhya kumārasya jihvāyāṃ nimārṣṭīyam ājñeti
- 20
तथैव मेधाजननं सर्पिः प्राशयेत्
tathaiva medhājananaṃ sarpiḥ prāśayet
- 21
जातरूपेण वादाय कुमारस्य मुखे जुहोति मेधां ते मित्रावरुणाव् इत्येतयर्चा सदसस्पतिम् अद्भुतम् इति च
jātarūpeṇa vādāya kumārasya mukhe juhoti medhāṃ te mitrāvaruṇāv ityetayarcā sadasaspatim adbhutam iti ca
- 22
कृन्तत नाभिम् इति ब्रूयात्स्तनं च प्रतिधत्तेति
kṛntata nābhim iti brūyātstanaṃ ca pratidhatteti
- 23
अत ऊर्ध्वम् असमालम्भनम् आ दशरात्रात्
ata ūrdhvam asamālambhanam ā daśarātrāt

