12 shlokas
- 1
तृतीयस्य गर्भमासस्यादिसदेशे पुंसवनस्य कालः
tṛtīyasya garbhamāsasyādisadeśe puṃsavanasya kālaḥ
- 2
प्रातः सशिरस्काप्लुतोदगग्रेषु दर्भेषु पश्चाद् अग्नेर् उदगग्रेषु दर्भेषु प्राच्य् उपविशति
prātaḥ saśiraskāplutodagagreṣu darbheṣu paścād agner udagagreṣu darbheṣu prācy upaviśati
- 3
पश्चात्पतिर् अवस्थाय दक्षिणेन पाणिना दक्षिणम् अंसम् अन्ववमृश्यानन्तर्हितं नाभिदेशम् अभिमृशेत्पुमांसौ मित्रावरुणावित्येतयर्चा
paścātpatir avasthāya dakṣiṇena pāṇinā dakṣiṇam aṃsam anvavamṛśyānantarhitaṃ nābhideśam abhimṛśetpumāṃsau mitrāvaruṇāvityetayarcā
- 4
अथ यथार्थम्
atha yathārtham
- 5
अथापरम्
athāparam
- 6
प्रागुदीच्यां दिशि न्यग्रोधशुङ्गाम् उभयतःफलाम् अस्रामाम् अकृमिपरिसृप्तां त्रिःसप्तैर्यवैर्माषैर्वा परिक्रीयोत्थापयेत्
prāgudīcyāṃ diśi nyagrodhaśuṅgām ubhayataḥphalām asrāmām akṛmiparisṛptāṃ triḥsaptairyavairmāṣairvā parikrīyotthāpayet
- 7
यद्यसि सौमी सोमाय त्वा राज्ञे परिक्रीणामि यद्य् असि वारुणी वरुणाय त्वा राज्ञे परिक्रीणामि यद्य् असि वसुभ्यो वसुभ्यस्त्वा परिक्रीणामि यद्यसि रुद्रेभ्यो रुद्रेभ्यस्त्वा परिक्रीणामि यद्य् अस्य् आदित्येभ्य आदित्येभ्यस्त्वा परिक्रीणामि यद्य् असि मरुद्भ्यो मरुद्भ्यस्त्वा परिक्रीणामि यद्यसि विश्वेभ्यो देवेभ्यो विश्वेभ्यस्त्वा देवेभ्यः परिक्रीणामि
yadyasi saumī somāya tvā rājñe parikrīṇāmi yady asi vāruṇī varuṇāya tvā rājñe parikrīṇāmi yady asi vasubhyo vasubhyastvā parikrīṇāmi yadyasi rudrebhyo rudrebhyastvā parikrīṇāmi yady asy ādityebhya ādityebhyastvā parikrīṇāmi yady asi marudbhyo marudbhyastvā parikrīṇāmi yadyasi viśvebhyo devebhyo viśvebhyastvā devebhyaḥ parikrīṇāmi
- 8
ओषधयः सुमनसो भूत्वास्यां वीर्यं समाधत्तेयं कर्म करिष्यतीत्युत्थाप्य तृणैः परिधायाहृत्य वैहायसीं निदध्यात्
oṣadhayaḥ sumanaso bhūtvāsyāṃ vīryaṃ samādhatteyaṃ karma kariṣyatītyutthāpya tṛṇaiḥ paridhāyāhṛtya vaihāyasīṃ nidadhyāt
- 9
दृषदं प्रक्षाल्य ब्रह्मचारी व्रतवती वा ब्रह्मबन्धुः कुमारी वाप्रत्याहरन्ती पिनष्टि
dṛṣadaṃ prakṣālya brahmacārī vratavatī vā brahmabandhuḥ kumārī vāpratyāharantī pinaṣṭi
- 10
प्रातः सशिरस्काप्लुतोदगग्रेषु दर्भेषु पश्चाद् अग्नेर् उदगग्रेषु दर्भेषु प्राक्शिराः संविशति
prātaḥ saśiraskāplutodagagreṣu darbheṣu paścād agner udagagreṣu darbheṣu prākśirāḥ saṃviśati
- 11
पश्चात्पतिर् अवस्थाय दक्षिणस्य पाणेर् अङ्गुष्ठेनोपकनिष्ठिकया चाङ्गुल्याभिसंगृह्य दक्षिणे नासिकास्रोतस्यवनयेत्पुमान् अग्निः पुमान् इन्द्र इत्येतयर्चा
paścātpatir avasthāya dakṣiṇasya pāṇer aṅguṣṭhenopakaniṣṭhikayā cāṅgulyābhisaṃgṛhya dakṣiṇe nāsikāsrotasyavanayetpumān agniḥ pumān indra ityetayarcā
- 12
अथ यथार्थम्
atha yathārtham

