4 shlokas
- 288
भवन्ति चात्र
इति सर्वविकाराणामुक्तमेतच्चिकित्सितम्
स्थानमेतद्धि तन्त्रस्य रहस्यं परमुत्तमम्
bhavanti cātra
iti sarvavikārāṇāmuktametaccikitsitam
sthānametaddhi tantrasya rahasyaṃ paramuttamam
- 289
अस्मिन्सप्तदशाध्यायाः कल्पाः सिद्धय एव च
नासाद्यन्ते ऽग्निवेशस्य तन्त्रे चरकसंस्कृते
asminsaptadaśādhyāyāḥ kalpāḥ siddhaya eva ca
nāsādyante 'gniveśasya tantre carakasaṃskṛte
- 290
तानेतान्कापिलबलिः शेषान्दृढबलो ऽकरोत्
तन्त्रस्यास्य महार्थस्य पूरणार्थं यथातथम्
tānetānkāpilabaliḥ śeṣāndṛḍhabalo 'karot
tantrasyāsya mahārthasya pūraṇārthaṃ yathātatham
- 291
रोगा ये ऽप्यत्र नोद्दिष्टा बहुत्वान्नामरूपतः
तेषामप्येतदेव स्याद्दोषादीन्वीक्ष्य भेषजम्
rogā ye 'pyatra noddiṣṭā bahutvānnāmarūpataḥ
teṣāmapyetadeva syāddoṣādīnvīkṣya bheṣajam

