13 shlokas
- 1
मासिश्राद्धस्यापरपक्षे यथोपदेशं कालाः
māsiśrāddhasyāparapakṣe yathopadeśaṃ kālāḥ
- 2
शुचीन्मन्त्रवतो योनिगोत्रमन्त्रासम्बन्धान् अयुग्मांस्त्र्यवरान् अनर्थावेक्षो भोजयेत्
śucīnmantravato yonigotramantrāsambandhān ayugmāṃstryavarān anarthāvekṣo bhojayet
- 3
अन्नस्योत्तराभिर्जुहोति
annasyottarābhirjuhoti
- 4
आज्याहुतीर् उत्तराः
ājyāhutīr uttarāḥ
- 5
एतद्वा विपरीतम्
etadvā viparītam
- 6
सर्वम् उत्तरैर् अभिमृशेत्
sarvam uttarair abhimṛśet
- 7
कॢप्तान्वा प्रतिपूरुषम्
kḷptānvā pratipūruṣam
- 8
उत्तरेण यजुषोपस्पर्शयित्वा
uttareṇa yajuṣopasparśayitvā
- 9
भुक्तवतो ऽनुव्रज्य प्रदक्षिणीकृत्य द्वैधं दक्षिणाग्रान्दर्भान्संस्तीर्य तेषूत्तरैर् अपो दत्त्वोत्तरैर्दक्षिणापवर्गान्पिण्डान्दत्त्वा पूर्ववद् उत्तरैर् अपो दत्त्वोत्तरैर् उपस्थायोत्तरयोदपात्रेण त्रिः प्रसव्यं परिषिच्य न्युब्ज्य पात्राण्य् उत्तरं यजुर् अनवानं त्र्यवरार्ध्यम् आवर्तयित्वा प्रोक्ष्य पात्राणि द्वन्द्वम् अभ्य् उदाहृत्य सर्वतः समवदायोत्तरेण यजुषाशेषस्य ग्रासावरार्ध्यं प्राश्नीयात्
bhuktavato 'nuvrajya pradakṣiṇīkṛtya dvaidhaṃ dakṣiṇāgrāndarbhānsaṃstīrya teṣūttarair apo dattvottarairdakṣiṇāpavargānpiṇḍāndattvā pūrvavad uttarair apo dattvottarair upasthāyottarayodapātreṇa triḥ prasavyaṃ pariṣicya nyubjya pātrāṇy uttaraṃ yajur anavānaṃ tryavarārdhyam āvartayitvā prokṣya pātrāṇi dvandvam abhy udāhṛtya sarvataḥ samavadāyottareṇa yajuṣāśeṣasya grāsāvarārdhyaṃ prāśnīyāt
- 10
या माघ्याः पौर्णमास्या उपरिष्टाद्व्यष्टका तस्याम् अष्टमी ज्येष्ठया सम्पद्यते ताम् एकाष्टकेत्य् आचक्षते
yā māghyāḥ paurṇamāsyā upariṣṭādvyaṣṭakā tasyām aṣṭamī jyeṣṭhayā sampadyate tām ekāṣṭakety ācakṣate
- 11
तस्याः सायम् औपकार्यम्
tasyāḥ sāyam aupakāryam
- 12
अपूपं चतुःशरावं श्रपयति
apūpaṃ catuḥśarāvaṃ śrapayati
- 13
अष्टाकपाल इत्य् एके
aṣṭākapāla ity eke

