13 shlokas
- 1
जातं वात्सप्रेणाभिमृश्योत्तरेण यजुषोपस्थ आधायोत्तराभ्याम् अभिमन्त्रणं मूर्धन्यवघ्राणं दक्षिणे कर्णे जापः
jātaṃ vātsapreṇābhimṛśyottareṇa yajuṣopastha ādhāyottarābhyām abhimantraṇaṃ mūrdhanyavaghrāṇaṃ dakṣiṇe karṇe jāpaḥ
- 2
नक्षत्रनाम च निर्दिशति
nakṣatranāma ca nirdiśati
- 3
तद्रहस्यं भवति
tadrahasyaṃ bhavati
- 4
मधु घृतमिति संसृज्य तस्मिन्दर्भेण हिरण्यं निष्टर्क्यं बद्ध्वावदायोत्तरैर्मन्त्रैः कुमारं प्राशयित्वोत्तराभिः पञ्चभिः स्नापयित्वा दधि घृतमिति संसृज्य कांस्येन पृषदाज्यं व्याहृतीभिर् ओङ्कारचतुर्थाभिः कुमारं प्राशयित्वाद्भिः शेषं संसृज्य गोष्ठे निनयेत्
madhu ghṛtamiti saṃsṛjya tasmindarbheṇa hiraṇyaṃ niṣṭarkyaṃ baddhvāvadāyottarairmantraiḥ kumāraṃ prāśayitvottarābhiḥ pañcabhiḥ snāpayitvā dadhi ghṛtamiti saṃsṛjya kāṃsyena pṛṣadājyaṃ vyāhṛtībhir oṅkāracaturthābhiḥ kumāraṃ prāśayitvādbhiḥ śeṣaṃ saṃsṛjya goṣṭhe ninayet
- 5
उत्तरया मातुरुपस्थ आधायोत्तरया दक्षिणं स्तनं प्रतिधाप्योत्तराभ्यां पृथिवीमभिमृश्योत्तरेण यजुषा संविष्टम्
uttarayā māturupastha ādhāyottarayā dakṣiṇaṃ stanaṃ pratidhāpyottarābhyāṃ pṛthivīmabhimṛśyottareṇa yajuṣā saṃviṣṭam
- 6
उत्तरेण यजुषा शिरस्त उदकुम्भं निधाय सर्षपान्फलीकरणमिश्रान् अञ्जलिनोत्तरैस्त्रिस्त्रिः प्रतिस्वाहाकारं हुत्वा संशास्ति प्रविष्टे प्रविष्ट एव तूष्णीमग्नावावपतेति
uttareṇa yajuṣā śirasta udakumbhaṃ nidhāya sarṣapānphalīkaraṇamiśrān añjalinottaraistristriḥ pratisvāhākāraṃ hutvā saṃśāsti praviṣṭe praviṣṭa eva tūṣṇīmagnāvāvapateti
- 7
एवम् अहर् अहर् आ निर्दशतायाः
evam ahar ahar ā nirdaśatāyāḥ
- 8
दशम्यामुत्थितायां स्नातायां पुत्रस्य नाम दधाति पिता मातेति
daśamyāmutthitāyāṃ snātāyāṃ putrasya nāma dadhāti pitā māteti
- 9
द्व्यक्षरं चतुरक्षरं वा नामपूर्वम् आख्यातोत्तरं दीर्घाभिनिष्ठानान्तं घोषवदाद्यन्तरन्तस्थम्
dvyakṣaraṃ caturakṣaraṃ vā nāmapūrvam ākhyātottaraṃ dīrghābhiniṣṭhānāntaṃ ghoṣavadādyantarantastham
- 10
अपि वा यस्मिन्स्वित्युपसर्गः स्यात्तद्धि प्रतिष्ठितमिति हि ब्राह्मणम्
api vā yasminsvityupasargaḥ syāttaddhi pratiṣṭhitamiti hi brāhmaṇam
- 11
अयुजाक्षरं कुमार्याः
ayujākṣaraṃ kumāryāḥ
- 12
प्रवासादेत्य पुत्रस्योत्तराभ्यामभिमन्त्रणं मूर्धन्यवघ्राणं दक्षिणे कर्ण उत्तरान्मन्त्रान्जपेत्
pravāsādetya putrasyottarābhyāmabhimantraṇaṃ mūrdhanyavaghrāṇaṃ dakṣiṇe karṇa uttarānmantrānjapet
- 13
कुमारीमुत्तरेण यजुषाभिमन्त्रयते
kumārīmuttareṇa yajuṣābhimantrayate

