20 shlokas
- 1
अथैतद् अपरं तूष्णीम् एव तीर्थे स्नात्वा तूष्णीं समिधम् आदधाति
athaitad aparaṃ tūṣṇīm eva tīrthe snātvā tūṣṇīṃ samidham ādadhāti
- 2
यत्रास्मा अपचितिं कुर्वन्ति तत्कूर्च उपविशति यथापुरस्तात्
yatrāsmā apacitiṃ kurvanti tatkūrca upaviśati yathāpurastāt
- 3
एवम् उत्तराभ्यां यथालिङ्गं राजा स्थपतिश्च
evam uttarābhyāṃ yathāliṅgaṃ rājā sthapatiśca
- 4
आपः पाद्या इति प्राह
āpaḥ pādyā iti prāha
- 5
उत्तरयाभिमन्त्र्य दक्षिणं पादं पूर्वं ब्राह्मणाय प्रयच्छेत्सव्यं शूद्राय
uttarayābhimantrya dakṣiṇaṃ pādaṃ pūrvaṃ brāhmaṇāya prayacchetsavyaṃ śūdrāya
- 6
प्रक्षालयितारम् उपस्पृश्योत्तरेण यजुषात्मानं प्रत्यभिमृशेत्
prakṣālayitāram upaspṛśyottareṇa yajuṣātmānaṃ pratyabhimṛśet
- 7
कूर्चाभ्यां परिगृह्य मृन्मयेनार्हणीया आप इति प्राह
kūrcābhyāṃ parigṛhya mṛnmayenārhaṇīyā āpa iti prāha
- 8
उत्तरयाभिमन्त्र्याञ्जलाव् एकदेश आनीयमान उत्तरं यजुर्जपेत्
uttarayābhimantryāñjalāv ekadeśa ānīyamāna uttaraṃ yajurjapet
- 9
शेषं पुरस्तान्निनीयमानम् उत्तरयानुमन्त्रयते
śeṣaṃ purastānninīyamānam uttarayānumantrayate
- 10
दधि मध्व् इति संसृज्य कांस्येन वर्षीयसा पिधाय कूर्चाभ्यां परिगृह्य मधुपर्क इति प्राह
dadhi madhv iti saṃsṛjya kāṃsyena varṣīyasā pidhāya kūrcābhyāṃ parigṛhya madhuparka iti prāha
- 11
त्रिवृतम् एके घृतं च
trivṛtam eke ghṛtaṃ ca
- 12
पाङ्क्तम् एके धानाः सक्तूंश्च
pāṅktam eke dhānāḥ saktūṃśca
- 13
उत्तराभ्याम् अभिमन्त्र्य यजुर्भ्याम् अप आचामति पुरस्ताद् उपरिष्टाच्चोत्तरया त्रिः प्राश्यानुकम्प्याय प्रयच्छेत्
uttarābhyām abhimantrya yajurbhyām apa ācāmati purastād upariṣṭāccottarayā triḥ prāśyānukampyāya prayacchet
- 14
प्रतिगृह्यैव राजा स्थपतिर्वा पुरोहिताय
pratigṛhyaiva rājā sthapatirvā purohitāya
- 15
गौर् इति गां प्राह
gaur iti gāṃ prāha
- 16
उत्तरयाभिमन्त्र्य तस्यै वपां श्रपयित्वोपस्तीर्णाभिघारितां मध्यमेनान्तमेन वा पलाशपर्णेनोत्तरया जुहोति
uttarayābhimantrya tasyai vapāṃ śrapayitvopastīrṇābhighāritāṃ madhyamenāntamena vā palāśaparṇenottarayā juhoti
- 17
यद्य् उत्सृजेद् उपांशूत्तरां जपित्वोम् उत्सृजतेत्य् उच्चैः
yady utsṛjed upāṃśūttarāṃ japitvom utsṛjatety uccaiḥ
- 18
अन्नं प्रोक्तम् उपांशूत्तरैर् अभिमन्त्र्यों कल्पयतेत्य् उच्चैः
annaṃ proktam upāṃśūttarair abhimantryoṃ kalpayatety uccaiḥ
- 19
आचार्यायर्त्विजे श्वशुराय राज्ञ इति परिसंवत्सराद् उपतिष्ठद्भ्य एतत्कार्यम्
ācāryāyartvije śvaśurāya rājña iti parisaṃvatsarād upatiṣṭhadbhya etatkāryam
- 20
सकृत्प्रवक्त्रे चित्राय
sakṛtpravaktre citrāya

