10 shlokas
- 3
शङ्खिनं कुमारं तपोयुक्त उत्तराभ्याम् अभिमन्त्र्योत्तरयोदकुम्भेन शिरस्तो ऽवनयेत्प्रातर्मध्यन्दिने सायम्
śaṅkhinaṃ kumāraṃ tapoyukta uttarābhyām abhimantryottarayodakumbhena śirasto 'vanayetprātarmadhyandine sāyam
- 4
अगदो भवति
agado bhavati
- 5
श्रावण्यां पौर्णमास्याम् अस्तमिते स्थालीपाकः
śrāvaṇyāṃ paurṇamāsyām astamite sthālīpākaḥ
- 6
पार्वणवद् आज्यभागान्ते स्थालीपाकाद्धुत्वाञ्जलिनोत्तरैः प्रतिमन्त्रं किंशुकानि जुहोति
pārvaṇavad ājyabhāgānte sthālīpākāddhutvāñjalinottaraiḥ pratimantraṃ kiṃśukāni juhoti
- 7
उत्तराभिस्तिसृभिर् आरग्वधमय्यः समिधः
uttarābhistisṛbhir āragvadhamayyaḥ samidhaḥ
- 8
आज्याहुतीर् उत्तराः
ājyāhutīr uttarāḥ
- 9
जयादि प्रतिपद्यते
jayādi pratipadyate
- 10
परिषेचनान्तं कृत्वा वाग्यतः संभारान् आदाय प्राचीम् उदीचीं वा दिशम् उपनिष्क्रम्यस्थण्डिलं कल्पयित्वा तत्र प्राचीर् उदीचीश्च तिस्रस्तिस्रो लेखा लिखित्वाद्भिर् उपनिनीय तासूत्तरया सक्तून्निवपति
pariṣecanāntaṃ kṛtvā vāgyataḥ saṃbhārān ādāya prācīm udīcīṃ vā diśam upaniṣkramyasthaṇḍilaṃ kalpayitvā tatra prācīr udīcīśca tisrastisro lekhā likhitvādbhir upaninīya tāsūttarayā saktūnnivapati
- 11
तूष्णीं संपुष्का धाना लाजान् आञ्जनाभ्यञ्जने स्थगरोशीरम् इति
tūṣṇīṃ saṃpuṣkā dhānā lājān āñjanābhyañjane sthagarośīram iti
- 12
उत्तरैर् उपस्थायापः परिषिच्याप्रतीक्षस्तूष्णीम् एत्यापश्वेत पदेत्य् आभ्याम् उदकुम्भेन त्रिः प्रदक्षिणम् अन्तरतो ऽगारं निवेशनं वा परिषिच्य ब्राह्मणान्भोजयेत्
uttarair upasthāyāpaḥ pariṣicyāpratīkṣastūṣṇīm etyāpaśveta padety ābhyām udakumbhena triḥ pradakṣiṇam antarato 'gāraṃ niveśanaṃ vā pariṣicya brāhmaṇānbhojayet

