15 shlokas
- 1
सीमन्तोन्नयनं प्रथमे गर्भे चतुर्थे मासि
sīmantonnayanaṃ prathame garbhe caturthe māsi
- 2
ब्राह्मणान्भोजयित्वाशिषो वाचयित्वाग्नेर् उपसमाधानाद्याज्यभागान्ते ऽन्वारब्धायामुत्तरा आहुतीर्हुत्वा जयादि प्रतिपद्यते
brāhmaṇānbhojayitvāśiṣo vācayitvāgner upasamādhānādyājyabhāgānte 'nvārabdhāyāmuttarā āhutīrhutvā jayādi pratipadyate
- 3
परिषेचनान्तं कृत्वापरेणाग्निं प्राचीम् उपवेश्य त्रेण्या शलल्या त्रिभिर्दर्भपुञ्जीलैः शलालुग्लप्सेनेत्य् ऊर्ध्वं सीमन्तमुन्नयति व्याहृतीभिर् उत्तराभ्यां च
pariṣecanāntaṃ kṛtvāpareṇāgniṃ prācīm upaveśya treṇyā śalalyā tribhirdarbhapuñjīlaiḥ śalāluglapsenety ūrdhvaṃ sīmantamunnayati vyāhṛtībhir uttarābhyāṃ ca
- 4
गायतमिति वीणागाथिनौ संशास्ति
gāyatamiti vīṇāgāthinau saṃśāsti
- 5
उत्तरयोः पूर्वा साल्वानां ब्राह्मणानाम् इतरा
uttarayoḥ pūrvā sālvānāṃ brāhmaṇānām itarā
- 6
नदीनिर्देशश्च यस्यां वसन्ति
nadīnirdeśaśca yasyāṃ vasanti
- 7
यवान्विरूढान् आबध्य वाचं यच्छत्य् आ नक्षत्रेभ्यः
yavānvirūḍhān ābadhya vācaṃ yacchaty ā nakṣatrebhyaḥ
- 8
उदितेषु नक्षत्रेषु प्राचीमुदीचीं वा दिशमुपनिष्क्रम्य वत्समन्वारभ्य व्याहृतीश्च जपित्वा वाचं विसृजेत्
uditeṣu nakṣatreṣu prācīmudīcīṃ vā diśamupaniṣkramya vatsamanvārabhya vyāhṛtīśca japitvā vācaṃ visṛjet
- 9
पुंसवनं व्यक्ते गर्भे तिष्येण
puṃsavanaṃ vyakte garbhe tiṣyeṇa
- 10
न्यग्रोधस्य या प्राच्युदीची वा शाखा ततः सवृषणां शुङ्गामाहृत्य सीमन्तवदग्नेरुपसमाधानादि
nyagrodhasya yā prācyudīcī vā śākhā tataḥ savṛṣaṇāṃ śuṅgāmāhṛtya sīmantavadagnerupasamādhānādi
- 11
अनवस्नातया कुमार्या दृषत्पुत्रे दृषत्पुत्रेण पेषयित्वा परिप्लाव्यापरेणाग्निं प्राचीमुत्तानां निपात्योत्तरेण यजुषाङ्गुष्ठेन दक्षिणे नासिकाछिद्रे ऽपिनयति
anavasnātayā kumāryā dṛṣatputre dṛṣatputreṇa peṣayitvā pariplāvyāpareṇāgniṃ prācīmuttānāṃ nipātyottareṇa yajuṣāṅguṣṭhena dakṣiṇe nāsikāchidre 'pinayati
- 12
पुमांसं जनयति
pumāṃsaṃ janayati
- 13
क्षिप्रं सुवनम्
kṣipraṃ suvanam
- 14
अनाप्रीतेन शरावेणानुस्रोतसम् उदकम् आहृत्य पत्तस्तूर्यन्तीं निधाय मूर्धञ्छोष्यन्तीम् उत्तरेण यजुषाभिमृश्यैताभिर् अद्भिर् उत्तराभिर् अवोक्षेत्
anāprītena śarāveṇānusrotasam udakam āhṛtya pattastūryantīṃ nidhāya mūrdhañchoṣyantīm uttareṇa yajuṣābhimṛśyaitābhir adbhir uttarābhir avokṣet
- 15
यदि जरायु न पतेद् एवंविहिताभिर् एवाद्भिर् उत्तराभ्याम् अवोक्षेत्
yadi jarāyu na pated evaṃvihitābhir evādbhir uttarābhyām avokṣet

