87 shlokas
- 1
सौत्रामणिं सोमवामिनः सोमाभिव्यजनस्य राजसूयेनाभिषिषिचानस्य भूतिकामस्य ज्योगामयाविनो ऽन्नाद्यकामस्य पशुकामस्य भ्रातृव्यवतो ऽभिशस्यमानस्य वा
sautrāmaṇiṃ somavāminaḥ somābhivyajanasya rājasūyenābhiṣiṣicānasya bhūtikāmasya jyogāmayāvino 'nnādyakāmasya paśukāmasya bhrātṛvyavato 'bhiśasyamānasya vā
- 2
सीसेन क्लीबाच्छष्पानि कृष्णेन तसरपक्ष्मणा सोमविक्रयिणो वा क्रीणाति
sīsena klībācchaṣpāni kṛṣṇena tasarapakṣmaṇā somavikrayiṇo vā krīṇāti
- 3
गार्हपत्य ओदनं श्रपयित्वा लाजान्संसृज्या तोक्मं नग्नहुर्लाजा मासरम् इति
gārhapatya odanaṃ śrapayitvā lājānsaṃsṛjyā tokmaṃ nagnahurlājā māsaram iti
- 4
स्वाद्वीं त्वा स्वादुनेति शष्पैः सुरां संसृजति
svādvīṃ tvā svāduneti śaṣpaiḥ surāṃ saṃsṛjati
- 5
सोमो ऽस्य अश्विभ्यां पचस्वेति ककुभ्यां समवदधाति
somo 'sya aśvibhyāṃ pacasveti kakubhyāṃ samavadadhāti
- 6
तिस्रो रात्रीः संहिता वसति
tisro rātrīḥ saṃhitā vasati
- 7
तिसॄणां पारे पशुबन्धः
tisṝṇāṃ pāre paśubandhaḥ
- 8
प्रणीते ऽग्नौ दक्षिणतो ऽग्नेर्दक्षिणस्मिन्वेद्यंसे प्रणयत्य् अपि वा पर्यग्निकरणान्तं कृत्वा तद् एवोल्मुकम् उपसमादध्यात्
praṇīte 'gnau dakṣiṇato 'gnerdakṣiṇasminvedyaṃse praṇayaty api vā paryagnikaraṇāntaṃ kṛtvā tad evolmukam upasamādadhyāt
- 9
तस्य शेषं पशुश्रपणं हरेयुः
tasya śeṣaṃ paśuśrapaṇaṃ hareyuḥ
- 10
सन्नेष्व् आज्येषु सुराम् अभ्युदानयन्ति
sanneṣv ājyeṣu surām abhyudānayanti
- 11
ब्राह्मणस्य मूर्धन्सादयित्वा द्रोणे वालं वितत्य सुराम् अतिपावयति पुनातु ते परिस्रुतम् इति
brāhmaṇasya mūrdhansādayitvā droṇe vālaṃ vitatya surām atipāvayati punātu te parisrutam iti
- 12
प्रत्यक्सोम इति सोमातिपवितस्य
pratyaksoma iti somātipavitasya
- 13
अग्रेण दक्षिणाग्निं सिकतानां खरः
agreṇa dakṣiṇāgniṃ sikatānāṃ kharaḥ
- 14
तस्मिन्पालाशम् आश्वत्थम् औदुम्बरं नैयग्रोधम् इति पात्राणि
tasminpālāśam āśvattham audumbaraṃ naiyagrodham iti pātrāṇi
- 15
तेषु कुविद् अङ्गेति सुराग्रहान्गृह्णात्य् उपयामगृहीतो ऽस्य् अछिद्रां त्वाछिद्रेणेत्य् आश्विनं गृहीत्वा कुवलसक्तुभिः श्रीणाति
teṣu kuvid aṅgeti surāgrahāngṛhṇāty upayāmagṛhīto 'sy achidrāṃ tvāchidreṇety āśvinaṃ gṛhītvā kuvalasaktubhiḥ śrīṇāti
- 16
सिंहाव् अध्वर्युर्ध्यायति
siṃhāv adhvaryurdhyāyati
- 17
सारस्वतं द्वितीयं प्रतिप्रस्थाता
sārasvataṃ dvitīyaṃ pratiprasthātā
- 18
कर्कन्धुसक्तुभिर्व्याघ्रलोमैश्च श्रीणाति
karkandhusaktubhirvyāghralomaiśca śrīṇāti
- 19
व्याघ्रौ प्रतिप्रस्थाता ध्यायति
vyāghrau pratiprasthātā dhyāyati
- 20
इन्द्राय सुत्राम्णे तृतीयं यजमानः
indrāya sutrāmṇe tṛtīyaṃ yajamānaḥ
- 21
बदरसक्तुभिः श्रीणाति
badarasaktubhiḥ śrīṇāti
- 22
वृकौ यजमानो ध्यायति
vṛkau yajamāno dhyāyati
- 23
एष ते योनिर् अमुष्मै त्वेत्य् आयतने यथास्थानं सादयति
eṣa te yonir amuṣmai tvety āyatane yathāsthānaṃ sādayati
- 24
यूपं संमीय पशून् उपाकरोत्य् आश्विनम् अजं सारस्वतीं मेषीम् ऐन्द्रं वृषभं वृष्णिं वा
yūpaṃ saṃmīya paśūn upākaroty āśvinam ajaṃ sārasvatīṃ meṣīm aindraṃ vṛṣabhaṃ vṛṣṇiṃ vā
- 25
बार्हस्पत्यं चतुर्थं सोमातिपवितस्य
bārhaspatyaṃ caturthaṃ somātipavitasya
- 26
इन्द्राय सुत्राम्ण एकादशकपालः सवित्रे ऽष्टाकपालो वारुणो यवमयश्चरुर् इति पशुपुरोडाशान्निरुप्य ग्रहैः प्रचरति
indrāya sutrāmṇa ekādaśakapālaḥ savitre 'ṣṭākapālo vāruṇo yavamayaścarur iti paśupuroḍāśānnirupya grahaiḥ pracarati
- 27
आश्विनम् अध्वर्युर् आदत्ते सारस्वतं प्रतिप्रस्थातैन्द्रं यजमानः
āśvinam adhvaryur ādatte sārasvataṃ pratiprasthātaindraṃ yajamānaḥ
- 28
अश्विभ्यां सरस्वत्या इन्द्राय सुत्राम्णे सोमानाम् अनुब्रूहि
अश्विभ्यां सरस्वत्या इन्द्राय सुत्राम्णे सोमान्प्रस्थितान्प्रेष्येति संप्रेष्यति
aśvibhyāṃ sarasvatyā indrāya sutrāmṇe somānām anubrūhi
aśvibhyāṃ sarasvatyā indrāya sutrāmṇe somānprasthitānpreṣyeti saṃpreṣyati
- 29
वषट्कृतानुवषट्कृते हुत्वाभिषेकाभिग्रहणादि पशूनां च वसया क्षत्रस्य योनिर् असीति सार्येण धिमास्तम् आसन्दीम् आस्तीर्य दक्षिणत आहवनीयस्य निदधाति स्योनासि सुषदेति
vaṣaṭkṛtānuvaṣaṭkṛte hutvābhiṣekābhigrahaṇādi paśūnāṃ ca vasayā kṣatrasya yonir asīti sāryeṇa dhimāstam āsandīm āstīrya dakṣiṇata āhavanīyasya nidadhāti syonāsi suṣadeti
- 30
सुषदाम् आसीदेत्य् आरोहन्तम् अनुमन्त्रयते
suṣadām āsīdety ārohantam anumantrayate

