10 shlokas
- 1
यद्य् उत्सर्गिणाम् अयनं कुर्युर्द्वितीयस्य मासस्य प्रथमम् अहर् उत्सृजेरन्न् अपि चोत्तरेषां मासानां प्रथमान्य् आभिप्लविकान्य् अर्धमासेभ्यस्त्रयो ऽभिप्लवास्तेषां मध्यमस्य प्रथमम् एकसंभार्ये द्वयोर् अभिप्लवयोः
yady utsargiṇām ayanaṃ kuryurdvitīyasya māsasya prathamam ahar utsṛjerann api cottareṣāṃ māsānāṃ prathamāny ābhiplavikāny ardhamāsebhyastrayo 'bhiplavāsteṣāṃ madhyamasya prathamam ekasaṃbhārye dvayor abhiplavayoḥ
- 2
अपि वा यद् अहः पूर्णमास्यम् आमावास्यं वा तद् अहर् उत्सृजेरन्
api vā yad ahaḥ pūrṇamāsyam āmāvāsyaṃ vā tad ahar utsṛjeran
- 3
श्व उत्स्रष्टास्मह इतीन्द्राय वत्सान् उपाकुर्वन्ति
śva utsraṣṭāsmaha itīndrāya vatsān upākurvanti
- 4
श्वो भूते प्राजापत्यं पशुम् आलभेरन्
śvo bhūte prājāpatyaṃ paśum ālabheran
- 5
तस्य वपोपर्याग्नेयेनाष्टाकपालेन सवनीयेनाष्टाकपालेन वैश्वदेवेन वारुणेन्द्रेणेति प्रचरति
tasya vapoparyāgneyenāṣṭākapālena savanīyenāṣṭākapālena vaiśvadevena vāruṇendreṇeti pracarati
- 6
माध्यन्दिनस्य सवनस्य स्थाने पशुपुरोडाशैः प्रचर्यैकादशकपालेन सवनीयेनैकादशकपालेन मरुत्वतीयेनैकादशकपालेन वारुणेन्द्रेणेति प्रचरति
mādhyandinasya savanasya sthāne paśupuroḍāśaiḥ pracaryaikādaśakapālena savanīyenaikādaśakapālena marutvatīyenaikādaśakapālena vāruṇendreṇeti pracarati
- 7
तृतीयसवनस्य स्थाने पशुना प्रचर्य सवनीयेन द्वादशकपालेन वैश्वदेवेन द्वादशकपालेन चरुणाग्निमारुतेनेति प्रचरति
tṛtīyasavanasya sthāne paśunā pracarya savanīyena dvādaśakapālena vaiśvadevena dvādaśakapālena caruṇāgnimāruteneti pracarati
- 8
पृषदाज्येन चरित्वा पत्नीः संयाजयन्ति
pṛṣadājyena caritvā patnīḥ saṃyājayanti
- 9
अनुसवनम् एके पयः समामनन्ति प्रतिधुक्प्रातःसवने शृतं माध्यन्दिने दधि तृतीये सवने
anusavanam eke payaḥ samāmananti pratidhukprātaḥsavane śṛtaṃ mādhyandine dadhi tṛtīye savane
- 10
यदि दीक्षासु प्रदीक्षितारितितस्ते विहारं कृत्वा दण्डप्रदानान्ते ऽग्निम् अभ्यस्य वाग्यतमवेदयेद्यद्य् आग्नीध्रीये प्रणीतौ यदीक्षेतान्तरितं श्वो विहारं करोति क्रयं वेदिसदो हविर्धानं सोमप्रणयनम् इति परिहासं न्युपाथ याज्ञाग्नी पार्श्वतः शालामुखीयस्याहवनीयं प्रतिष्ठाप्य तस्माद् औत्तरवेदिकं प्रणयेद् आग्नीध्रीयं यद्य् अस्याग्नीध्रीयम् आहवनीयशेषं शालामुखीयेन संसृजत्य् अग्निभ्यां प्रणीयमानाभ्याम् अनुब्रूहीति संप्रेष्यत्य् अग्निभ्याम् अग्निं संसृजति सर्वत्र समानशीलसुतपासुपह्येत
yadi dīkṣāsu pradīkṣitārititaste vihāraṃ kṛtvā daṇḍapradānānte 'gnim abhyasya vāgyatamavedayedyady āgnīdhrīye praṇītau yadīkṣetāntaritaṃ śvo vihāraṃ karoti krayaṃ vedisado havirdhānaṃ somapraṇayanam iti parihāsaṃ nyupātha yājñāgnī pārśvataḥ śālāmukhīyasyāhavanīyaṃ pratiṣṭhāpya tasmād auttaravedikaṃ praṇayed āgnīdhrīyaṃ yady asyāgnīdhrīyam āhavanīyaśeṣaṃ śālāmukhīyena saṃsṛjaty agnibhyāṃ praṇīyamānābhyām anubrūhīti saṃpreṣyaty agnibhyām agniṃ saṃsṛjati sarvatra samānaśīlasutapāsupahyeta

